ଲୁହ ଝରାଉଛି ସହିଦ ଗୋପୀନାଥ, ସଚ୍ଚିଦାନନ୍ଦ ଓ ନିରଂଜନଙ୍କ ଜନ୍ମମାଟି

ଆଳି/ସାଲପୁର/ଚାନ୍ଦବାଲି: ଆଜି କାର୍ଗିଲ୍ ବିଜୟ ଦିବସ। ଭାରତ ପାଇଁ ଏକ ଐତିହାସିକ, ସ୍ମରଣୀୟ ଓ ଗୌରବମୟ ଦିନ। ସଲାମ୍ ସେହି ସହିଦମାନଙ୍କ ବାପା ମା’ଙ୍କୁ ଯିଏ ଜନ୍ମ ଦେଇଥିଲେ ବୀର ସନ୍ତାନମାନଙ୍କୁ। ଏହି ବିଜୟ ଦିବସର ୧୯ ବର୍ଷ ପୂର୍ତ୍ତି ଅବସରରେ ପ୍ରାଣବଳି ଦେଇଥିବା ସହିଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି।  ହେଲେ ସହିଦ ଓଡ଼ିଆ ଯବାନ ଗୋପୀନାଥ ମହାରଣା ଓ ସଚ୍ଚିଦାନନ୍ଦ ମଲ୍ଲିକଙ୍କ ସ୍ମୃତି ପାଇଁ ପ୍ରଶାସନ ପକ୍ଷରୁ ସେଭଳି କୌଣସି କାର୍ଯ୍ୟକ୍ରମ କରାଯାଇନି। ତେବେ ଦେଶ ପାଇଁ ଜୀବନ ଦେଇଥିବାରୁ ଗାଁ ଲୋକେ ବେଶ୍ ଗର୍ବିତ।

(ସହିଦ ଗୋପୀନାଥଙ୍କୁ ଝୁରୁଛନ୍ତି ବାପା ମା)

କଟକ ଜିଲ୍ଲା ଜନାର୍ଦ୍ଦନପୁର ଗାଁର ସହିଦ ଯବାନ ଗୋପୀନାଥ ମହାରଣା। କାରଗିଲ ଯୁଦ୍ଧ ସମୟରେ ଗୋପୀନାଥ ସୈନ୍ୟମାନଙ୍କୁ ଗାଡ଼ିରେ ନେବା ବେଳେ ଶତ୍ରୁପକ୍ଷଙ୍କ ଗୁଳିରେ ଟଳି ପଡିଥିଲେ। ପୁଅକୁ ପାଶୋରି ନ ପାରି ଏବେବି ମାଆ ଆଖିରୁ ଲୁହ ଝରୁଛି। ପୁଅର ଫଟୋକୁ ପଣତରେ ପୋଛିବା ବେଳେ କାନ୍ଦିପକାନ୍ତି ମାଆ ଝୁମୁରି ମହାରଣା। ତେବେ ଆଜି କାରଗିଲ୍‌ ବିଜୟ ଦିବସ ହୋଇଥିବା ବେଳେ ସହିଦ ଗୋପୀନାଥଙ୍କ ଗାଁରେ ପ୍ରଶାସନ ପକ୍ଷରୁ ସେଭଳି କୌଣସି କାର୍ଯ୍ୟକ୍ରମ କରାଯାଇନି। ତଥାପି ତାଙ୍କ ସ୍ମୃତିକୁ ମନେ ପକାଇଲେ ଆତ୍ମୀୟସ୍ୱଜନଙ୍କ ଛାତି ଗର୍ବରେ ଫୁଲି ଉଠେ।

(ସହିଦ ପୁଅ ସଚ୍ଚିଦାନନ୍ଦଙ୍କୁ ଝୁରୁଛନ୍ତି ମାଆ)

ସେପଟେ ଅବବେହଳିତ ଅବସ୍ଥାରେ କେନ୍ଦ୍ରାପଡା ଜିଲ୍ଲା କଣ୍ଡିଆ ଗାଁର ସହିଦ ଯବାନ ସଚ୍ଚିଦାନନ୍ଦ ମଲ୍ଲିକଙ୍କ ସମାଧିସ୍ଥଳ। ସଚ୍ଚିଦାନନ୍ଦଙ୍କ ସ୍ମୃତି ଉଦ୍ଦେଶ୍ୟରେ ପ୍ରତିମୂର୍ତ୍ତି ସ୍ଥାପନ ଲାଗି ପ୍ରଶାସନ ପ୍ରତିଶ୍ରୁତି ଦେଇ ସଂପୂର୍ଣ୍ଣ ଭୁଲି ଯାଇଛି। ଏହାକୁ ନେଇ ପରିବାର ଲୋକ ଓ ବୁଦ୍ଧିଜୀବୀ ମହଲରେ ଅସନ୍ତୋଷ ଦେଖା ଦେଇଛି। କିନ୍ତୁ ନିଜ ଗାଁ ମାଟିର ଲୋକମାନେ ଭୁଲି ନାହାନ୍ତି ସେ ଲଢ଼ୁଆ ପୁଅକୁ। ସହିଦ ସଚ୍ଚିଦାନନ୍ଦଙ୍କ ପାଇଁ ଗର୍ବଅନୁଭବ କରନ୍ତି ପରିବାର ଲୋକ।

(ସହିଦ ସଚ୍ଚିଦାନନ୍ଦଙ୍କ ସ୍ମୃତି ସ୍ତମ୍ଭ)

ସେପଟେ କାରଗିଲ ଯୁଦ୍ଧରେ ସହିଦ ହୋଇଥିବା ବୀର ଯବାନ ନିରଞ୍ଜନ ବେହରାଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି।  ଭଦ୍ରକ ଜିଲ୍ଲା ଚାନ୍ଦବାଲି ବ୍ଳକ ପାଙ୍ଗୁଡା ଗାଁର ନିରଞ୍ଜନଙ୍କୁ ଗ୍ରାମବାସୀ ଶ୍ରଦ୍ଧାଞ୍ଜଳି ଜଣାଇଛନ୍ତି। ଆଖୁଳୀ ଚରଣ ବେହେରାଙ୍କ ସାନପୁଅ ନିରଞ୍ଜନ କାରଗିଲ ଯୁଦ୍ଧରେ ସହିଦ ହୋଇଥିଲେ।  ଦେଶ ପାଇଁ ଜୀବନ ଦେଇଥିବାରୁ ଗାଁ ଲୋକ ଏବେ ବି ତାଙ୍କୁ ନେଇ ବେଶ ଗର୍ବିତ।

(ସହିଦ ନିରଂଜନଙ୍କୁ ଝୁରୁଛନ୍ତି ଗ୍ରାମବାସୀ)

(ସାଲେପୁରରୁ ମନୋଜ ଆଚାର୍ଯ୍ୟ, ଆଳିରୁ ବନମାଳି ସାହୁ ଓ ଚାନ୍ଦବାଲିରୁ ବାସୁଦେବ ଦାସଙ୍କ ରିପୋର୍ଟ)

ଆହୁରି ପଢ଼ନ୍ତୁ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

ଚିତ୍ରକର ଆଙ୍କିଥିଲେ ଜବରଦସ୍ତ ପେଣ୍ଟିଂ; ଲୋକେ କହିଲେ ସୁଶାନ୍ତ ସିଂହ ରାଜପୁତ

ବାପାଙ୍କ ସହ ମିଶି ଅଷ୍ଟମ ଶ୍ରେଣୀର ଛାତ୍ର କଲା ନିଆରା ଉଦ୍ଭାବନ

You might also like