ଦୁଇ କିରାଣିଙ୍କ ଘରେ ଭିଜିଲାନ୍ସ ଚଢ଼ାଉ

ଭୁବନେଶ୍ୱର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୨ କିରାଣିଙ୍କ ଘରେ ଭିଜିଲାନ୍ସ ଚଢ଼ାଉ କରିଛି। ବ୍ରହ୍ମପୁର ଡିଏଫଓ ଅଫିସରେ କାର୍ଯ୍ୟରତ କନିଷ୍ଠ କିରାଣି ସୂର୍ଯ୍ୟନାରାୟଣ ତ୍ରିପାଠୀଙ୍କ ଘରେ ରେଡ୍ କରାଯାଇଛି। ବ୍ରହ୍ମପୁର ଭିଜିଲାନ୍ସର ୮ଟି ଟିମ୍ ସୂର୍ଯ୍ୟନାରାୟଣଙ୍କ ଘର ସମେତ ୪ଟି ସ୍ଥାନରେ ଚଢ଼ାଉ କରି ଛାନ୍‌ଭିନ୍‌ ଚଳାଇଥିବା ସୂଚନା ମିଳିଛି।

ସେହିପରି ଚିଲିକା ୱାଇଲ୍ଡ୍ ଲାଇଫ୍ ଡିଭିଜନର କନିଷ୍ଠ କିରାଣି ନବୀନ ଚନ୍ଦ୍ର ବିଶୋଇଙ୍କ ଘରେ ମଧ୍ୟ ରେଡ୍ ହୋଇଛି। ବିଶୋଇଙ୍କ ଘର ସହ କାର୍ଯ୍ୟାଳୟରେ ମଧ୍ୟ ଭିଜିଲାନ୍ସ ଚଢ଼ାଉ କରିଛି। ଉଭୟଙ୍କ ନିକଟରୁ ବହୁ ପରିମାଣର ଅର୍ଥ, ସୁନା ଅଳଙ୍କାର, ପ୍ଲଟ୍, ଗୃହ ଓ ବ୍ୟାଙ୍କ ଜମା ଆଦି ଠାବ କରାଯାଇଥିବା ଭିଜିଲାନ୍ସ ଏସ୍ପି ସୂଚନା ଦେଇଛନ୍ତି।

You might also like