ଆନ୍ଧ୍ରପ୍ରଦେଶରେ ଫସିଛନ୍ତି ୩୦ ଓଡ଼ିଆ ଶ୍ରମିକ

ଆଳି; ଆନ୍ଧ୍ରପ୍ରଦେଶର ବିଜୟଓ୍ଵାଡା ପଥୁର ରୋଡରେ କାମ କରିବାକୁ ଯାଇଥିବା କେନ୍ଦ୍ରାପଡ଼ା ଜିଲ୍ଲାର ୩୦ ଓଡ଼ିଆ ଶ୍ରମିକ ଲକ୍‌ଡାଉନ୍‌ ଯୋଗୁ ସେଠାରେ ଫସି ରହିଛନ୍ତି। ଲକଡାଉନ ଯୋଗୁ ଟ୍ରେନ ଓ ଗାଡ଼ି ଚଳାଚଳ ବନ୍ଦ ଥିବାରୁ ସେମାନଙ୍କ ଘରକୁ ଫେରିବା ବାଟ ଏକଦମ୍‌ ବନ୍ଦ ହୋଇଯାଇଛି। ଏଥିପାଇଁ ସେମାନେ ଏକ ଭିଡିଓ ଜାରି କରି ନିଜ ରାଜ୍ୟକୁ ଫେରିଆସିବା ପାଇଁ ସରକାରଙ୍କୁ ନିବେଦନ କରିଛନ୍ତି।

ନିଜ ପାଖରେ ଥିବା ଅତ୍ୟାବଶକୀୟ ସାମଗ୍ରୀ ସରି  ଆସୁଥିବାରୁ  ଲକଡାଉନ ଯୋଗୁ ବାହାରକୁ ଯାଇପାରୁନାହାନ୍ତି। ଏପଟେ ଲକଡାଉନ ରେ ହିନସ୍ତା ହେଉଥିବା ନିଜନିଜର ଆତ୍ମୀୟଙ୍କ ପାଇଁ ପରିବାର ଲୋକେ ନାହିଁ ନଥିବା ଚିନ୍ତାରେ ରହିଛନ୍ତି।

ଏହି ସମସ୍ତ ଶ୍ରମିକ ଗତ ୧୬ ତାରିଖରେ ଏକ ଘରୋଇ କମ୍ପାନୀରେ ଠିକା କାମ କରିବାକୁ ଆନ୍ଧ୍ରପ୍ରଦେଶର ବିଜୟଓ୍ଵାଡା ପଥୁର ରୋଡକୁ ଯାଇଥିଲେ। ସେଠାରେ ମାତ୍ର ଦୁଇଦିନ କାମ କରିବା ପରେ କରୋନା ପରିସ୍ଥିତି ଯୋଗୁ କାମବନ୍ଦ ହୋଇଯାଇଥିଲା। ଏବେ ସେମାନଙ୍କ ପାଖରେ ଆବଶ୍ୟକୟୀ ସାମଗ୍ରୀର ଅଭାବ ଯୋଗୁ ଓଡ଼ିଶା ଫେରି ଆସିବାକୁ ଚାହୁଁଛନ୍ତି।

You might also like