Puri Rath Yatra 2020:ରଥଯାତ୍ରା ବନ୍ଦ ପରେ କାନ୍ଦିଲେ ରୂପକାର ସେବାୟତ; କାଲି ପୁରୀ ବନ୍ଦ ଡାକରା

ପୁରୀ: ୧୨ ଦିନ ବିଳମ୍ବରେ ଆରମ୍ଭ ହୋଇବି ୪ ଦିନ ଆଗରୁ ସରିଯାଇଥିଲା ରଥ ନିର୍ମାଣ ଖାଲି ଯାହା କନାମୁଣ୍ଡଣୀ ବାକିଥିଲା, ହେଲେ ତା ପୂର୍ବରୁ କରୋନା ପାଇଁ ଘୋଷଯାତ୍ରା ବନ୍ଦ ଖବରକୁ ସହଜରେ ଗ୍ରହଣ କରିପାରୁ ନାହାନ୍ତି ଭକ୍ତ ଓ ସେବାୟତ। ଏହାର ପ୍ରତିବାଦରେ ଆନ୍ଦୋଳନକୁ ଓହ୍ଲାଇଥିବା ଜଗନ୍ନାଥ ସେନା ଆସନ୍ତାକାଲି ପୁରୀ ବନ୍ଦ ଡାକରା ଦେଇଛି। ସେପଟେ ନିଷ୍ପତ୍ତିକୁ ସରକାରୀ ପ୍ରାୟୋଜିତ କହି ସୁପ୍ରିମ୍‌କୋର୍ଟରେ ଦାମୀ ଓକିଲଙ୍କୁ ଛିଡ଼ା କରାଇବା ପଛର କାରଣକୁ ନେଇ ପ୍ରଶ୍ନ କରିଛନ୍ତି ସେବାୟତ।

କୋହ ସମ୍ଭାଳି ପାରୁନାହାନ୍ତି ରୂପକାର ସେବାୟତ। ଲକ୍‌ଡାଉନ୍ କଟକଣା ପାଇଁ ଘରକୁ ନଯାଇ, ପିଲାଛୁଆଙ୍କ ମୁହଁ ନଦେଖି, ନିଷ୍ଠାର ସହ ଦିନରାତି ଯେଉଁ ରଥକୁ ସଜୋଉଥିଲେ, ସିଂହ ବିରାଳ, ହସ୍ତି ବିରାଳଠୁ ନେଇ ପାର୍ଶ୍ୱ ଦେବଦେବୀଙ୍କ ଚିତ୍ରରେ ଚିତ୍ରିତ କରି ଚାଲିଥିଲେ- ସେ ରଥକୁ ଏଥର ଆସିବେନି କୋଟି ପ୍ରାଣର ଦେବତା। ଆସିବେନି ମହାବାହୁ। ଏ କଥାରେ କାହା ପ୍ରାଣ ଯେ ନ କାନ୍ଦିବ?

କାହିଁକି ନା ଅଣସର ଘରୁ ଶୁଭ ଖବର ଆସି ସାରିଥିଲା। ସୁସ୍ଥ ହୋଇ ଭକ୍ତଙ୍କ ପାଇଁ ବଡ଼ଦାଣ୍ଡକୁ ଓହ୍ଲାଇବାକୁ ପ୍ରସ୍ତୁତ ହେଉଥିଲେ ଭାବର ଠାକୁର। ଆଉ ୧୨ ଦିନ ବିଳମ୍ବରେ କାମ ଆରମ୍ଭ ହୋଇ ବି ଘୋଷଯାତ୍ରାର ୪ ଦିନ ଆଗରୁ ସରି ଯାଇଥିଲା ତିନି ରଥର ନିର୍ମାଣ କାମ। ଖାଲି ସିଂହାସନ ବସିଥାନ୍ତା, ପ୍ରଭା ଲାଗିଥାନ୍ତା, କନା ମୁଣ୍ଡଣୀ ହୋଇଥାନ୍ତା। ଜଗତବାସୀଙ୍କୁ ସାଙ୍ଗରେ ନେଇ ଘୋଷଯାତ୍ରାରେ ବାହାରିଥାନ୍ତେ ଜଗତଠାକୁର ହେଲେ କରୋନା ପାଇଁ ରଥଯାତ୍ରା ବନ୍ଦ ଲାଗି ସୁପ୍ରିମ୍‌କୋର୍ଟଙ୍କ ରାୟ ପରେ ବ୍ୟଥିତ ଭକ୍ତ।

ଏପଟେ ରଥଯାତ୍ରା ବନ୍ଦ ହେବା ଖବରରେ ବଡ଼ଦାଣ୍ଡରେ ବିକ୍ଷୋଭ ପ୍ରଦର୍ଶନ କରିଛିଜଗନ୍ନାଥ ସେନା।ପୋଡ଼ାଜଳା ପୂରା ପ୍ରକରଣରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଭୂମିକାକୁ ଦାୟୀ କରି ପ୍ରତିବାଦରେ ଆସନ୍ତାକାଲି ସଂଗଠନ ପକ୍ଷରୁ ପୁରୀ ବନ୍ଦ ଡାକରା ଦିଆଯାଇଛି।

