୧୯ରେ ରାଜ୍ୟର ୩୪ ବୁଥ୍‌ରେ ସାନି ମତଦାନ

ଭୁବନେଶ୍ୱର: ତୃତୀୟ ଓ ଚତୁର୍ଥ ପର୍ଯ୍ୟାୟ ଭୋଟ ବେଳେ ଅନେକ ବୁଥ୍‌ରୁ ଆସିଥିଲା ଅନିୟମିତତା ଓ ବିଭ୍ରାଟର ଅଭିଯୋଗ । ଏସବୁ ଅଭିଯୋଗ ଆଧାରରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ବିଭିନ୍ନ ବୁଥରେ ଆଉ ଥରେ ଭୋଟ କରିବା ନେଇ ନିର୍ବାଚନ କମିଶନଙ୍କୁ ସୁପାରିଶ କରିଥିଲେ । ଏହି ସୁପାରିଶ ଆଧାରରେ ନିର୍ବାଚନ କମିଶନ ରାଜ୍ୟର ୩୪ ବୁଥରେ ସାନି ମତଦାନ ଲାଗି ନିଷ୍ପତ୍ତି ନେଇଛନ୍ତି। ଏଥିରେ ତୃତୀୟ ପର୍ଯ୍ୟାୟର ୧୨ ଓ ଚତୁର୍ଥ ପାର୍ଯ୍ୟାୟରେ ୨୨ଟି ବୁଥ୍ ରହିଛି। ଆସନ୍ତା ୧୯ ତାରିଖରେ ଏସବୁ ବୁଥ୍‌ରେ ସାନି ମତଦାନର ସମ୍ଭାବନା ରହିଛି। ରିଗିଂ ଅଭିଯୋଗକୁ ନେଇ ଯାଜପୁର ବରି ନିର୍ବାଚନ ମଣ୍ଡଳୀରେ ୫, ମହାଙ୍ଗା,  ବାରିପଦା ଓ ଆଠଗଡରେ ୪ଟି ଲେଖାଏଁ ବୁଥ୍‌ରେ ସାନି ଭୋଟ ହେବ ବୋଲି  ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର କହିଛନ୍ତି।

ସେପଟେ ଆସନ୍ତା ୨୩ରେ ହେବାକୁ ଥିବା ଭୋଟ ଗଣତି ପାଇଁ ଚାଲିଛି ପ୍ରସ୍ତୁତି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟରେ ମାଷ୍ଟର ଟ୍ରେନରମାନଙ୍କୁ ଦିଆଯାଉଛି ପ୍ରଶିକ୍ଷଣ।  ଇଭିଏମ୍, ଭିଭିପ୍ୟାଟ୍, ପୋଷ୍ଟାଲ ବାଲଟ୍‌ରେ କିଭଳି ଗଣତି ହେବେ ସେନେଇ ମାଷ୍ଟର ଟ୍ରେନର୍ମାନଙ୍କୁ ଅବଗତ କରାଯାଉଛି । ଏଥିସହିତ ଆସନ୍ତା ୧୩ ଓ ୧୪ ତାରିଖରେ ରିଟର୍ଣ୍ଣିଂ ଅଫିସରମାନଙ୍କୁ ତାଲିମ୍ ଦିଆଯିବ । ତାପରେ ୧୪ରୁ ୧୯ ତାରିଖ ପର୍ଯ୍ୟନ୍ତ ଜିଲ୍ଲାସ୍ତରରେ ଟ୍ରେନିଂ ଦେବା ପାଇଁ ବ୍ୟବସ୍ଥା ହୋଇଛି। ପ୍ରତ୍ୟେକ ନିର୍ବାଚନ ମଣ୍ଡଳୀର ସମସ୍ତ ଇଭିଏମକୁ ପ୍ରଥମେ ଗଣତି କରାଯିବା ସହ କାହା ସପକ୍ଷରେ କେତେ ଭୋଟ ଯାଇଛି ତାର ଚିଟ୍ ପ୍ରସ୍ତୁତ କରାଯାଇ ଏକ ବାକ୍ସରେ ପକାଯିବ  ପରେ ଲଟେରୀ ଆକାରରେ ସେଥିରୁ ୫ଟି ବୁଥ୍‌କୁ ଚୟନ କରାଯିବ। ସେଇ ୫ଟି ବୁଥ୍‌ରେ ଭିଭିପାଟ୍‌ ଗଣତି କରାଯାଇ ମେଳ କରାଯିବ। ଯଦି ଏଥିରେ ତ୍ରୁଟି ନ ଥିବ ତେବେ ତୁରନ୍ତ ରେଜଲଟ ଘୋଷଣା କରାଯିବ।

