ବିଦ୍ୟୁତ୍‌ ପାଇଁ ବିଭିନ୍ନ ସ୍ଥାନରେ ରାସ୍ତାରୋକ

ଜଗତସିଂହପୁର: ବିଦ୍ୟୁତ୍‌ ସଂଯୋଗ ଦାବିରେ ରାସ୍ତାରୋକ। ବାତ୍ୟା ‘ଫୋନି’ ପ୍ରଭାବରେ ଜଗତସିଂହପୁର ଜିଲ୍ଲାରେ ଅନେକ ଅଞ୍ଚଳରେ ବିଦ୍ୟୁତ୍‌ ସେବା ବାଧାପ୍ରାପ୍ତ ହୋଇଛି।

ଏ ପର୍ଯ୍ୟନ୍ତ  ବିଜୁଳି ସଂଯୋଗ ହୋଇ ନ ଥିବାରୁ ପ୍ରତିବାଦ କରି ଲୋକମାନେ ରାସ୍ତାକୁ ଓହ୍ଲାଇଥିଲେ। ତୁରନ୍ତ ବିଦ୍ୟୁତ୍‌ ସଂଯୋଗ ଦାବିରେ ଆଜି କଟକ-ପାରୀଦୀପ ରାସ୍ତାର ବିଭିନ୍ନ ସ୍ଥାନରେ ଉତ୍ତ୍ୟକ୍ତ ଲୋକେ ରାସ୍ତାରୋକ କରିଥିଲେ।

ଜୟପୁରରେ ