୮ ମାସ ହେଲା ଉତ୍ପାଦନ ବନ୍ଦ, ୫ ମାସ ହେଲା କର୍ମଚାରୀଙ୍କୁ ମିଳିନି ଦରମା

ନବରଙ୍ଗପୁର: ୮ ମାସ ହେଲା ଉତ୍ପାଦନ ବନ୍ଦ,  ୫ ମାସ ହେଲା କର୍ମଚାରୀଙ୍କୁ ମିଳିନି ଦରମା। ନବରଙ୍ଗପୁର ଜିଲ୍ଲାର ଏକମାତ୍ର ଶିଳ୍ପାନୁଷ୍ଠାନ ମଙ୍ଗଳମ୍‌ ଟିମ୍ବର କମ୍ପାନୀରେ ଏଭଳି ସମସ୍ୟା ଦେଖା ଦେଇଛି।  ଏହି କମ୍ପାନୀ ଦୀର୍ଘ ୩୨ ବର୍ଷ ହେଲା ସୁରୁଖୁରୁରେ ଚାଲିଥିଲା ବେଳେ ଗତ ୮ ମାସ ହେଲା ଆର୍ଥିକ ସଙ୍କଟ ଯୋଗୁ ଉତ୍ପାଦନ ବନ୍ଦ ରହିଛି।  ଫଳରେ କମ୍ପାନୀ ସହ କର୍ମଚାରୀଙ୍କ ଭବିଷ୍ୟତ ଅନିଶ୍ଚିତତାରେ ଥିବାବେଳେ ମ୍ୟାନେଜର ଚିରାଚରିତ ଢଙ୍ଗରେ ଉତ୍ତର ରଖିଛନ୍ତି।

ମଙ୍ଗଳମ୍‌ ଟିମ୍ବର ୮ ମାସ ହେବ ବନ୍ଦ ରହିଛି। ଏଥିସହ କର୍ମଚାରୀଙ୍କୁ ୫ ମାସ ହେବ ଦରମା ମଧ୍ୟ ମିଳିନାହିଁ। ଫଳରେ ଏବେ କମ୍ପାନୀ ଚାଲୁନଥିବାରୁ ପେଟକୁ ଦାନା କିଭଳି ମିଳିବ ସେ ନେଇ ଚିନ୍ତାରେ କର୍ମଚାରୀ।

୧୯୮୭ ମସିହାର କମ୍ପାନୀର କାମ ସୁରୁଖୁରୁର ଚାଲିଥିଲା। କଞ୍ଚାମାଲ୍‌ର ଅଭାବ ,ଉତ୍ପାଦନ କମିବା ଓ କରେଣ୍ଟ ବିଲ୍‌ ବାକି ପଡ଼ିଥିବା କାରଣରୁ ପ୍ଳାଣ୍ଟ୍‌ରେ ବିଦ୍ୟୁତ୍‌ ସେବା ବନ୍ଦ ରହିଛି। ଫଳରେ ଉତ୍ପାଦନରେ ବାଧା ସୃଷ୍ଟି ହୋଇଛି।

ରପ୍ତାନି, ଆମଦାନୀ ଓ ଅନ୍ୟାନ୍ୟ କ୍ଷେତ୍ରରେ ବକେୟା ପଡ଼ିଥିବାରୁ ପୁନର୍ବାର କାର୍ଯ୍ୟକ୍ଷମ ହେବା ନେଇ ସନ୍ଦେହ ରହିଛି ବୋଲି ଶ୍ରମିକ ୟୁନିୟନ୍‌ ନେତା ଅଭିଯୋଗ କରିଛନ୍ତି। ସେପଟେ, ଏ ସମ୍ପର୍କରେ ୨ ରୁ ୩ ମାସ ମଧ୍ୟରେ ସମସ୍ୟାର ସମାଧାନ ହେବ ବୋଲି କମ୍ପାନୀର ଜେନେରାଲ୍‌ ମ୍ୟାନେଜର୍‌ କହିଛନ୍ତି।

