ପାଣି ପାଇଁ ଆନ୍ଦୋଳନ

ନୟାଗଡ଼: ଖରା ଦିନ ଆରମ୍ଭ ନ ହେଉଣୁ ପାଣି ପାଇଁ ସଂଘର୍ଷ ଆରମ୍ଭ ହୋଇଗଲାଣି। ନୟାଗଡ଼ ଜିଲ୍ଲା ଭାପୁର ବ୍ଲକ ବୋରଗାଁର ଲୋକେ ପିଇବା ପାଣି ମୁନ୍ଦାଏ ପାଇଁ ଗରା, ବାଲଟି ରଖି ଜିଲ୍ଲାପାଳଙ୍କ ଅଫିସ ଆଗରେ ଧାରଣା ଦେଇଛନ୍ତି। ତୁରନ୍ତ ପାଣି ସମସ୍ୟା ଦୂର କରିବାକୁ ଦାବି କରିଛନ୍ତି ଲୋକେ।

ସେମାନେ ଅଭିଯୋଗ କରିଛନ୍ତି, ଗାଁରେ ୬ ଶହରୁ ଅଧିକ ଲୋକଙ୍କ ପାଇଁ ୩ଟି ନଳକୂଅ ଅଛି। ମାତ୍ର ତାହା ଭାଙ୍ଗିରୁଜି ଯାଇଛି। ଯେଉଁ ନଳକୂଅଟିଏ ଅଛି, ସେଥିରୁ ମଧ୍ୟ ବ୍ୟବହାର ଅନୁପଯୋଗୀ ପାଣି ବାହାରୁଛି। ଏନେଇ ବାରମ୍ବାର ବିଭାଗୀୟ ଅଧିକାରୀଙ୍କୁ ଅଭିଯୋଗ କରିଥିଲେ ମଧ୍ୟ କିଛି ପଦକ୍ଷେପ ନିଆଯାଉ ନଥିବାରୁ ରାଜରାସ୍ତାକୁ ଓହ୍ଲାଇଛନ୍ତି ଗ୍ରାମବାସୀ।

ସେପଟେ, ଯଥାଶୀଘ୍ର ବୋରଗାଁର ପାନୀୟ ଜଳ ସମସ୍ୟା ଦୂର କରିବାକୁ ପଦକ୍ଷେପ ନିଆଯିବ ବୋଲି ଅତିରିକ୍ତ ଜିଲ୍ଲାପାଳ ପ୍ରସନ୍ନ କୁମାର ଦାସ ପ୍ରତିଶ୍ରୁତି ଦେଇଛନ୍ତି।

You might also like