• translate
Satyendu Shekher Mishra

ମୌସୁମୀ ବର୍ଷା, ଟୋକନ୍ ଲାପ୍ସ ଆଉ ମିଲର୍ସଙ୍କ ମନମାନିରେ ଧନ୍ଦି ହୋଇ ଆକ୍ତାମାକ୍ତା ହେଲେଣି ରବି ଧାନ ବିକ୍ରି ପାଇଁ ମଣ୍ଡିରେ ଅପେକ୍ଷାରତ ଚାଷୀ । ଗ୍ରାଉଣ୍ଡ ଜିରୋରେ ନଦେଖିଲେ ବିଶ୍ୱାସ ହେବନି । ଅନେକ ସ୍ଥାନରେ ଧାନ ଗଜା ଧରିଗଲାଣି ।

ଚାଷୀ ହୀନସ୍ତାର ମାଳମାଳ ଅଭିଯୋଗ ଭିତରେ ଆମେ କହୁଛୁ ଦୁଇଟି ଗୁରୁତ୍ୱପୂର୍ଣ୍ଣ କଥା । ଗୋଟିଏ ସୁବର୍ଣ୍ଣପୁର ସାରସମାଲ ମଣ୍ଡିର କଥା ତ ଅନ୍ୟଟି ବଲାଙ୍ଗିର ଜିଲ୍ଲା ଧୂମାଭଟ୍ଟା ଗାଁର ସାରସମାଲ ମଣ୍ଡିର କଥା । ଚାଷୀମାନେ ଏଠି ଅଖା ଧରିଛନ୍ତି, ସେଥିରେ ସାଲୁବାଲୁ ଧାନ ଗଜା । ଆଉ କିଛି ବର୍ଷାରେ ଭିଜି ଭିଜି ଗଛ ହେଲାଣି । ଯଦି ବାହାରେ ଏମିତି, ତାହାଲେ ମଣ୍ଡିରେ ପଡିଥିବା ବସ୍ତା ଭିତର ଅବସ୍ଥା କଣ ହୋଇଥିବ ସହଜରେ ଅନୁମେୟ । ରବି ଋତୁରେ ବିକ୍ରି ଅପେକ୍ଷାରେ କେବଳ ଏଇ ମଣ୍ଡିରେ ପଡିଛି ପ୍ରାୟ ୧୦ ହଜାରରୁ ଅଧିକ ବସ୍ତା ଧାନ । ଚାଷୀ ଅନେଇ ବସିଛି, ହେଲେ ମିଲର୍ସଙ୍କ ଦେଖା ନାହିଁ । ପ୍ରାୟ ୨୯ଜଣ ଚାଷୀଙ୍କ ଟୋକନ ବି ଲାପ୍ସ ହୋଇଗଲାଣି । ଯେଉଁ ସ୍ବଂୟ ସହାୟକ ଗୋଷ୍ଠୀ ଧାନ କିଣିବାକୁ ସ୍ଥିର ହୋଇଛି, ତାଙ୍କ କହିବା କଥା ଟାର୍ଗେଟ୍ ପ୍ରାୟ ଫିଲଅପ୍ ।

ଯେଉଁମାନଙ୍କ ଧାନ ଉଠିନି ସେମାନଙ୍କୁ ପୁଣି ଟୋକନ୍ ଦିଆଯିବ । ଏଣେ ପାଟଣାଗଡ଼ ଉପଖଣ୍ଡ ଧୂମାଭଟା ଗାଁର କଥା ବି ବଡ଼ ବିଚିତ୍ର । ବେଲପଡ଼ା ବ୍ଲକର ନମ୍ବର ଓ୍ୱାନ୍ ଚାଷୀ ଯୁଗଲାଲ ବୁଡେକ୍‌ ମଣ୍ଡିରେ ଧାନ ବିକି ନପାରି ଘରେ ୬୦ କୁଇଣ୍ଟାଲ୍ ପାଖାପାଖି ଥାକ ମାରି ରଖିଛନ୍ତି । ଠିକ୍ ସମୟରେ କାଗଜପତ୍ର ଦେଇଥିଲେ, ହେଲେ ଟୋକନ୍ ପାଇଲେନି । ଯୁଗଲାଲ୍ ବର୍ଷା ଯୋଗୁଁ ଧାନ ଅଧିକ ଦିନ ରହି ଗଜା ମାରିବା ଆଶଙ୍କାରେ ଘର ଲୋକେ ଶୁଖାଇବାକୁ ଚେଷ୍ଟା ଚଳାଇଛନ୍ତି ।

