‘ପାଖକୁ ଆସନି; ମୁଁ ମରିବି…. ମୋ ମାଆକୁ ମାରିବି’

ପିପିଲି: ଗିରଫ ଭୟରେ ମାକୁ ଅଟକ ରଖିଲା ପୁଅ। ଗିରଫ କରିବାକୁ ଆସିଥିବା ପୋଲିସ୍‌କୁ ଦେଉଥିଲା ହତ୍ୟା ଓ ଆତ୍ମହତ୍ୟା କରିବାର ଧମକ। ଶେଷରେ କାବୁ କଲା ପୋଲିସ୍।

ଘଟଣାଟି ଥିଲା ଏମିତି:-

ପୁରୀ ଜିଲ୍ଲା ପିପିଲି ଅଂଚଳର ଏ ଘଟଣା  ଲକ୍ଷ୍ମୀନାରାୟଣପୁର ପଞ୍ଚାୟତର ଅନ୍ତର୍ଗତ ରଥସାହିରେ ଗତକାଲି ରାତିରେ ଦିଲୀପ ରଥ ନାମକ ଯୁବକ ତାଙ୍କ ଭାଇ ଓ ଭାଉଜଙ୍କୁ ଛୁରା ମାଡ଼ କରିଥିଲା  ଏଥିରେ ଉଭୟ ଭାଇ ଓ ଭାଉଜ ଗୁରୁତର ହୋଇ ପଡିଥିଲେ  ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା।

ଆକ୍ରମଣ କରିଥିବା ସାନ ଭାଇ ଗିରଫ ଭୟରେ ଏକ ବନ୍ଦ ଘର ଭିତରେ ନିଜ ମା’ ମାଣିକ ରଥକୁ ଅଟକ ରଖିଥିଲା। ଯଦି କେହି ଘର ଖୋଲିବା ପାଇଁ ଉଦ୍ୟମ କରନ୍ତି, ତେବେ ମାକୁ ଜୀବନରୁ ମାରିଦେବା ସହ ନିଜେ ଆତ୍ମହତ୍ୟା କରିବ ବୋଲି ଧମକ ଦେଇଥିଲା।

ଘଟଣାସ୍ଥଳରେ ପିପିଲି ପୋଲିସ, ଏସଡିପିଓ ଏବଂ ଥାନା ଅଧିକାରୀ ପହଞ୍ଚିଥିଲେ। କିନ୍ତୁ ଅଭିଯୁକ୍ତକୁ କାବୁ କରିବା ପାଇଁ ନାକେଦମ ହେବାକୁ ପଡିଥିଲା। ଶେଷରେ ଅଭିଯୁକ୍ତକୁ କାବୁ କରିବାରେ ପୋଲିସ୍ ସଫଳ ହୋଇଥିଲା।

You might also like