ଗଞ୍ଜାମ: ଦଶାହ କାର୍ଯ୍ୟରେ ବ୍ୟସ୍ତ ଥିଲେ ସମସ୍ତେ। ବାପାମା, ପରିବାର ଓ ବନ୍ଧୁ ବର୍ଗ ସମସ୍ତେ କାହା ପାଖରେ ତର ନଥିଲା । ଏପଟେ କାର୍ ଭିତରେ ଧୀରେ ଧୀରେ ମୃତ୍ୟୁ ଆଡ଼କୁ ଢଳୁଥିଲା ପୁଅ । ସେଥିପ୍ରତି କାହାର ନିଘା ନଥିଲା । ଶେଷରେ ସବୁ କାମ ସାରି ଖୋଜିବାରୁ କାର୍ ଭିତରେ ଅଚେତ୍ ଅବସ୍ଥାରେ ମିଳିଥିଲା ପୁଅ । ସଙ୍ଗେ ସଙ୍ଗେ ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏଭଳି ଦୁଃଖଦ ଘଟଣା ଘଟିଛି ଗଞ୍ଜାମ ଜିଲ୍ଲା ତାରସିଂ ଥାନା ହଳନ୍ଦଖୋଳା ଗ୍ରାମରେ ।
କାର ଭିତରେ ଶ୍ୱାସ ରୁଦ୍ଧ ହୋଇ ୬ବର୍ଷ ଶିଶୁପୁତ୍ର ର ମୃତ୍ୟୁ ହୋଇଛି । ପଥରା ପଲ୍ଲୀ ଗ୍ରାମର ବିକ୍ରମ ପ୍ରଧାନ ସୁରତରେ ରହୁଥିବା ବେଳେ ଜଣେ ସମ୍ପର୍କୀୟଙ୍କ ଦଶାହ କାର୍ଯ୍ୟରେ ଯୋଗଦେବାକୁ ତାଙ୍କ ପତ୍ନୀ ଓ ପୁଅ ହଳନ୍ଦଖୋଳା ଗ୍ରାମକୁ ଯାଇଥିଲେ ।
ଦଶାହ କାର୍ଯ୍ୟରେ ସମସ୍ତେ ବ୍ୟସ୍ତ ଥିବାରୁ ପୁଅ ସାଇ ବାହାରେ ଖେଳିବା ପରେ କାରରେ ଯାଇ ବସିଥିଲା । ଗାଡିର କାଚ ଝରକା ସବୁ ବନ୍ଦ ଥିବାରୁ ସାଇ ଭିତରେ ଅଣ ନିଶ୍ୱାସୀ ହୋଇପଡ଼ିଥିଲା । ଗାଡ଼ି ଭିତରୁ ସେ ଡୋର ଖୋଲି ବାହାରକୁ ଆସି ପାରି ନଥିଲା । ବହୁ ସମୟ ପରେ ଘର ଲୋକେ ସାଇକୁ ଖୋଜା ଖୋଜି କରିବା ପରେ କାର ଭିତରୁ ଅଚେତ ଅବସ୍ଥାରେ ଉଦ୍ଧାର କରି ଭଞ୍ଜନଗର ମେଡିକାଲକୁ ଆଣିଥିଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
https://youtu.be/qEzShJP8GSU