ଭୁବନେଶ୍ୱର: କରୋନା ସଂକ୍ରମଣକୁ ରୋକିବା ପାଇଁ ଗତକାଲି ଭୁବନେଶ୍ୱରର ବିଜେବି ନଗର, ହରିନଗର ବସ୍ତି ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବେ ଘୋଷଣା କରାଯାଇଛି। ଏହି ଅଞ୍ଚଳରୁ କରୋନା ପଜିଟିଭ୍ ବାହାରିବା ପରେ ଭୁବନେଶ୍ୱର ମହାନଗର ନିଗମ(ବିଏମ୍ସି) ପକ୍ଷରୁ ଏଭଳି ପଦକ୍ଷେପ ଗ୍ରହଣ କରାଯାଇଛି। ସଂପୃକ୍ତ ଅଞ୍ଚଳକୁ ସାନିଟାଇଜ୍ କରାଯିବା ସହ କଣ୍ଟା୍ସ ଟ୍ରେସିଂ ମଧ୍ୟ ଚାଲିଛି।
ବଡ଼ଗଡ଼ କେନାଲ ଠାରୁ ଗାୟତ୍ରୀ ମନ୍ଦିର, ଗାୟତ୍ରୀ ମନ୍ଦିରଠାରୁ ସ୍କଲାର ବଏଜ୍ ହଷ୍ଟେଲ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ୍ ଘୋଷଣା ହୋଇଛି। ସେହିପରି ସ୍କଲାର ବଏଜ୍ ହଷ୍ଟେଲଠାରୁ ହରିନଗର ବସ୍ତି ପ୍ରବେଶ ପଥ, ହରିନଗର ବସ୍ତି ପ୍ରବେଶ ପଥରୁ ବଡ଼ଗଡ଼ କେନାଲ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ୍ ଘୋଷଣା ହୋଇଛି।
In larger public interest & to contain the spread of the virus, BMC today declared the below-mentioned area of BJB Nagar, Harinagar Basti as a #ContainmentZone.
Active surveillance & contact tracing will be enhanced with sanitization of the area. #BbsrFightsCOVID pic.twitter.com/Q6yWYZbxxQ— BMC (@bmcbbsr) July 24, 2020
ସୂଚନାଥାଉ କି, ଗତକାଲି ଭୁବନେଶ୍ୱରରୁ ୨୪୮ କରୋନା ପଜିଟିଭ୍ ଚିହ୍ନଟ ହୋଇଥିଲେ। ସେଥିମଧ୍ୟରୁ କ୍ୱାରେଣ୍ଟିନ୍ କେସ୍ ୨୦୭ ଥିବାବେଳେ ଲୋକାଲ୍ କେସ୍ ୪୧ ରହିଛି। ଏତେସଂଖ୍ୟକ ଲୋକାଲ୍ କେସ୍ ଚିହ୍ନଟ ହେବାପରେ ରାଜଧାନୀବାସୀଙ୍କ ଚିନ୍ତା ଆହୁରି ବଢ଼ି ଯାଇଛି।