ଅନ୍ୟପଟେ, ସ୍ଥାନୀୟ ବିଧାୟକ ଓ ଜିଲ୍ଲା ପ୍ରଶାସନ ବି କମ୍ପାନୀ କର୍ତ୍ତୃପକ୍ଷଙ୍କ ସହ ଆଲୋଚନା କରିବେ ବୋଲି କହିଛନ୍ତି।

ଗୋଟିଏ ପଟେ ୫ ମାସ ହେବ ଦରମା ନମିଳିବା କର୍ମଚାରୀଙ୍କୁ ଯେତିକି ବାଧିନି, ଏହା ବନ୍ଦ ହେବ ବୋଲି ଶୁଣାଯିବା ପରେ କର୍ମଚାରୀଙ୍କ ଚିନ୍ତା ବଢ଼ିଛି। ଏଭଳି ପରିସ୍ଥିତିରେ ପ୍ରଶାସନ ହସ୍ତକ୍ଷେପ କରି ସମସ୍ୟାର ସମାଧାନ ଲାଗି ଚେଷ୍ଟା କରିବାକୁ ଶ୍ରମିକ ଦାବି କରିଛନ୍ତି।

ଆହୁରି ପଢ଼ନ୍ତୁ

ନୋବୋଲ୍ ଶାନ୍ତି ପୁରସ୍କାର ସହ ରହିଛି ଓଡ଼ିଶାର ସମ୍ପର୍କ

୯ମାସର ଗର୍ଭବତୀ ୫ମିନିଟ୍‌ରେ ଦୌଡିଲେ ୧.୬କିମି, ଭିଡିଓ ଭାଇରାଲ୍‌

‘ବାପାଙ୍କ ସ୍ୱପ୍ନ ପ୍ରେରଣା ଯୋଗାଇଛି’

କରୋନା ପାଇଁ କ୍ରିକେଟର ସାଜିଲେ କୁଲି

ମୁହଁରେ ପ୍ଲାଷ୍ଟିକ୍‌‌ ମାସ୍କ ଲଗାଇ ରାସ୍ତାରେ ବୁଲିଲେ ଲୋକ, ଭିଡିଓ ଭାଇରାଲ୍‌

NEET Result: ସୋଏବଙ୍କ ପରି ଇଏ ବି ରଖିଛନ୍ତି ଶତପ୍ରତିଶତ ମାର୍କ

ରୋଗୀ ସେବାରେ ବ୍ରତୀ ରାଜ୍ୟପାଳ

ପୁରୁଣା ଇଂଜିନ୍‌ ବ୍ୟବହାର କରି ୪ ଚକିଆ ଗାଡି ତିଆରି କଲେ ଇଂଜିନିୟରିଂ ଛାତ୍ର

ଆଦିବାସୀ ପିଲାଙ୍କୁ ପଢାଇବାର ନିଆରା ପ୍ରୟାସ: ନିଜ ଖର୍ଚ୍ଚରେ ସ୍କୁଲ୍‌ କାନ୍ଥରେ ଚିତ୍ର କଲେ ଶିକ୍ଷକ

ସ୍କୁଟି ଉପରେ ଖାଇବା ଦୋକାନ: ଟଙ୍କା ନଥିଲେ ମାଗଣା ଖାଇପାରିବେ ଗ୍ରାହକ

ଅଳିଆ ଗଦାରେ ଭେଟ: ଭୋକିଲା ଦେଖି ୩୦୦କୁକୁରକୁ ଘରକୁ ନେଇଆସିଛନ୍ତି ମହିଳା

୫ବର୍ଷ ବୟସରେ ବିବାହ କରିଥିଲେ ବାବା: କହିଲେ, ସ୍ତ୍ରୀର ପ୍ରେମ ଦିଏ ଲଢିବାକୁ ସାହାସ

You might also like