ଛୋଟ ପିଲାଙ୍କ କ୍ଷେତ୍ରରେ କରୋନା ମୁକାବିଲା ଆସିଲା ମାର୍ଗଦର୍ଶିକା

ଭୁବନେଶ୍ୱର: ଦେଶରେ କରୋନାର ଦ୍ୱିତୀୟ ଲହରରେ ଅଧତ୍କ ଶିଶୁ ସଂକ୍ରମିତ ହେଉଛନ୍ତି। ୨ରୁ ୧୮ ବର୍ଷ ବୟସ୍କ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ଛୋଟ ପିଲାଙ୍କ କ୍ଷେତ୍ରରେ କରୋନା ମୁକାବିଲା ନେଇ ACS ମାର୍ଗଦର୍ଶିକା ଜାରି କରିଛନ୍ତି। ଏନେଇ ସବୁ ଜିଲ୍ଲାପାଳ, ମ୍ୟୁନିସିପାଲ କମିଶନରଙ୍କୁ ACS ଚିଠି କରିଛନ୍ତି। ସେଥିରେ ଉଲ୍ଲେଖ ରହିଛି ଯେ-

  1. କୋଭିଡ୍ ପଜିଟିଭ ଚିହ୍ନଟ ଅଭିଭାବକ ଯଥାସମ୍ଭବ ଆଇସୋଲେସନରେ ରୁହନ୍ତୁ।
  2. ଛୋଟପିଲାଙ୍କୁ ସେମାନଙ୍କଠାରୁ ଦୂରେଇ ଅନ୍ୟତ୍ର ରଖିବାର ବ୍ୟବସ୍ଥା ହେଉ।
  3. ନବଜାତ ଶିଶୁର ମାଆମାନଙ୍କର କୋଭିଡ୍ ପରୀକ୍ଷଣ କରାଯିବା ଉଚିତ।
  4. ପଜିଟିଭ ଚିହ୍ନଟ ହେଲେ ଉଭୟଙ୍କୁ ହସ୍ପିଟାଲରେ ରଖିବା ବ୍ୟବସ୍ଥା କରାଯାଉ।
  5. ହୋମ ଆଇସୋଲେସନରେଥିବା ଅଭିଭାବକଙ୍କଠାରୁ ଶିଶୁଙ୍କୁ ଦୂରେଇ ରଖାଯାଉ।
  6. ଆକ୍ଟିଭ ସର୍ଭେଲାନ୍ସକୁ ଅଧତ୍କ ଗୁରୁତ୍ୱ, ଚିହ୍ନଟଙ୍କ ଆଇସୋଲେସନ କରାଯାଉ।
  7. ଲୋକଙ୍କୁ ଅଧତ୍କ ସଚେତନ କରିବା ଉପରେ ଗୁରୁତ୍ୱ ଦିଆଯାଉ।

ଶିଶୁଙ୍କ କ୍ଷେତ୍ରରେ କରୋନା ମୁକାବିଲା ନେଇ ସ୍ୱତନ୍ତ୍ର ରଣନୀତି ତିଆରି କରିଛନ୍ତି ରାଜ୍ୟ ସରକାର। ରାଜ୍ୟ ସ୍ୱାସ୍ଥ୍ୟ ବିଭାଗ ସଚିବ ଏନେଇ ସମସ୍ତ ଜିଲ୍ଲାପାଳ ଏବଂ ମେଡ଼ିକାଲ୍ କର୍ତ୍ତୃପକ୍ଷଙ୍କୁ ଚିଠି ଲେଖିଛନ୍ତି। ରାଜ୍ୟର ସମସ୍ତ ହସ୍ପିଟାଲରେ ପେଡିଆଟ୍ରିକ କୋଭିଡ୍ ଉଇଙ୍ଗ୍ ଗଠନ କରିବାକୁ ଚିଠିରେ ନିର୍ଦ୍ଦେଶ ଦେଇଛନ୍ତି ଏସିଏସ୍ ପ୍ରଦୀପ୍ତ ମହାପାତ୍ର। ସବୁ DCHC ଏବଂ DCHରେ ୧୫ ପ୍ରତିଶତ ବେଡ୍ରେ ଏହି ପେଡିଆଟ୍ରିକ୍ କୋଭିଡ୍ ଉଇଙ୍ଗ ଗଠନ କରିବାକୁ ଏସିଏସ୍ ନିର୍ଦ୍ଦେଶ ଦେଇଛନ୍ତି। ଶିଶୁ ମାନଙ୍କ ଲାଗି HDU ଏବଂ ICU ସୁବିଧା ସଂରକ୍ଷଣ ରଖତ୍ବାକୁ ମଧ୍ୟ ନିର୍ଦ୍ଦେଶନାମାରେ ଉଲ୍ଲେଖ ରହିଛି। ଏହି ସ୍ୱତନ୍ତ୍ର ଉଇଙ୍ଗରେ ଆବଶ୍ୟକସ୍ଥଳେ ଶିଶୁ ରୋଗୀ ସହ କେବଳ ବାପା କିମ୍ବା ମାଙ୍କୁ ରହିବା ପାଇଁ ଅନୁମତି ଦିଆଯିବ। ପେଡିଆଟ୍ରିକ୍ କୋଭିଡ୍ ଉଇଙ୍ଗ ପାଇଁ ନୋଡାଲ୍ ସେଣ୍ଟର ଭାବେ କାର୍ଯ୍ୟ କରିବ କଟକ ଶିଶୁଭବନ। ତାସହ ରାଜ୍ୟର ଶିଶୁରୋଗ ଚିକିତ୍ସକ ମାନଙ୍କୁ ଶିଶୁଭବନ ପକ୍ଷରୁ ବୈଷୟିକ ସହାୟତା ପ୍ରଦାନ କରାଯିବ।

You might also like