ଛେଳି ଚୋରି ପାଇଁ ଏମିତି ଦଣ୍ଡ !

ଗଞ୍ଜାମ: ଛେଳି ଚୋରି ପାଇଁ ଗାଁ ଲୋକଙ୍କ ଦଣ୍ଡ। ଦୁଇ ଯୁବକଙ୍କୁ ବାନ୍ଧି ମାଡ଼ ମାରିଲେ ଗ୍ରାମବାସୀ। ଗଞ୍ଜାମ ଜିଲ୍ଲା ବେଲଗୁଣ୍ଠା ଫାଣ୍ଡି ଅନ୍ତର୍ଗତ ଗୁଣ୍ଡୁରିବାଡ଼ି ଗାଁର ଘଟିଛି ଏଭଳି ଘଟଣା। ଗାଁ ଠାକୁରାଣୀଙ୍କ ଉଦ୍ଦେଶ୍ୟରେ କିଣାଯାଇଥିବା ଛେଳିକୁ ଏହି ଦୁଇ ଯୁବକ ଚୋରି କରି ମାଂସକୁ ବିକ୍ରି କରିଦେଇଛନ୍ତି।

ପରମ୍ପରା ଅନୁସାରେ, ଗହ୍ମା ପୂର୍ଣ୍ଣମୀ ଦିନ ଗାଁ ଠାକୁରାଣୀଙ୍କ ନିକଟରେ ବଳି ପାଇଁ ଏହି ଛେଳି କିଣାଯାଇଥିଲା। ଗାଁର ଜଗନ୍ନାଥ ଜେନାଙ୍କ ଗୁହାଳରେ ଛେଳିଟିକୁ ରଖାଯାଇଥିବା ବେଳେ ରାତିରେ ଏମାନେ ଚୋରି କରିଥିବା ସ୍ୱୀକାର କରିଛନ୍ତି। ତେଣୁ ଦଣ୍ଡ ସ୍ୱରୁପ ଗ୍ରାମବାସୀ ଗାଁ ଦାଣ୍ଡରେ ଏକ ଟାୱାରରେ ଦୀର୍ଘ ସମୟ ଧରି ବାନ୍ଧି ରଖିବା ସହିତ ମାଡ଼ ବି ମାରିଥିବା ଅଭିଯୋଗ ହୋଇଛି। ଗ୍ରାମସଭାରେ ମିମାଂସା ହେବା ପରେ ଉଭୟ ୪୦ ହଜାର ଟଙ୍କା ଲେଖାଏଁ ଜୋରିମାନା ମଧ୍ୟ ଦେଇଛନ୍ତି।

You might also like