ନକଲି ବନ୍ଧୁକ ଦେଖାଇ ଲୁଟ୍ କରୁଥିବା ବେଳେ ବାର ବାଜିଲା ଲୁଟେରା ଅବସ୍ଥା

ବାଲେଶ୍ୱର: ନକଲି ବନ୍ଧୁକ ଦେଖାଇ ଲୁଟ୍ ଉଦ୍ୟମ କରୁଥିଲା, ହେଲେ ଏମିତି ଅବସ୍ଥା ହେଲା ଯେ ସିଧା ଯାଇ ମାମୁ ଘରେ ପଶିଲା ଲୁଟେରା। ଲୁଟେରାକୁ କାବୁ କରି ପୋଲିସରେ ଜିମା ଦେଲେ ଗ୍ରାମବାସୀ। ଏଭଳି ଘଟଣା ଦେଖିବାକୁ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଡିଙ୍ଗାଶୁଳ ଗାଁରେ।

ଯୁବକ ଜଣକ ଗୋବର୍ଦ୍ଧନପୁର ଗାଁର ବିଶ୍ୱଜିତ ନାଥ ବୋଲି ଜଣାପଡ଼ିଛି।  ବିଶ୍ୱଜିତ ଡିଙ୍ଗାଶୁଳ ଗାଁର ଜଣେ ବ୍ୟକ୍ତିଙ୍କ ଘରକୁ ଯାଇ ବନ୍ଧୁକ ଦେଖାଇ ଲୁଟ କରିବା ପାଇଁ ଚେଷ୍ଟା କରିଥିଲା। ବ୍ୟକ୍ତି ଜଣକ ବୁଦ୍ଧି ଖଟାଇ ଗ୍ରାମବାସୀଙ୍କୁ ଡାକିବା ପରେ ଗାଁ ଲୋକେ ମିଶି ବିଶ୍ୱଜିତକୁ କାବୁ କରିବା ସହିତ ଖୁଣ୍ଟରେ ବାନ୍ଧି ପକାଇଥିଲେ। ପରେ ପୋଲିସରେ ଖବର ଦେଇଥିଲେ।

ପୋଲିସ ଘଟଣା ସ୍ଥଳରେ ପହଞ୍ଚି ଯୁବକୁ ଉଦ୍ଧାର କରି ପଚରାଉଚୁରା ଚଳାଇଛି। ଯୁବକ ଠାରୁ ଏକ ବାଇକ ସହ ଗୋଟିଏ ନକଲି ବନ୍ଧୁକ ମଧ୍ୟ ଜବତ ହୋଇଥିବା ସୂଚନା ମିଳିଛି। ତେବେ ଯୁବକ ନାଁରେ ବିଭିନ୍ନ ଥାନାରେ ଲୁଟ, ଛିନ୍‌ତାଇ ଭଳି ୧୦ରୁ ଅଧିକ ମାମଲା ଥିବା ଜଣାପଡ଼ିଛି।

 

 

You might also like