କରୋନା ସଂକ୍ରମଣ ବଢ଼ିବା ପରେ ପୁରୀରେ କଡ଼ା ନିୟମ : ୧୨ ରାଜ୍ୟର ପର୍ଟ୍ୟଟକଙ୍କୁ ଦେଖାଇବାକୁ ପଡ଼ିବ RT PCR ନେଗେଟିଭ ରିପୋର୍ଟ

  • ପୁରୀ ବଢ଼ିଲା କରୋନା କଟକଣା
  • ୧୨ ରାଜ୍ୟର ପର୍ଯ୍ୟଟକଙ୍କୁ RT-PCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ୭୨ ଘଣ୍ଟା ପୂର୍ବର ଏହି ରିପୋର୍ଟ ଦେଖାଇବାକୁ ପଡ଼ିବ 
  • ମହାରାଷ୍ଟ୍ର, ପଞ୍ଜାବ, ଛତିଶଗଡ଼, କେରଳ, ଗୁଜରାଟ ପ୍ରମୁଖ ରାଜ୍ୟ
  • ନେଗେଟିଭ୍ ରିପୋର୍ଟ ନ ‌ଆଣିଲେ ୭ ଦିନି‌ଆ ହୋମ୍ ଆଇସୋଲେସନ

ପୁରୀ : କରୋନା ସଂକ୍ରମଣ ବୃଦ୍ଧି ପରେ ଜଗନ୍ନାଥ ଧାମ ପୁରୀରେ ନିୟମ କଡ଼ାକଡ଼ି କରାଯାଇଛି । ସଂକ୍ରମଣ ଶୀର୍ଷ ଛୁଇଁଥିଲେ ହେଁ କାଳିଆ ଦର୍ଶନ ପାଇଁ ପ୍ରତିଦିନ ଶହ ଶହ ଶ୍ରଦ୍ଧାଳୁଙ୍କ ଆଗମନ ହେଉଛି । ଏହାକୁ ଦୃଷ୍ଟିରେ ରଖି ୧୨ ରାଜ୍ୟରୁ ଆସୁଥିବା ପର୍ଯ୍ୟଟକଙ୍କ ପାଇଁ କଟକଣା ଜାରି କରାଯାଇଛି । ୧୨ ରାଜ୍ୟର ପର୍ଯ୍ୟଟକଙ୍କ RT-PCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ କରାଯାଇଛି । ୭୨ ଘଣ୍ଟା ପୂର୍ବର RT-PCR ନେଗେଟିଭ୍ ରିପୋର୍ଟ ଦେଲେ ପର୍ଯ୍ୟଟକ ପୁରୀ ଭିତରକୁ ପ୍ରବେଶ କରିପାରିବେ । ମହାରାଷ୍ଟ୍ର, ପଞ୍ଜାବ, ଛତିଶଗଡ଼, କେରଳ, ଗୁଜରାଟ ପ୍ରମୁଖ ରାଜ୍ୟର ପର୍ଯ୍ୟଟକମାନେ କରୋନା ନେଗେଟିଭ୍ ରିପୋର୍ଟ ନ ଆଣିଲେ ୭ ଦିନିଆ ହୋମ୍ ଆଇସୋଲେସନ ରହିବାକୁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି ।

ସେପଟେ ରାଜ୍ୟରେ ଦ୍ରୁତ ବେଗରେ ବଢ଼ି ଚାଲିଛି କରୋନା ସଂକ୍ରମଣରାଜ୍ୟରେ ଆଜି ଚିହ୍ନଟ ହୋଇଛନ୍ତି ୫୮୮ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ୫୮୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧା ଜିଲ୍ଲାରୁ ସର୍ବାଧତ୍କ ୧୦୫ ପଜିଟିଭ୍ ବାହାରିଛନ୍ତି । ସେହିପରି ସୁନ୍ଦରଗଡ଼ରୁ ୮୪, କଳାହାଣ୍ଡି- ୬୪, ଝାରସୁଗୁଡ଼ା- ୩୧, କଟକ- ୩୦, ନୂଆପଡ଼ା- ୨୯ ଓ ସମ୍ବଲପୁରରୁ ୨୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଗଞ୍ଜାମରୁ ୨୭, ପୁରୀ- ୨୪, ଷ୍ଟେଟ୍ ପୁଲ୍- ୨୩, ବରଗଡ଼ରୁ ୨୧, ଯାଜପୁର- ୧୫, ବାଲେଶ୍ୱର- ୧୩,ବଲାଙ୍ଗିର ଓ ସୁବର୍ଣ୍ଣପୁର ଜିଲ୍ଲାରୁ ୧୧ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତକାଲି ରାଜ୍ୟରେ ୫୭୩ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ଆଜି ସଂକ୍ରମଣ ସଂଖ୍ୟା ଆହୁରି ବୃଦ୍ଧି ପାଇଛି ।

ଅନ୍ୟପଟେ କୋଭିଡ୍ ଲେଉଟାଣି ପାଇଁ ପୁଣିଥରେ ସଜାଗ ହୋଇ ଉଠିଛି ବାଲେଶ୍ୱର ଜିଲ୍ଲା ପ୍ରଶାସନ । ବାଲେଶ୍ୱର ସହରର ମୋତିଗଞ୍ଜ ବଜାରରେ ଏକ ଗ୍ରସୋରୀ ଦୋକାନକୁ ମ୍ୟୁନିସିପାଲିଟିର ଏକଖ ଟିମ୍ ପୋଲିସ ଉପସ୍ଥିତିରେ ସିଲ୍ କରିଥିଲା । ତେବେ ଏହାର ପ୍ରତବାଦରେ ଆଜି ବ୍ୟବସାୟୀ ସଂଘ ଦିନିକିଆ ବନ୍ଦ ଡାକରା ଦେଇଛି । ସହରର ସମସ୍ତ ଦୋକାନ ବନ୍ଦକ ରିଛନ୍ତି ବ୍ୟବସାୟୀ ।

You might also like