୧୯ ମିନିଟ୍‌ରେ ମୁଖ୍ୟମନ୍ତ୍ରୀଙ୍କ ବନ୍ୟାଞ୍ଚଳ ଏରିୟଲ ସର୍ଭେ !

ଭୁବନେଶ୍ୱର: ୩୧ ଅଗଷ୍ଟ ୨୦୨୦। ସେହିଦିନ ଆକାଶ ମାର୍ଗରୁ ବନ୍ୟା କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏରିଏଲ୍ ସର୍ଭେ ପରେ ଉଚ୍ଚସ୍ତରୀୟ ବୈଠକରେ ବନ୍ୟା ପରିସ୍ଥିତି ଓ ରିଲିଫ୍ କାର୍ଯ୍ୟର ସମୀକ୍ଷା କରିବା ସହିତ ଘୋଷଣା କରିଥିଲେ ସହାୟତା ପ୍ୟାକେଜ୍। ମୁଖ୍ୟମନ୍ତ୍ରୀଙ୍କ ଏରିଏଲ୍ ସର୍ଭେ ଓ ପରବର୍ତ୍ତୀ ସମୀକ୍ଷା ବୈଠକର ଚିତ୍ର ଓ ଭିଡିଓ ପ୍ରଦାନ କରିଥିଲେ ରାଜ୍ୟ ସରକାର। ତେବେ ଅଗଷ୍ଟ ୩୧ରେ ମୁଖ୍ୟମନ୍ତ୍ରୀ ଆକାଶମାର୍ଗରୁ କରିଥିବା ପରିଦର୍ଶନ ନେଇ ପ୍ରଶ୍ନ ଉଠାଇଛନ୍ତି ସୂଚନା ଅଧିକାରୀ କର୍ମୀ।

ଆଉ ତାର ଆଧାର ହେଉଛି ଭୁବନେଶ୍ୱର ଏୟାରପୋର୍ଟ ଅଥରିଟିଙ୍କଠାରୁ ମିଳିଥିବା ସେହିଦିନର ହେଲିକପ୍ଟର ଉଡ଼ାଣ ସଂପର୍କିତ ତଥ୍ୟ। ଏ ହେଉଛି ସେହି ଡକ୍ୟୁମେଣ୍ଟ ଯାହା ଏୟାରପୋର୍ଟ ଅଥରିଟିଙ୍କ ପକ୍ଷରୁ ଆରଟିଆଇ କର୍ମୀଙ୍କୁ ପ୍ରଦାନ କରାଯାଇଛି, ଯେଉଁଥିରେ ସ୍ପଷ୍ଟଭାବେ ଉଲ୍ଲେଖ ରହିଛି, ୩୧ ଅଗଷ୍ଟ ୨୦୨୦ ତାରିଖରେ ଭୁବନେଶ୍ୱର ଏୟାରପୋର୍ଟରୁ ମାତ୍ର ଗୋଟିଏ ହେଲିକପ୍ଟର ଉଡ଼ାଣ ଭରିଥିଲା ଆଉ ତାହା ଥିଲା OSS ଏୟାର ମ୍ୟାନେଜମେଣ୍ଟର VTOSH ନାମକ ହେଲିକପ୍ଟର।

ଏୟାରପୋର୍ଟ ଅଥରିଟିଙ୍କ ତଥ୍ୟ କହୁଛି, ସେହିଦିନ ସକାଳ ୧୦ଟା ୧୨ ମିନିଟ୍‌ରେ ହେଲିକପ୍ଟରଟି ଭୁବନେଶ୍ୱର ଏୟାରପୋର୍ଟରୁ ଯାତ୍ରା ଆରମ୍ଭ କରିଥିଲା, ଆଉ ଫେରିଥିଲା ୧୦ଟା ୩୧ ମିନିଟ୍‌ରେ ଅର୍ଥାତ ମାତ୍ର ୧୯ ମିନିଟ୍ ମଧ୍ୟରେ ସଂପୃକ୍ତ ହେଲିକପ୍ଟରଟି ଭୁବନେଶ୍ୱର ଏୟାରପୋର୍ଟକୁ ଫେରିଆସିଥିଲା।

