• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Prangyan Parimita

ପୁରୀ(ମଧୁସୂଦନ ମିଶ୍ର) :  ମହାତ୍ମାଗାନ୍ଧୀଙ୍କ ମାର୍ଗଦର୍ଶନରେ ହଜାର ହଜାର ଭାରତୀୟ ମହିଳା ସ୍ୱାଧୀନତା ସଂଗ୍ରାମରେ ଝାସ ଦେଇ ଇଂରେଜ ସରକାରଙ୍କୁ ଦେଶରୁ ବିତାଡିତ କରିବା ପାଇଁ ଦିନରାତି ଏକ କରିଦେଇଥିଲେ । ଖଟି ଖାଅ କାଟି ପିନ୍ଧର ନାରାକୁ ମହିଳାମାନେ ହିଁ ସାକାର କରିଥିଲେ । ଆଉ ସେହି ମହିଳାମାନଙ୍କ ଭିତରେ ଅନ୍ୟତମ ହେଉଛନ୍ତି ପୁରୀ ଜିଲ୍ଲାର ଦୁଇ ସ୍ୱାଧୀନତା ସଂଗ୍ରାମୀ ସୁଲକ୍ଷଣା ମହାପାତ୍ର ଓ ହେମଲତା ନନ୍ଦ । ମହାତ୍ମାଙ୍କ ୧୦୦ ବର୍ଷ ଆଗମନ ସ୍ମୃତିରେ ଖୁସି ବ୍ୟକ୍ତ କରି ବଖାଣିଛନ୍ତି ସଂଗ୍ରାମୀ ଜୀବନର କଥା ଓ ବୀରତ୍ୱର ଗାଥା ।

ପୁରୀ ଜିଲ୍ଲା ଡେଲାଙ୍ଗ ଶ୍ରୀପୁରୁଷୋତ୍ତମପୁରର ସ୍ୱାଧୀନତା ସଂଗ୍ରାମୀ ସୁଲକ୍ଷଣା ମହାପାତ୍ର । ପିଲାଟି ଦିନରୁ ମହାତ୍ମାଗାନ୍ଧୀଙ୍କ ମାର୍ଗଦର୍ଶନରେ ସ୍ୱାଧୀନତା ସଂଗ୍ରାମରେ ଝାସ ଦେଇଥିଲେ । ୧୯୩୪ ମସିହାରେ ଗାନ୍ଧୀଙ୍କ ଓଡିଶା ଆଗମନ ବେଳେ ମାତ୍ର ୯ ବର୍ଷ ବୟସରେ ସୁଲକ୍ଷଣା ତାଙ୍କ କକେଇ ଶ୍ୱଶୁର ଭଗବାନ ମିଶ୍ରଙ୍କ ସହ ଭଦ୍ରକ ଯାଇ ଗାନ୍ଧୀଙ୍କୁ ଭେଟିଥିଲେ । ଗାନ୍ଧିଜୀଙ୍କ ସହ ସାମାନ୍ୟ ବାର୍ତ୍ତାଳାପ ପରେ ଗରିବଙ୍କ ଖାଇବା ପାଇଁ ନିଜେ ପିନ୍ଧିଥିବା ସାଢେ ୪ ଭରିର ଅଳଙ୍କାର ଗାନ୍ଧୀଙ୍କୁ ପ୍ରଦାନ କରି ଇଂରେଜଙ୍କ ବିରୋଧରେ ସଂଗ୍ରାମ ଆରମ୍ଭ କରିଥିଲେ ।

