ଡାକ୍ତର ନୁହେଁ, ଅନଭିଜ୍ଞ ଔଷଧ ଦୋକାନୀ କରୁଛନ୍ତି ରୋଗୀ ଚିକିତ୍ସା!

ତେଲକୋଇ( ଚିନ୍ମୟ ସାହୁ) :  ଡାକ୍ତର ନୁହେଁ, ବରଂ ଅନଭିଜ୍ଞ ଔଷଧ ଦୋକାନୀ କରୁଛନ୍ତି ଚିକିତ୍ସା। କେବଳ ବଡ଼ ଲୋକ ନୁହନ୍ତି, ଛୋଟ ଶିଶୁଙ୍କୁ ମଧ୍ୟ କରାଯାଉଛି ଚିକିତ୍ସା। କେନ୍ଦୁଝର ଜିଲ୍ଲା ତେଲକୋଇ ବ୍ଲକର ଜଗମୋହନପୁର ଅଂଚଳରେ ଏଭଳି ଦୃଶ୍ୟ ସାମନାକୁ ଆସିଛି। ସମ୍ମୁଖରେ ଔଷଧ ଦୋକାନ କିନ୍ତୁ ପଛରେ କ୍ଲିନିକ୍ ଏବଂ ଚିକିତ୍ସା କରୁଛନ୍ତି ଔଷଧ ଦୋକାନୀ। କେବଳ ଏହି ଗୋଟିଏ ଦୋକାନ ନୁହେଁ, ବଜାରରେ ଥିବା ପ୍ରାୟ ସବୁ ଔଷଧ ଦୋକାନରେ ଦେଖିବାକୁ ମିଳେ ଏମିତି ଦୃଶ୍ୟ। କେବଳ ତେଲକୋଇ ନୁହେଁ, ଅନୁଗୁଳ ଜିଲ୍ଲା ପାଲଲହଡା ଉପଖଣ୍ଡର ରୋଗୀ ମଧ୍ୟ ଏଠାକୁ ଆସୁଛନ୍ତି ଚିକିତ୍ସା ହେବାକୁ।

ଡାକ୍ତରଖାନାରେ ଭଲ ଡାକ୍ତର ନ ଥିବାବେଳେ ମାଗଣା ଔଷଧରେ ରୋଗ ଭଲ ହେଉନି। ଯେଉଁଠି ରୋଗ ଭଲ ହେଉଛି ସେଠାକୁ ଆସୁଛୁ ବୋଲି କହିଛନ୍ତି ରୋଗୀ । ତେବେ ଏହି ଘଟଣା ନେଇ କୌଣସି ପ୍ରଶାସନିକ ଅଧିକାରୀଙ୍କ ପ୍ରତିକ୍ରିୟା ମିଳି ନଥିବାବେଳେ ସ୍ୱାସ୍ଥ୍ୟ ସେବାର ପ୍ରକୃତ ଚିତ୍ର ସାମନାକୁ ଆସିଛି।

You might also like