ସୁଲୋଚନା ଦାସଙ୍କ ବିବାଦୀୟ ମନ୍ତବ୍ୟକୁ ନେଇ ତେଜିଲା ରାଜନୀତି

ଭୁବନେଶ୍ୱର: ବିଜେଡି ମୁଖପାତ୍ର ସୁଲୋଚନା ଦାସଙ୍କ ବିବାଦୀୟ ମନ୍ତବ୍ୟକୁ ନେଇ ତେଜିଲା ରାଜନୀତି। ଗତକାଲି ବିଜେଡି ରାଜ୍ୟ କାର୍ଯ୍ୟାଳୟରେ ବିଜୁ ଛାତ୍ର ଜନତା ଦଳର ଆଇଟି କନ୍‌କ୍ଲେଭରେ ଉଦ୍‌ବୋଧନ ଦେବା ବେଳେ ସୁଲୋଚନା କହିଥିଲେ, ମୁଖ୍ୟମନ୍ତ୍ରୀଙ୍କୁ କେହି ଆଙ୍ଗୁଳି ଦେଖାଇଲେ ଆମେ ସମ୍ମାନର ସହ ସେମାନଙ୍କ ହାତ କାଟି ଦେବା।

ତେବେ ସୁଲୋଚନାଙ୍କ ଏଭଳି ମନ୍ତବ୍ୟକୁ ଦୃଢ଼ ବିରୋଧ କରିଛନ୍ତି କଂଗ୍ରେସ ଓ ବିଜେପି। କଂଗ୍ରେସ କହିଛି, ନାରୀଙ୍କୁ ସୁରକ୍ଷା ଦେଇ ପାରୁନଥିବା ସରକାର ବିରୋଧରେ ମୁହଁ ଖୋଲିଲେ ଏଭଳି ଧମକ ମିଳିବା ବିଜେଡିର ଅହଂକାରକୁ ପ୍ରମାଣିତ କରୁଛି। ସେହିଭଳି ବିଜେପି ବି ସୁଲୋଚନାଙ୍କ ଏଭଳି କଥାକୁ ସହଜରେ ଗ୍ରହଣ କରି ପାରିନଥିବା ବେଳେ ଏ ପ୍ରସଙ୍ଗରେ ଅବଗତ ନଥିବା କଥା ମନ୍ତ୍ରୀ ପ୍ରତାପ ଜେନା କହିଛନ୍ତି।

You might also like