ଗାଁ ଗାଁ ରେ ବିଦେଶୀ ହଟାଅ, ସ୍ୱଦେଶୀ ବ୍ୟବହାର କର ବାର୍ତ୍ତାକୁ ନେଇ ଚରଖା ଚଳାଇ ସୂତା ଉତ୍ପାଦନ ପାଇଁ ଉଦ୍ୟମ କରିଥିଲେ  । ଏପରିକି ୧୯୩୮ରେ ଗାନ୍ଧୀ ଡେଲାଙ୍ଗର ବେରବୋଇ ଆସିଥିବାବେଳେ ତାଙ୍କୁ ସାକ୍ଷାତ କରିଥିଲେ ଏବଂ ଯେପର୍ଯ୍ୟନ୍ତ ଭାରତକୁ ସ୍ୱାଧୀନତା ମିଳିନାହିଁ, ଲଢେଇ ଜାରି ରହିବ । ଏହି ଆହ୍ୱାନ ସ୍ୱୀକାର କରି ସ୍ୱାମୀ ହରିହର ମହାପାତ୍ରଙ୍କ ସହ ମିଶି ସ୍ୱାଧୀନତା ସଂଗ୍ରାମକୁ ଆଗେଇ ନେଇଥିଲେ । ସ୍ୱାମୀ ହରିହର ଜେଲ ଯାଇଥିଲେ ଏବଂ ସୁଲକ୍ଷଣା ଗୃହବନ୍ଦୀ ଭାବରେ ୨ମାସ କଟାଇଥିଲେ । ସେ ଆଜି ବି ମନେପକାନ୍ତି ୧୯୪୭ ମସିହାରେ ଭାରତ ଇଂରେଜ କବଳରୁ ମୁକ୍ତ ବେଳେ କିଭଳି ଖୁସିରେ ନାଚି ଉଠିଥିଲେ ଏବଂ ଆଜି ବୟସର ଅପରାହ୍ନରେ ମହାତ୍ମାଙ୍କ ୧୦୦ବର୍ଷ ଆଗମନକୁ ନେଇ ବେଶ ଖୁସି ବ୍ୟକ୍ତ କରିଛନ୍ତି ।

ସେହିପରି ପୁରୀ ଚନ୍ଦନପୁର ଥାନା ଅନ୍ତର୍ଗତ ବଳଭଦ୍ରପୁରର ସ୍ୱାଧୀନତା ସଂଗ୍ରାମୀ ହେମଲତା ନନ୍ଦ  । ମହାତ୍ମାଗାନ୍ଧୀଙ୍କ ସାବରମତୀ ଆଶ୍ରମରେ ଅନେକ ଦିନଧରି ଶିକ୍ଷା ଗ୍ରହଣ କରି ସାରା ଭାରତବର୍ଷ ବୁଲି ବୁଲି ଲୋକଙ୍କୁ ପାଠ ପଢାଇ ଶିକ୍ଷିତ କରିବାର ଗୁରୁ ଦାୟିତ୍ୱ ଗ୍ରହଣ କରିଥିଲେ । କୋରାପୁଟର ଘଞ୍ଚ ଜଙ୍ଗଲ ହେଉ କି ସହର ତଳି ଅଞ୍ଚଳ ସବୁଆଡେ ବୁଲି ବୁଲି ଖଟି ଖାଅ କାଟି ପିନ୍ଧର ବାର୍ତ୍ତା ଦେବା ସହ ଏହାକୁ କିଭଳି ସାଧାରଣ ଲୋକ ପ୍ରତିପାଳନ କରିବେ, ତା ଉପରେ ଗୁରୁତ୍ୱ ଦେଉଥିଲେ ।  ଦେଶ ସ୍ୱାଧୀନ ପାଇଁ ଅନେକ ସଂଗ୍ରାମୀ ବଳିଦାନ ଦେଇଛନ୍ତି, ଯାହାଙ୍କ ବୀରତ୍ୱର ଗାଥା ଦେଖାଇଲା ବେଳେ ନିଜର ମଥା ସେମାନଙ୍କର ନିକଟରେ ନଇଁ ପଡେ ଏବଂ ଗର୍ବ ଅନୁଭବ ହୋଇଥାଏ

 

Story-of-freedom-fighter-sulakhyana-mohapatra-in-puri
  • Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English

404 Page not found!

We're sorry, but we can't find the page you were looking for. It's probably something we've done wrong but now we know about it and we'll try to fix it. In the meantime, try one of these options:

go to home page

Suggested stories