ଭୁବନେଶ୍ୱର: ରାଜ୍ୟରେ ଆଜି ରେକର୍ଡ ସଂଖ୍ୟକ କରୋନା ଆକ୍ରାନ୍ତ ହେଲେ ସୁସ୍ଥ। କରୋନା ସ୍ଥିତି ପରଠାରୁ ଆଜି(ଶୁକ୍ରବାର) ଦିନକରେ ୫୬୫ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ କରୋନା ଆରୋଗ୍ୟଙ୍କ ସଂଖ୍ୟା ୭୯୭୨କୁ ବୃଦ୍ଧି ହୋଇଛି। ଏନେଇ ଟ୍ୱିଟ୍ ଯୋଗେ ସୂଟନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ।
କେଉଁ ଜିଲ୍ଲାରୁ କେତେ:-
ଗଂଜାମ ଜିଲ୍ଲାରୁ ସର୍ବାଧିକ ୧୮୫ ଆକ୍ରାନ୍ତ ସୁସ୍ଥ ହୋଇଛନ୍ତି। ସେହିପରି ରାୟଗଡ଼ା ୮୫, ବଲାଙ୍ଗିର ୪୫, କଟକରୁ ୩୨, ମାଲକାନଗିରି ୩୦, ବରଗଡ଼ ଓ ସୁନ୍ଦରଗଡ଼ରୁ ୨୪, ଅନୁଗୁଳ ୨୩, ବାଲେଶ୍ୱର ଓ ଜଗତସିଂହପୁରରୁ ୧୭ ଲେଖାଏଁ ସୁସ୍ଥ ହୋଇଛନ୍ତି।
Achieving a record high discharge of Covid positive cases for three days in a row now, we are happy to share that a record 565 Covid patients have recovered on 10.7.2020!
With this, the total recovered cases of Odisha surge to 7972!
185 from Ganjam
85 from Rayagada— H & FW Dept Odisha (@HFWOdisha) July 10, 2020
ସେହିପରି ଖୋର୍ଦ୍ଧା ୧୫, ଯାଜପୁର ୧୩, କେନ୍ଦ୍ରାପଡ଼ାରୁ ୧୦, ଗଜପତି, ଝାରସୁଗୁଡ଼ା ଓ ନବରଙ୍ଗପୁରରୁ ୮ ଲେଖାଏଁ, ପୁରୀରୁ ୩ ସୁସ୍ଥ ହୋଇଛନ୍ତି। ମୟୂରଭଂଜ ୭, ଭଦ୍ରକ ୪, ଢେଙ୍କାନାଳ ଓ କେନ୍ଦୁଝରରୁ ୨ ଲେଖାଏଁ, ବୌଦ୍ଧ, କନ୍ଧମାଳ, ସମ୍ବଲପୁରରୁ ଜଣେ ଲେଖାଏଁ ଆକ୍ରାନ୍ତ ସୁସ୍ଥ ହୋଇଛନ୍ତି।
ସେହିପରି ରାଜ୍ୟରେ ଆଉ ୭୫୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୪ ଜଣଙ୍କ ମୃତ୍ୟୁ ହୋଇଛି। ୨୩ଟି ଜିଲ୍ଲାରୁ ଏହି ଆକ୍ରାନ୍ତମାନେ ଚିହ୍ନଟ ହୋଇଛନ୍ତି। ଗଞ୍ଜାମରୁ ସର୍ବାଧିକ ୩୨୦ ଆକ୍ରାନ୍ତ ଚିହ୍ନଟ ହୋଇଛନ୍ତି। ଚିହ୍ନଟ ନୂଆ ୭୫୫ ଆକ୍ରାନ୍ତଙ୍କ ମଧ୍ୟରୁ ୫୦୮ ଜଣ କ୍ୱାରେଣ୍ଟିନ୍ରେ ରହିଥିଲେ। ସେହିପରି ଲୋକାଲ୍ କଣ୍ଟାକ୍ଟସ୍ ୨୪୭ ରହିଛି।