ସେପଟେ ବାତ୍ୟା ଫୋନି ଯୋଗୁଁ ଇଭିଏମ୍‌ କୌଣସି କ୍ଷତି ହୋଇ ନାହିଁ  ସମସ୍ତ ଇଭିଏମ୍ ସୁରକ୍ଷିତ ରହିଛି।  ତେବେ ପୁରୀରେ ଇଭିଏମ୍ ଥିବା ଏତ ଷ୍ଟ୍ରଙ୍ଗ ରୁମ୍ କୋଠାର ପାଚେରୀ ଭାଙ୍ଗି ଯାଇଛି। ସେଠାରେ ପାଚେରୀ ନିର୍ମାଣ ଚାଲିଛି। ତେବେ ଇଭିଏମ୍‌ ସୁରକ୍ଷା ଲାଗି ଏଠାରେ ଅଧିକ ୧ ପ୍ଲାଟୁନ୍ ଫୋର୍ସ ମୁତୟନ ରହିଛନ୍ତି ବୋଲି ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି।

 

ଆହୁରି ପଢ଼ନ୍ତୁ

‘ଚାଇନା କମ୍ପାନୀ ଦ୍ୱାରା ଭାରତକୁ ଫାଇଦା’

ସମୁଦ୍ର କୂଳରେ ଏମିତି ଲୁକ୍‌ରେ ମନ୍ଦିରା, ଭାଇରାଲ ହେଲା ଫଟୋ

ଭାରତର ଲଗାତାର ୫ମ ବିଜୟ, ୱେଷ୍ଟଇଣ୍ଡିଜ୍ ଧରାଶାୟୀ

‘ଫୋନି’ ଖୋଲିଦେଲା ଜାଲ୍‌ ରାସନକାର୍ଡ ଗୁମର: ଚାଉଳ ନେଲେ ଟଙ୍କା ପାଇଁ ଆସିଲେନି

ପୋଲାଭରମ୍‌ ପ୍ରକଳ୍ପ ଆଗେଇନେବା ପାଇଁ ଆନ୍ଧ୍ରକୁ ଅନୁମତି

ଦାୟିତ୍ୱହୀନତା: ଉଦ୍ଧାର ହେଲେ ୨ ଶିଶୁପୁତ୍ର, ଜଣେ କାର୍ ଭିତରୁ, ଜଣେ ବନ୍ଦ ଘରୁ

ତିନି ରାଜ୍ୟସଭା ପ୍ରାର୍ଥୀ କୋଟିପତି, ଅମରଙ୍କ ନାଁରେ ରହିଛି ଏମିତି ଅଭିଯୋଗ

ମୋଟ୍ ବ୍ୟୟ ପରିମାଣ ୧ ଲକ୍ଷ ୩୯ ହଜାର କୋଟି  ଛୁଇଁବା ସମ୍ଭାବନା

ରାଜଧାନୀରୁ କାର ଲୁଟ୍ ଘଟଣାର ପର୍ଦ୍ଦାଫାସ

୪ ନର୍ସଙ୍କୁ ବାଧ୍ୟତାମୂଳକ ଛୁଟିରେ ପଠାଇଲା ସ୍ୱାସ୍ଥ୍ୟ ବିଭାଗ

ପାଠ୍ୟ ପୁସ୍ତକରେ ଏଣିକି ରହିବ କ୍ୟୁଆର କୋର୍ଡ

ବହୁ ଚର୍ଚ୍ଚିତ ସାମ୍ବାଦିକ ତରୁଣ ଆଚାର୍ଯ୍ୟ ହତ୍ୟା ମାମଲା, ୫ ଦୋଷୀଙ୍କୁ ଆଜୀବନ ଜେଲ୍‌

You might also like