• translate
Chandan Shishu

କଟକ:  ମହାନଦୀରୁ ଓଲିଉଡ ଅଭିନେତା ଅମ୍ଳାନଙ୍କ ପତ୍ନୀ ଉଦ୍ଧାର। କଟକ ମଧୁସୂଦନ ସେତୁ ନିକଟରୁ ସ୍ଥାନୀୟ ଲୋକ ଓ ପୋଲିସ୍ ତାଙ୍କୁ ପାଣିରୁ ଉଦ୍ଧାର କରିଛନ୍ତି।  ନଦୀରେ ପୂଜା ସାମଗ୍ରୀ ବିସର୍ଜନ କରୁଥିବା ବେଳେ ସେ ଖସିପଡ଼ିଥିବା ପୋଲିସ୍ ପକ୍ଷରୁ ସୂଚନା ମିଳିଛି।

ଉଦ୍ଧାର କରାଯିବା ପରେ ସିଡିଏ ଫେଜ୍-୨ ଥାନାରେ ପହଞ୍ଚିଛନ୍ତି ଅମ୍ଳାନଙ୍କ ସହ ନଦୀରୁ ଉଦ୍ଧାର ହୋଇଥିବା ତାଙ୍କ ପତ୍ନୀ। ତେବେ ଏହା ଦୁର୍ଘଟଣା ନା ଅନ୍ୟ କିଛି କାରଣ ସେନେଇ ପୋଲିସ୍ ତଦନ୍ତ କରୁଛି ତେବେ ଏନେଇ ଅମ୍ଲାନ କିମ୍ବା ତାଙ୍କ ପରିବାର ଲୋକଙ୍କ ପ୍ରତିକ୍ରିୟା ମିଳିପାରିନି।

ଅଘଟଣ ସଂପର୍କରେ ଅଭିନେତା ଅମ୍ଲାନ କହିଛନ୍ତି ଯେ ପୋଲରେ ପୂଜା ସାମଗ୍ରୀ ବିସର୍ଜନ ବେଳେ ଗୋଡ଼ ଖସି ଯାଇଥିଲା। ମୁଁ ତାଙ୍କୁ ସାଥିରେ ନେଇ ବିସର୍ଜନ କରିବାକୁ ଯାଇଥିଲି। ଏହିପରି ସ୍ଥିତିରେ ସେ ଖସି ପଡ଼ିଥିବା ମୁଁ ଦେଖିଛି। ତତ୍‌କ୍ଷଣାତ ପୋଲିସକୁ ଫୋନ କରାଯାଇଥିଲା। ପୋଲିସ ପୋଲରୁ ଡେଇଁ ତାଙ୍କୁ ଉଦ୍ଧାର କରିଛି। ସୌଭାଗ୍ୟବଶତଃ କୌଣସି ଇଞ୍ଜୁରୀ ନାହିଁ ବୋଲି ଅମ୍ଲାନ କହିଛନ୍ତି।

ଆହୁରି ପଢ଼ନ୍ତୁ: ଭିଡିଓ ଜାରି କରି ମୁହଁ ଖୋଲିଲେ ଅଭିନେତା ଅମ୍ଲାନଙ୍କ ପତ୍ନୀ, କହିଲେ- କାହିଁକି ମହାନଦୀକୁ ଖସି ପଡ଼ିଲେ ?

Other Stories