ଆସନ୍ତାକାଲି ଓଡ଼ିଶା ଓ ଛତିଶଗଡ଼ ମଧ୍ୟରେ ବସିବ ବୈଠକ

ମହାନଦୀ ଜଳବିବାଦ ମାମଲା

ଭୁବନେଶ୍ୱର : ମହାନଦୀ ଜଳବିବାଦ ମାମଲାରେ ଆସନ୍ତାକାଲି ଓଡ଼ିଶା ଓ ଛତିଶଗଡ଼ ମଧ୍ୟରେ ବସିବ ବୈଠକ। ସୁପ୍ରିମ୍‌କୋର୍ଟ ପରିସରରେ ଏହି ବୈଠକ ବସିବ। ଅଣମୌସୁମୀ ସମୟରେ ଓଡ଼ିଶାକୁ କେତେ ପରିମାଣରେ ମହାନଦୀ ଜଳ ଛାଡିବାକୁ ହେବ, ସେ ସମ୍ପର୍କରେ ଉଭୟ ରାଜ୍ୟ ଆଲୋଚନା କରିବେ।

ଦୁଇ ରାଜ୍ୟର ଜଳସମ୍ପଦ ଅଧିକାରୀ ମାନଙ୍କ ସହ ବୈଷୟିକ ବିଶେଷଜ୍ଞ ମାନେ ଉପସ୍ଥିତ ରହିବେ। ମହାନଦୀ ଜଳ ବିବାଦ ଟ୍ରିବ୍ୟୁନାଲରେ ଓଡ଼ିଶା ଦ୍ୱାରା ଦାଖଲ କରାଯାଇଥିବା ମଧ୍ୟବର୍ତ୍ତୀକାଳୀନ ଆବେଦନର ଚୂଡ଼ାନ୍ତ ରାୟ ଟ୍ରିବ୍ୟୁନାଲରେ ପ୍ରକାଶ ପାଇବା ପୂର୍ବରୁ ଏହି ବୈଠକ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି।

ଗତ ୯ ତାରିଖରେ ଟ୍ରିବ୍ୟୁନାଲରେ ଓଡ଼ିଶାର ମଧ୍ୟବର୍ତ୍ତୀକାଳୀନ ଆବେଦନର ଶୁଣାଣି ଶେଷ ହୋଇଥିଲା। ଏହାପରେ ଛତିଶଗଡ଼ରେ ବ୍ୟାରେଜ ନିର୍ମାଣ ମହାନଦୀ ଜଳପ୍ରବାହକୁ ପ୍ରଭାବିତ କରୁଛି କି ନାହିଁ, ଅଣମୌସୁମୀ ସମୟରେ ଜଳପ୍ରବାହର ଉଚିତ୍ ଆବଣ୍ଟନ ସମ୍ପର୍କରେ ଦୁଇ ରାଜ୍ୟର ଅଧିକାରୀମାନେ ସହମତି ଭିତ୍ତିରେ ନିଷ୍ପତ୍ତି ନେବା ପାଇଁ ଟ୍ରିବ୍ୟୁନାଲ ପ୍ରସ୍ତାବ ଦେଇଥିଲେ।

You might also like