ବର୍ଷା କମିଥିବା ସତ୍ତ୍ୱେ ଅନେକ ଅଞ୍ଚଳ ରହିଛି ଜଳମଗ୍ନ

କଳାହାଣ୍ଡି: ଲଗାଣ ବର୍ଷା ଯୋଗୁ ରାଜ୍ୟରେ ବିଭିନ୍ନ ସ୍ଥାନରେ ସୃଷ୍ଟି ହୋଇଛି ବନ୍ୟା ପରିସ୍ଥିତି। କଳାହାଣ୍ଡି ଜିଲ୍ଲାର ଧର୍ମଗଡ଼, ଜୁନାଗଡ, ଗୋଲାମୁଣ୍ଡା ବ୍ଲକରେ ବ୍ୟାପକ କ୍ଷୟକ୍ଷତି ହୋଇଛି। ଧର୍ମଗଡ-ସିନାପାଲି ରାସ୍ତାର ଘୋଟିଆ ନିକଟରେ ୨ଟି ସ୍ଥାନରେ ପ୍ରାୟ ୨ଫୁଟର ପାଣି ଚାଲିଛି। ସେହିପରି ଧର୍ମଗଡ-ଜୁନାଗଡ ରାସ୍ତାର ହାଲୁର ଯୋର ଉପରେ ମଧ୍ୟ ୨ ଫୁଟ ଉଚ୍ଚର ପାଣି ଚାଲିଛି।

ଫଳରେ ଯାତାୟାତ ବାଧାପ୍ରାପ୍ତ ହୋଇଛି। ସେହିପରି ଧର୍ମଗଡ଼ ଓ ଜୁନାଗଡ଼ ସହରର କିଛି ଅଞ୍ଚଳରେ ପାଣି ଜମି ରହିଛି। ହାତୀନଦୀର ଜଳସ୍ତର ସ୍ୱାଭାବିକ ଥିବା ବେଳେ ତେଲନଦୀର ଜଳସ୍ତର ସାମାନ୍ୟ ବୃଦ୍ଧି ପାଇଛି।

ଏପଟେ ବାଲେଶ୍ୱର ଜିଲ୍ଲାର ସୁବର୍ଣ୍ଣରେଖା ନଦୀରେ ବନ୍ୟା ଜଳ କମିଥିବା ବେଳେ ବହୁ ଅଞ୍ଚଳ ଏବେ ବି ପାଣିଘେରରେ ରହିଛି। ବାଲିଆପାଳ ବ୍ଲକ୍‌ର ତଳିଆ ଅଞ୍ଚଳ ମନୁନଗର, ବିଷ୍ଣୁପୁର, ଗୁନାପୁର, କୁଦମାନସିଂ ଭଳି ୧୨ଟି ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡ଼ିଛି। ସ୍ଥାନୀୟ ଲୋକେ ଯାଆସ ପାଇଁ ଦେଶୀ ଡଙ୍ଗା ଉପରେ ନିର୍ଭର କରୁଛନ୍ତି। ହେଲେ ପ୍ରଶାସନ ପକ୍ଷରୁ କିଛି ବ୍ୟବସ୍ଥା ହୋଇନାହିଁ।

You might also like