କେଉଁ ଆଡ଼କୁ ଯିବ ବାତ୍ୟା ‘ଅମ୍ଫାନ୍‌’ ?

ଭୁବନେଶ୍ୱର: ସମ୍ଭାବ୍ୟ ବାତ୍ୟା ଅମ୍ଫାନ୍‌ର ଗତିପଥ କ’ଣ ହେବ ? କେଉଁଠି ଏହା ଲ୍ୟାଣ୍ଡ୍‌ଫଲ୍‌ କରିବ ? ଏହାର ବେଗ କେତେ ରହିବ, ସେନେଇ ବର୍ତ୍ତମାନ ସୁଦ୍ଧା କିଛି ସ୍ପଷ୍ଟ ଜଣାପଡ଼ି ନ ଥିବାବେଳେ ଏହାର ଗତିପଥ ନେଇ National Centre for Medium Range Weather Forecasting(NCMRW) ପୂର୍ବାନୁମାନ କରିଛି।

ବାତ୍ୟା ବଙ୍ଗୋପସାଗରରୁ ଉତ୍ତର ପଶ୍ଚିମ ଦିଗ ଆଡ଼କୁ ଗତି କରିବା ନେଇ ସମ୍ଭାବନା ରହିଛିା NCMRW ପକ୍ଷରୁ ଜାରି ହୋଇଥିବା ଏହି ମ୍ୟାପ୍‌ରେ ଅମ୍ଫାନ୍ ଓଡ଼ିଶାର ଉତ୍ତର ଉପକୂଳକୁ ପ୍ରଭାବ ପକାଇପାରେ। ଏହାପରେ ଏହା ପଶ୍ଚିମବଙ୍ଗ ହୋଇ ବାଂଲାଦେଶ ଆଡ଼କୁ ମୁହାଁଉଥିବା ମ୍ୟାପ୍‌ରେ ଦର୍ଶାଯାଇଛି।

ତେବେ ଏଯାଏ ସମ୍ଭାବ୍ୟ ବାତ୍ୟାର ଗତିପଥ କେଉଁ ଆଡ଼କୁ ରହିବ ସେ ନେଇ ଭାରତୀୟ ପାଣିପାଗ ବିଭାଗ ପକ୍ଷରୁ କୌଣସି ସୂଚନା ଦିଆଯାଇ ନାହିଁ। ଏନେଇ ଆଜି କିମ୍ବା ଆସନ୍ତାକାଲି ସୁଦ୍ଧା ସ୍ପଷ୍ଟ ସୂଚନା ମିଳିବ ବୋଲି ଆଇଏମ୍‌ଡି ଡିଜି ଗତକାଲି କହିଥିଲେ।

ସୂଚନାଥାଉ କି, ଓଡ଼ିଶାର ଜଗତସିଂହପୁର, କେନ୍ଦ୍ରାପଡ଼ା, ବାଲେଶ୍ୱର ଓ ଭଦ୍ରକ ଜିଲ୍ଲାରେ ସମ୍ଭାବ୍ୟ ବାତ୍ୟାର ପ୍ରଭାବ ପଡ଼ିପାରେ।

You might also like