ଏଣେ ଧାନ ମଣ୍ଡି ଅବ୍ୟବସ୍ଥା ନେଇ ରାଜ୍ୟ ସରକାରଙ୍କ ଉପରେ ବର୍ଷିଛି ବିଜେପି । କୃଷକମୋର୍ଚ୍ଚା ରାଜ୍ୟ ସଭାପତି ପ୍ରଦୀପ ପୁରୋହିତ କହିଛନ୍ତି-ମିଲର୍ସଙ୍କ ମର୍ଜିରେ ଧାନ ମଣ୍ଡି ଚାଲିଛି । ଯେଉଁ ମୁଖ୍ୟମନ୍ତ୍ରୀ ୨୦୧୯ ନିର୍ବାଚନ ସମୟରେ ବିଜେପୁର ଛାଡ଼ିବା ବେଳେ ନିଜେ ବିଜେପୁର ଦାୟିତ୍ୱ ନେବେ ବୋଲି କହିଥିଲେ, ସେଠି ବି ମଣ୍ଡି ଅବ୍ୟବସ୍ଥା ଚରମ ସୀମାରେ । ଟୋକନ୍ ବ୍ୟବସ୍ଥା ଓ ଟାର୍ଗେଟ୍ ଫିକ୍ସିଂ ଯୋଗୁଁ ଚାଷୀ ହଇରାଣ ହେଉଛନ୍ତି । ଶାସକଦଳ ଓ ମିଲରଙ୍କ ମଧୁଚନ୍ଦ୍ରିକାରୁ ବ୍ୟାପକ ହେରାଫେରି ଚାଲିଛି ।

ସେହିପରି ବିଧାୟକ ମୁକେଶ ମହାଲିଙ୍ଗ ଅଭିଯୋଗ କରିଛନ୍ତି ଯେ, ଧାନ ସଂଗ୍ରହ ପାଇଁ କେନ୍ଦ୍ର ସରକାରଙ୍କ ନିୟମକୁ ଅଣଦେଖା କରାଯାଉଛି । ରବି ଧାନ କିଣିବାକୁ ଏଯାଏଁ ଠିକ୍‌ରେ ଟୋକନ୍ ବଣ୍ଟନ ହୋଇନି । ବିଧାୟକ ନାଉରୀ ନାଏକ ଅଭିଯୋଗ ଆଣିଛନ୍ତି ଯେ, କେନ୍ଦ୍ର ଧାନ କିଣିବାକୁ ଟଙ୍କା ଦେଉଛି । ଏଠି ଚାଷୀ ପାଖରେ ଟୋକନ ରହୁଛି ହେଲେ ରାଜ୍ୟ ସରକାର ଧାନକିଣା ଅବଧି କମେଇ ଦେଉଛନ୍ତି । ଯଦି ଆସନ୍ତା ତିନି ଦିନ ଭିତରେ ଧାନ ବିକ୍ରି ସମସ୍ୟା ଦୂର ନହୁଏ ତାହାଲେ ଯୋଗାଣ ନିଗମ ଆଗରେ ଧାରଣା ଦେବାକୁ ଧମକ ଦେଇଛି ବିଜେପି ।

ସେହିପରି ଧାନ କିଣା ଅବ୍ୟବସ୍ଥା ନେଇ କଂଗ୍ରେସ ବି ସରକାରଙ୍କୁ ଟାର୍ଗେଟ୍ କରି କହିଛି ଦଲାଲ ଓ ମିଲମାଲିକ କାଗଜପତ୍ରରେ ଧାନ କିଣୁଛନ୍ତି ।