ରଥଯାତ୍ରା ବନ୍ଦ ହେବା ଖବରରେ ସେବାୟତ ମହଲରେ ବି ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ସରକାରଙ୍କ ବିରୋଧରେ ଗୁରୁତର ଅଭିଯୋଗ ଆଣି ଦଇତାପତି ନିଯୋଗ କହିଛି, ଯେଉଁଦିନ ଅକ୍ଷି ତୃତୀୟାକୁ ବନ୍ଦ କରିଦିଆଗଲା, ସେଇ ଦିନଠୁ ରଥଯାତ୍ରାକୁ ବନ୍ଦ କରିବାର ବ୍ୟବସ୍ଥା ହୋଇଥିଲା। ତେବେ ସବୁ ପୂର୍ବ ପ୍ରାୟୋଜିତ ସତ୍ତ୍ୱେ ସୁପ୍ରିମ୍‌କୋର୍ଟରେ ଦାମୀ ଓକିଲଙ୍କୁ ଠିଆ କରାଯିବା ପଛର କାରଣ କଣ ବୋଲି ବି ପ୍ରଶ୍ନ କରିଛନ୍ତି ସେବାୟତ।

ବଡ଼ଦାଣ୍ଡରେ ମହାପ୍ରଭୁଙ୍କ ଲୀଳାଖେଳା ଉପରେ ରୋକ୍ ଲାଗିବା ପରେ ଶ୍ରୀଜିଉଙ୍କ ରୀତିନୀତି ଆଗକୁ କେମିତି ବଢ଼ିବ, ଶହ ଶହ ବର୍ଷ ରଥ ପରମ୍ପରା କେମିତି ରକ୍ଷା ହେବ, ଏବେ ତାକୁ ଅପେକ୍ଷା।

ଆହୁରି ପଢ଼ନ୍ତୁ

ପୁରୀରେ ୨ ଛଦ୍ମବେଶୀ ସେବାୟତ ଅଟକ

ରଥଯାତ୍ରା 2020: ବଡଦାଣ୍ଡରେ ଗଡ଼ିଲା ତାଳଧ୍ୱଜ

ରଥଯାତ୍ରା 2020: ରଥ ଉପରେ ତିନି ଠାକୁର..ଅପେକ୍ଷା ଗଜପତିଙ୍କୁ…

ରଥଯାତ୍ରା 2020:ପହଣ୍ଡି ବେଳେ ଏମିତି ଦିଶୁଛନ୍ତି ବଡ଼ଠାକୁର, ଭିଡିଓ ଦେଖି ବିହ୍ୱଳ ଭକ୍ତ

ରଥଯାତ୍ରା 2020:ସୁପ୍ରିମକୋର୍ଟଙ୍କ ଏହିସବୁ ସର୍ତ୍ତାବଳୀ ଭିତରେ ଚାଲିଛି ପୁରୀ ରଥଯାତ୍ରା

ରଥଯାତ୍ରା 2020: ଆରମ୍ଭ ହେଲା ଚତୁର୍ଦ୍ଧାମୂର୍ତ୍ତିଙ୍କ ପହଣ୍ଡି ବିଜେ

ରଥଯାତ୍ରା 2020: ଆଜି ଘୋଷଯାତ୍ରା- ଭାଇଭଉଣୀଙ୍କୁ ଧରି ଗୁଣ୍ଡିଚା ଘର ଯିବେ ଜଗତର ନାଥ

ରଥଯାତ୍ରା 2020:ଘୋଷଯାତ୍ରା ପାଇଁ ନୀତି ନିର୍ଘଣ୍ଟ- ଜାଣନ୍ତୁ, ପହଣ୍ଡି ଆରମ୍ଭର ସମୟ

ବଡଦାଣ୍ଡରେ ଗଡ଼ିବ ନନ୍ଦିଘୋଷ, ଅନୁମତି ଦେଲେ ସୁପ୍ରିମକୋର୍ଟ

ରଥଯାତ୍ରା ବନ୍ଦ ପାଇଁ ଆବେଦନ କରିଥିବା ବ୍ୟକ୍ତିଙ୍କ ଘର ଉପରକୁ ଅଣ୍ଡା ମାଡ଼

ରାତି ପାହିଲେ ରଥଯାତ୍ରା: ବଡ଼ଦାଣ୍ଡରୁ ହଟୁଛନ୍ତି ଉଠା ଦୋକାନୀ

Puri Rath Yatra 2020:ଶ୍ରୀମନ୍ଦିର କାର୍ଯ୍ୟାଳୟରେ ରୁଦ୍ଧଦ୍ୱାର ବୈଠକ, ଗଜପତିଙ୍କ ସହ କଥା ହେଲେ ଅମିତ ଶାହ

You might also like