୧୦ଟି ନୂଆ କାରକୁ ୧୦୦ ଫୁଟ ତଳକୁ ଫିଙ୍ଗିଦେଲା କମ୍ପାନୀ, ଜାଣନ୍ତୁ କାହିଁକି

କାର ନିର୍ମାତା ଭାବେ ଭଲ୍‌ଭୋ କମ୍ପାନୀ ସାରା ଦୁନିଆରେ ପରିଚିତ। ଏହି କମ୍ପାନୀ ସାଧାରଣତଃ ଲକ୍‌ଜ୍ୟୁରୀ ଦାମୀ କାର ଉତ୍ପାଦନ କରିଥାଏ।

ହଠାତ୍ ନିକଟରେ ଦେଖିବାକୁ ମିଳିଲା ଏହି କମ୍ପାନୀ ତାର ଲକ୍‌ଜ୍ୟୁରୀ କାରକୁ ୧୦୦ ଫୁଟ୍‌ ଉଞ୍ଚାରୁ ଏକ ଗହିରିଆ ଖାଲକୁ ଫିଙ୍ଗି ଦେଉଛି। ଦେଖିବା ଲୋକେ ଆଶ୍ଚର୍ଯ୍ୟ ହୋଇଗଲେ। ହେଲେ ପରେ ଜଣାପଡ଼ିଲା, କମ୍ପାନୀ ପକ୍ଷରୁ ଏହି ଅଜବ କାରନାମା ଏକ ନିର୍ଦ୍ଦିଷ୍ଟ ଉଦ୍ଦେଶ୍ୟରେ କରାଯାଉଛି। ଗ୍ରାହକଙ୍କ ସୁରକ୍ଷା ପରଖିବା ପାଇଁ ଏପରି କରାଯାଉଛି।

ଏହି କ୍ରାସ ଟେଷ୍ଟକୁ ଆଧାର କରି ରେସ୍କ୍ୟୁ ଦକ୍ଷତା ବଢ଼ାଯାଇ ପାରିବ ଏବଂ ଯେକୌଣସି ବିପଦପୂର୍ଣ୍ଣ ପରିସ୍ଥିତିକୁ କିପରି ସାମ୍ନା କରାଯାଇପାରିବ ସେ ବିଷୟରେ ଅଧିକ ଜାଣିହେବ।

ପୂର୍ବରୁ ଏହି କାମ ପାଇଁ ଦୁଇ ଦଶନ୍ଧିର ଗାଡ଼ିକୁ ବ୍ୟବହାର କରାଯାଉଥିଲା। କିନ୍ତୁ କମ୍ପାନୀ ଏହିଥର ବ୍ରାଣ୍ଡ୍‌ ନୂଆ କାରକୁ କ୍ରାସ୍‌ ଟେଷ୍ଟିଂରେ ସାମିଲ୍‌ କରିବାକୁ ନିଷ୍ପତ୍ତି ନେଇଥିଲା।

ଭଲ୍‌ଭୋ କମ୍ପାନୀ ଏକ ଟ୍ୱିଟ୍‌ କରିଛି। ଯେଉଁଥିରେ ଏହି କାରଗୁଡ଼ିକର କ୍ରାସ୍‌ ଟେଷ୍ଟିଂ ଭିଡିଓକୁ ସେୟାର କରାଯାଇଛି। ଏହାର କ୍ୟାପ୍ସନରେ ଲେଖାଯାଇଛି କି ଆମେ ଆମର ଆପାତଃକାଳୀନ ସେବା ପାଇଁ ନୂଆ ଟେକ୍ନୋଲୋଜିର ଲଞ୍ଚ୍‌ କରିବାକୁ ଚାହୁଁଛୁ। ଯେଉଁଥିରେ କି ଭୟାନକ ଦୁର୍ଘଟଣାରେ ଗାଡ଼ି ଭିତରେ ପଶି ରହିଥିବା ଲୋକଙ୍କୁ ଅତି ସହଜରେ ବାହାରକୁ ଅଣାଯାଇପାରିବ।

ହେଲେ ଏପରି ପରୀକ୍ଷା କରିବାକୁ କମ୍ପାନୀର ପୁରୁଣା ପକ୍ରିୟ ପର୍ଯ୍ୟାପ୍ତ ହୋଇନଥାନ୍ତା। ତେଣୁ କମ୍ପାନୀ ଏହାର ଟେଷ୍ଟିଂ ପକ୍ରିୟାର ସ୍ତରକୁ ଆଗକୁ ବଢ଼ାଇଥିବା ଏହି ଟ୍ୱିଟ୍‌ରେ କୁହାଯାଇଛି।

You might also like