‘ପ୍ରବାସୀଙ୍କ ପ୍ରକୃତ ହିସାବ ସରକାରଙ୍କ ପାଖରେ ନାହିଁ’

ଭୁବନେଶ୍ୱର: ପ୍ରବାସୀ ଓଡ଼ିଆଙ୍କୁ ଫେରାଇ ଆଣିବା ପ୍ରସଙ୍ଗରେ ରାଜ୍ୟ ସରକାରଙ୍କୁ କଡ଼ା ସମାଲୋଚନା କରିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର। ସେ ଅଭିଯୋଗ କରିଛନ୍ତି, ପ୍ରବାସୀଙ୍କ ପ୍ରକୃତ ହିସାବ ସରକାରଙ୍କ ପାଖରେ ନାହିଁ। କେଉଁ ରାଜ୍ୟରେ କେତେ ପ୍ରବାସୀ ଓଡ଼ିଆ ଅଛନ୍ତି, ତାର ତାଲିକା ହୋଇପାରିନି।

ସରକାର ବୋଧହୁଏ କରୋନା ଭୟାବହତାକୁ ଅନୁଭବ କରିପାରିନାହାନ୍ତି। କେବଳ କ୍ୱାରେଣ୍ଟିନ୍ ସେଣ୍ଟର ପାଇଁ କଣ କିଣା ହେବ ସେଥିରେ ବ୍ୟସ୍ତ  ଅଛନ୍ତି। ସରକାର ଅହମିକା ଓ ଅହଙ୍କାର ଛାଡ଼ନ୍ତୁ।ଅଫିସରମାନେ ମିଛ କହିବା ଛାଡ଼ନ୍ତୁ। ବିଭିନ୍ନ ସମୟରେ ଭିନ୍ନ ଭିନ୍ନ କଥା କହି ଲୋକଙ୍କୁ ବିଭ୍ରାନ୍ତ କରାଯାଉଛି।

ପ୍ରବାସୀଙ୍କ ପାଇଁ ବାସ୍ତବ ମାନଚିତ୍ର ତିଆରି କରାଯାଉ।  ର୍ନିଦ୍ଦିଷ୍ଟ ଜୋନ୍‌ରେ କଣ୍ଟେଣ୍ଟମେଣ୍ଟକୁ ନେଇ ମୁଖ୍ୟମନ୍ତ୍ରୀ ଯେଉଁ ପ୍ରସ୍ତାବ ପ୍ରଧାନମନ୍ତ୍ରୀଙ୍କୁ ଦେଇଛନ୍ତି, ତାହା ମନ୍ଦ ନୁହେଁ ବୋଲି କହିଛନ୍ତି ବିଜୟ ମହାପାତ୍ର। କଣ୍ଟେନମେଣ୍ଟ ଅଞ୍ଚଳରେ କଟକଣା ଲାଗୁ ହେଉ।  ଅନ୍ୟମାନେ ଅସୁବିଧା ନ ଭୋଗନ୍ତୁ।

ବର୍ତ୍ତମାନ ସରକାରଙ୍କୁ ସମସ୍ତ ବର୍ଗରୁ ଅକୁଣ୍ଠ ସହଯୋଗ ମିଳୁଛି। ଯଦି ସରକାର ଏହାର ସଦୁପଯୋଗ ନକରିବେ, ତାଠାରୁ ବଡ଼ ବିଡ଼ମ୍ବନା ନାହିଁ। ଜରୁରୀ ପରିସ୍ଥିତି ପରି ସାମ୍ବାଦିକଙ୍କୁ ନ ଡାକି ସାମ୍ବାଦିକ ସମ୍ମିଳନୀ କରାଯାଉଛି ବୋଲି ମଧ୍ୟ କଟାକ୍ଷ କରିଛନ୍ତି ବିଜୟ ମହାପାତ୍ର। ତେବେ ଏନେଇ ସରକାରଙ୍କ ପ୍ରତିକ୍ରିୟା ମିଳିପାରିନାହିଁ।

You might also like