ଜୟପୁର ବିମାନ ଘାଟିରୁ କେବେ ଉଡ଼ିବ ବିମାନ?

ଜୟପୁର: ଜୟପୁର ବିମାନ ଘାଟିରୁ ନିତିଦିନିଆ ବିମାନ ଚଳାଚଳ ନେଇ ପୁଣି ଆଶଙ୍କା ଦେଖା ଦେଇଛି। ଏୟାରଷ୍ଟ୍ରିପ୍‌ ପୁନରୁଦ୍ଧାର କରାଯିବା ପରେ ବି ବିମାନ ଚଳାଚଳ ନେଇ ସବୁଜ ସଙ୍କେତ ମିଳିପାରିନାହିଁ।

ବିମାବନ୍ଦରର ରନ୍‌ୱେ ପ୍ରସ୍ତୁତ ଅଛି। ଏୟାର ଟ୍ରାଫିକ୍‌ ମଧ୍ୟ ପ୍ରସ୍ତୁତ ଅଛି। ଟର୍ମିନାଲ୍‌ ବିଲଡିଂ ସହ ବିମାନ ବନ୍ଦରର ଆନୁସାଙ୍ଗିକ ବ୍ୟବସ୍ଥା ମଧ୍ୟ ସରିଛି। ଏବେ ଖାଲି ବିମାନ ଚଳାଚଳକୁ ଅପେକ୍ଷା ରହିଛି। ବିମାନ ବନ୍ଦରର ଫିନିସିଂ କାର୍ଯ୍ୟ ଏବେ ଚାଲିଛି। ଆଉ ମାତ୍ର ସପ୍ତାହକ ମଧ୍ୟରେ କାମ ସମ୍ପୂର୍ଣ୍ଣ ହୋଇଯିବ।

ଅନ୍ୟପଟେ ଜିଲ୍ଲା ପ୍ରଶାସନ ବିମାନ ଚଳାଚଳ ନେଇ ଡିଜିସିଏ ନିକଟରେ ଆବେଦନ କରିଥିଲେ ମଧ୍ୟ ଏ ପର୍ଯ୍ୟନ୍ତ କୌଣସି ଉତ୍ତର ମିଳିପାରିନାହି।

ବର୍ତ୍ତମାନ ଜୟପୁର ବିମାନ ବନ୍ଦରର ଏୟାରଷ୍ଟ୍ରିପ୍‌ରେ ୧୮ ଆସନ ବିଶିଷ୍ଟ ବିମାନ ହିଁ ଅବତରଣ କରିପାରିବ। ଏହାଠୁ ବଡ଼ ବିମାନ ଅବତରଣ ପାଇଁ ଏୟାରଷ୍ଟ୍ରିପ୍‌କୁ ଆହୁରି ସଂପ୍ରସାରଣ କରାଯିବା ଆବଶ୍ୟକ ବୋଲି ପ୍ରଶାସନ ପକ୍ଷରୁ କୁହାଯାଇଛି। ତେବେ ସମସ୍ତ ପ୍ରସ୍ତୁତି ସତ୍ତ୍ୱେ ଜୟପୁରରୁ ବିମାନ ଚଳାଚଳ ବିଳମ୍ବକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି।

You might also like