ହେଲିକପ୍ଟରଟିର ଯିବା-ଆସିବାର ମୋଟ୍ ସମୟ ଥିଲା ମାତ୍ର ୧୯ ମିନିଟ୍। ଅର୍ଥାତ୍ ହେଲିକପ୍ଟରଟି ପାଖାପାଖି ସାଢ଼େ ୯ ମିନିଟ୍‌ର ଦୂରତ୍ୱ ଅତିକ୍ରମ କରିଥିଲା। ଏହି ସମୟ ଭିତରେ ହେଲିକପ୍ଟର ଟେକ୍ଅଫ୍ ଓ ଲ୍ୟାଣ୍ଡିଂ ସମୟ ମଧ୍ୟ ରହିଛି। ତେବେ ଆରଟିଆଇ କର୍ମୀଙ୍କ ପ୍ରଶ୍ନ ହେଲା, ଏତେ କମ୍ ସମୟ ମଧ୍ୟରେ ମୁଖ୍ୟମନ୍ତ୍ରୀ କେଉଁ ବନ୍ୟା ପ୍ରପୀଡ଼ିତ ଅଞ୍ଚଳର ଏରିୟଲ୍ ସର୍ଭେ କଲେ?

ଆଭିଏସନ୍ ଏକ୍ସପର୍ଟଙ୍କ ମତରେ ମୁଖ୍ୟମନ୍ତ୍ରୀ ଯଦି ଆକାଶମାର୍ଗରେ ଭୁବନେଶ୍ୱରଠାରୁ ସବୁଠାରୁ ନିକଟତମ ଯାଜପୁର ବନ୍ୟାଞ୍ଚଳ ପରିଦର୍ଶନରେ ଯାଇଥିବେ, ତାହାଲେ ବି ଭୁବନେଶ୍ୱରଠାରୁ ଯାଜପୁରର ଦୂରତା ୪୫ ନଟିକାଲ୍ ମାଇଲ୍। ସେ ହିସାବରେ ଯିବା ଆସିବା ୯୦ ନଟିକାଲ୍ ମାଇଲ୍ ହେବ।

ସେହିଦିନ ଯେଉଁ VTOSH ହେଲିକପ୍ଟର ଉଡ଼ାଣ ଭରିଥିଲା ତାର ସର୍ବାଧିକ ସ୍ପିଡ୍ ହେଉଛି ୧୬୮ ନଟ୍ ତେବେ ୧୯ ମିନିଟ୍‌ରେ ସେହି ଦୂରତ୍ୱ ଅତିକ୍ରମ କରିବାକୁ ୨୭୦ ନଟ୍ ସ୍ପିଡ୍ ଆବଶ୍ୟକ। ତେଣୁ ଏତେ କମ୍ ସମୟ ମଧ୍ୟରେ ଯାଜପୁର ଅଞ୍ଚଳ ପରିଦର୍ଶନ କରିବା ସମ୍ଭବ ନୁହେଁ।

ସେହିପରି କେନ୍ଦ୍ରାପଡ଼ା, ଜଗତସିଂହପୁର, କଟକ ଓ ପୁରୀ ଜିଲ୍ଲାର ବନ୍ୟା ପ୍ରଭାବିତ ଅଂଚଳରେ ମାତ୍ର ୯ ମିନିଟ୍‌ରେ ପହଞ୍ଚି ପରିଦର୍ଶନ କରିବା ସମ୍ଭବ ନୁହେଁ ବୋଲି ମତ ପ୍ରକାଶ ପାଇଛି। ଏସବୁକୁ ଛାଡ଼ିଲେ ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଲା, ସେହିଦିନ ଭୁବନେଶ୍ୱର ଏୟାରପୋର୍ଟରୁ କୌଣସି VVIP ମୁମେଣ୍ଟ ହୋଇନାହିଁ ଯାହାକି ଏୟାରପୋର୍ଟ ଅଥରିଟିଙ୍କ ଏହି ଡକ୍ୟୁମେଣ୍ଟରେ ସ୍ପଷ୍ଟ ଭାବେ ଦର୍ଶାଯାଇଛି।

