ବଂଶଧାରା ମାମଲା: ଟ୍ରିବ୍ୟୁନାଲ୍‌ରେ ଆଜି ହେବ ଶୁଣାଣି

ଭୁବନେଶ୍ୱର: ଆଜି ବଂଶଧାରା ନଦୀ ଜଳ ବିବାଦ ମାମଲାର ଟ୍ରିବ୍ୟୁନାଲ୍‌ରେ ଶୁଣାଣି ହେବ। ଏନେଇ ଓଡ଼ିଶା ଓ ଆନ୍ଧ୍ରପ୍ରଦେଶ ନିଜ ନିଜ ପକ୍ଷ ଟ୍ରିବ୍ୟୁନାଲ୍‌କୁ ପ୍ରଦାନ କରିଛନ୍ତି। ଉଭୟ ରାଜ୍ୟ ମଧ୍ୟରେ ୨୮ ଜାନୁଆରୀରେ ବୈଠକ ବସିଥିଲା। ପ୍ରସ୍ତାବିତ ଅଞ୍ଚଳକୁ ପରିଦର୍ଶନ କରିବା ପରେ ଓଡ଼ିଶା ଓ ଆନ୍ଧ୍ରପ୍ରଦେଶ ସରକାରଙ୍କ ପକ୍ଷରୁ ଏନେଇ ତଥ୍ୟ କେନ୍ଦ୍ର ସରକାରଙ୍କୁ ପ୍ରଦାନ କରିଛନ୍ତି। ଏସବୁକୁ ଅନୁଧ୍ୟାନ କରିବା ପରେ ଟ୍ରିବ୍ୟୁନାଲ୍ ଗ୍ରାଉଣ୍ଡର ସ୍ଥିତି, ପ୍ରକଳ୍ପ ଦ୍ୱାରା କ୍ଷୟକ୍ଷତିର ଆକଳନ ଉପରେ ବିଚାର କରିପାରନ୍ତି।

୨୦୧୭ ମସିହା ସେପ୍ଟେମ୍ବରରେ ବଂଶଧାରା ନଦୀରେ ଆନ୍ଧ୍ରକୁ ନେରେଡ଼ି ଓ କାଟ୍ରାଗଡ଼ା ବ୍ୟାରେଜ ନିର୍ମାଣ ପାଇଁ ଟ୍ରିବ୍ୟୁନାଲ୍ ରାୟ ଶୁଣାଇଥିଲେ। ତେବେ ଏଥିରେ ସ୍ପଷ୍ଟତା ନଥିବା ଦର୍ଶାଇ ଓଡ଼ିଶା ଓ କେନ୍ଦ୍ର ସରକାରଙ୍କ ପକ୍ଷରୁ କିଛି ସର୍ତ୍ତବଳୀ ଉପରେ ଆପତ୍ତି ଉଠାଯାଇଥିଲା।

You might also like