ଆଡମିଟ୍ କାର୍ଡ ନମିଳିବାରୁ ପରୀକ୍ଷାରୁ ବଞ୍ଚିତ ହେଲେ ଛାତ୍ର

ପୁରୀ: ଗୋଟିଏପଟେ ଆଜିଠୁ ମାଟ୍ରିକ୍‌ ପରୀକ୍ଷା ଆରମ୍ଭ ହେଉଥିବା ବେଳେ ଅନ୍ୟପଟେ ଆଡମିଟ୍ କାର୍ଡ ମିଳିନଥିବାରୁ ମାଟ୍ରିକ୍‌ ପରୀକ୍ଷାରୁ ଜଣେ ଛାତ୍ର ବଞ୍ଚିତ ହୋଇଛନ୍ତି।

ପୁରୀ ଜିଲ୍ଲା କଣାସ ବ୍ଲକ ଅନ୍ତର୍ଗତ ସାନଗୋବିନ୍ଦପୁର ଗାଁର ଜ୍ଞାନେନ୍ଦ୍ର ପାଟ୍ଟଶାଣୀ ଫର୍ମ ପୂରଣ କରିଥିଲେ ମଧ୍ୟ ତାଙ୍କୁ ଆଡମିଟ୍ କାର୍ଡ ମିଳିନିଥିବା ସେ ଅଭିଯୋଗ କରିଛନ୍ତି।

ସେ ଫର୍ମ ପୂରଣ ପାଇଁ ସମସ୍ତ ଡକ୍ୟୁମେଣ୍ଟ୍‌ ଓ ୪୫୦ ଟଙ୍କା ହାଇସ୍କୁଲ ପ୍ରଧାନଶିକ୍ଷକଙ୍କୁ ଦେଇଥିଲେ। କିନ୍ତୁ ଏହା ପରେ ବି ତାଙ୍କୁ ଆଡମିଟ୍ କାର୍ଡ ମିଳିନାହିଁ। ଏନେଇ ସେ  ପ୍ରଥମେ ଜିଲ୍ଲା ଶିକ୍ଷା ଅଧିକାରୀ ଏବଂ ପରେ ଜିଲ୍ଲାପାଳଙ୍କୁ ଭେଟିଥିଲେ।

ତେବେ ଚଳିତ ବର୍ଷ ସେ ଆଉ ପରୀକ୍ଷା ଦେଇପାରିବେନି ବୋଲି ଜିଲ୍ଲା ଶିକ୍ଷା ଅଧିକାରୀ କହିଛନ୍ତି। ହେଲେ ଚଳିତ ବର୍ଷ ହେବାକୁ ଥିବା ସପ୍ଲିମେଣ୍ଟାରୀ ପରୀକ୍ଷା ଦେଇପାରିବେ ବୋଲି ଡିଇଓ କହିଛନ୍ତି।

You might also like