Other Stories

  •  bjp leaders came back to Odisha
    Odisha BJP ଗୁଜରାଟ ମଡେଲକୁ ଓଡ଼ିଶାରେ ଆପଣେଇବ ବିଜେପି

    ସଭାପତି ସମୀର ମହାନ୍ତିଙ୍କ ନିର୍ଦ୍ଦେଶକ୍ରମେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ନେତୃତ୍ୱରେ ସୁରଟ ଗସ୍ତ କରିଥିବା ୯ ଜଣିଆ ଟିମ ଭୁବନେଶ୍ୱର ଫେରିଛି।ଗୁଜରାଟ ବିଜେପିର କାର୍ଯ୍ୟପନ୍ଥା, ନୀତି ବିଷୟରେ ଜାଣିବା ପାଇଁ ଏହି ଟିମ୍‌ ସୁରଟ ଯାଇଥିଲେ। 

  • KOTIA
    Koraput କୋଟିଆର ସବୁ ଗାଁରେ ପଞ୍ଚାୟତ ନିର୍ବାଚନ କରିବେ ଓଡ଼ିଶା ସରକାର !

    ଆନ୍ଧ୍ର ପରେ କୋଟିଆରେ ଓଡ଼ିଶା କରିବ ନିର୍ବାଚନ । ଗତ ଏପ୍ରିଲ ୮ରେ ଆନ୍ଧ୍ର ସରକାର ଜୋର ଜବରଦସ୍ତ କୋଟିଆରେ ପ୍ରବେଶ କରି ନିର୍ବାଚନ କରାଇଥିଲେ । ଏବେ ଓଡ଼ିଶା ସରକାରଙ୍କ ପକ୍ଷରୁ ସେଠାରେ ପଞ୍ଚାୟତ ନିର୍ବାଚନ...

  • Pipili byelection
    Odisha କାହାକୁ ମିଳିବ ପିପିଲିବାସୀଙ୍କ ଆଶୀର୍ବାଦ?

    ବିଜେଡି, ବିଜେପି ଓ କଂଗ୍ରେସ୍ ନିଜ ନିଜର ୨୦ ଜଣିଆ ଷ୍ଟାର କ୍ୟାମ୍ପେନର୍ ତାଲିକା ପ୍ରକାଶ କରିସାରିଛନ୍ତି। ସବୁ ଦଳର ଷ୍ଟାର କ୍ୟାଂପେନର୍ ଓ ହେଭିେଓ୍ୱଟ୍ ନେତାମାନେ ପ୍ରଚାର ମୈଦାନକୁ ଖୁବ୍ ଶୀଘ୍ର ଓହ୍ଲାଇବେ କିନ୍ତୁ ପ୍ରଚାରରେ...

  • Subash Singh
    Cuttack Durga Puja ଭର୍ତ୍ତୃହରିଙ୍କ ମନ୍ତବ୍ୟକୁ ସୁବାସ ସିଂହଙ୍କ ସମାଲୋଚନା

    କଟକରେ ମା’ ଦୁର୍ଗାଙ୍କ ମୂର୍ତ୍ତୀ ଉଚ୍ଚତାକୁ ନେଇ ବଢ଼ିବାରେ ଲାଗିଛି ବିବାଦ । ଏହି ପ୍ରସଙ୍ଗରେ ସାଂସଦ ଭର୍ତ୍ତୃହରି ମହତାବଙ୍କ ମନ୍ତବ୍ୟକୁ ସୁବାସ ସିଂହ ସମାଲୋଚନା କରିଛନ୍ତି । ପ୍ରଥମେ ଦେବାଶିଷ ସାମନ୍ତରାୟ ଭର୍ତ୍ତୃହରି ମହତାବଙ୍କ ମନ୍ତବ୍ୟକୁ ନେଇ ସମାଲୋଚନା କରିଥିବା...