ଆରଟିଆଇ କର୍ମୀଙ୍କ ଏସବୁ ସୂଚନା ଆଧାରରେ ପ୍ରଶ୍ନ ଉଠୁଛି, ୩୧ ଅଗଷ୍ଟରେ ମୁଖ୍ୟମନ୍ତ୍ରୀ ବାସ୍ତବରେ ବନ୍ୟାଞ୍ଚଳ ପରିଦର୍ଶନରେ ଯାଇଥିଲେ ନା ନାହିଁ? ଯଦି ଯାଇଥିଲେ ମାତ୍ର ୧୯ ମିନିଟ୍‌ରେ କେଉଁ ଅଞ୍ଚଳ ବୁଲି ଦେଖିଲେ? ଯାହାର ଉତ୍ତର ଏଯାଏଁ ମିଳିନାହିଁ।

ଏ ସଂପର୍କରେ ଆମେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ଯୋଗାଯୋଗ କରିଥିଲୁ ତେବେ ସେଠାରୁ କୌଣସି ଉତ୍ତର ମିଳିପାରି ନାହିଁ।

ଆହୁରି ପଢ଼ନ୍ତୁ

ଭୁବନେଶ୍ୱରରେ ପହଞ୍ଚିଲେ ଚେଲା କୁମାର; ଜୋରଦାର ହେବ ପ୍ରଚାର

ଅପରାଧୀଙ୍କ ଚରାଭୂଇଁ ପାଲଟୁଛି କି ରାଜଧାନୀ?

ଚଳୁ କରିଦେଲେ ଲକ୍ଷାଧିକ ସବ୍‌ସିଡି ଟଙ୍କା

ରାଜ୍ୟରେ ମୋଟ ସୁସ୍ଥ ସଂଖ୍ୟା ୨୫୨୧୯୭ରେ ପହଞ୍ଚିଲା

ରୋଗୀଣା ପତ୍ନିକୁ ଟ୍ରଲିରେ ବୋହି ଏସ୍‌ସିବି ନେବା ମାମଲାରେ ରିପୋର୍ଟ ମାଗିଲେ ରାଜ୍ୟ ମାନବାଧିକାର କମିଶନ

ଉପନିର୍ବାଚନ ମୈଦାନ୍‌ରେ କ୍ୟାମ୍ପେନ୍ ଆରମ୍ଭ କଲେଣି ହେବିୱେଟ୍ ନେତା, ମୁଖ୍ୟମନ୍ତ୍ରୀ କେବେ ?

ମରଣଯନ୍ତା ପାଲଟିଛି ମଙ୍ଗୁଳି ଛକ

ନକଲି ଟଙ୍କା ଦେଇ ଗାଡ଼ି କିଣିବା ବେଳେ ଧରିଲା ପୋଲିସ୍

ଜିଲ୍ଲାପାଳ ଅଫିସ୍ ଆସୁଥିଲେ, ଅଧାବାଟରୁ ଉଠାଇନେଲା ପୋଲିସ

ଦୁର୍ଘଟଣାର ଦିନ: ଟ୍ରକ୍ ତଳେ ଚାପି ହୋଇ ଚାଲିଗଲା ୫ ଜୀବନ, ୨୦ ଆହତ

ଖରସ୍ରୋତା ନଦୀ ପଠାରେ କୁମ୍ଭୀର, ଲୋକେ ଭୟଭୀତ

କାର୍ତ୍ତିକ ମାସରେ ଶ୍ରୀମନ୍ଦିରରେ ମିଳିବ ଅବଢ଼ା

You might also like