JEE Advanced: ରାଉରକେଲାର ସମର୍ଥ ହେଲେ ଓଡ଼ିଶା ଟପ୍ପର

ଭୁବନେଶ୍ୱର: ଜେଇଇ ଆଡ୍‌ଭାନ୍ସଡ (JEE Advanced)ଫଳାଫଳ ସୋମବାର ପ୍ରକାଶ ପାଇଛି। ଏଥିରେ ରାଉରକେଲାର ସମର୍ଥ ଅଗ୍ରୱାଲ  IIT-Kharagpur zoneର ଟପ୍ପର ହୋଇଛନ୍ତି। ସେ ସର୍ବଭାରତୀୟ ରାଙ୍କରେ ୨୫ ସ୍ଥାନରେ ରହିଛନ୍ତି। ଏଥିସହ ସମର୍ଥ ଓଡ଼ିଶା ଟପ୍ପର ମାନ୍ୟତା ମଧ୍ୟ ପାଇଛନ୍ତି।

JEE Advancedରେ ମୁଁ ଭଲ କରିଥିଲି। ହେଲେ ସର୍ବଭାରତୀୟ ରାଙ୍କରେ ୨୫ତମ ସ୍ଥାନରେ ରହିବି ବୋଲି ଭାବି ନ ଥିଲି ବୋଲି ଟାଇମ୍ସ ଅଫ ଇଣ୍ଡିଆକୁ ସାକ୍ଷାତ ଦେଇ କହିଛନ୍ତି। ସେ କମ୍ପ୍ୟୁଟର ସାଇନ୍ସ ଏବଂ ଇଞ୍ଜିନିୟରିଂ ପଢିବେ ବୋଲି କହିଛନ୍ତି।

JEE Advancedରେ ଓଡ଼ିଶାର ନାଁକୁ ଆଉ ଦୁଇଜଣ ମଧ୍ୟ ଉଜ୍ଜ୍ୱଳ କରିଛନ୍ତି। ସେମାନେ ହେଲେ ବଲାଙ୍ଗିର ଜିଲ୍ଲା କଂଟାବାଞ୍ଜି ଅଞ୍ଚଳର ଦୁଇ ଭାଇ  ରୌନକ ଡାଲମିୟା ଓ ମନ୍ଥନ ଡାଲମିୟା। ସର୍ବ ଭାରତୀୟ ସ୍ତରରେ ରୌନକ ୫୨ତମ ରାଙ୍କ ହାସଲ କରିଥିବାବେଳେ IIT-Kharagpur zoneରେ ୪ର୍ଥ ରାଙ୍କରେ ଅଛନ୍ତି।  ସେହିପରି  ସାନ ଭାଇ ମନ୍ଥନ  ସର୍ବଭାରତୀୟ ସ୍ତରରେ ୧୦୦ତମ ରାଙ୍କ ହାସଲ କରିଛନ୍ତି ।

You might also like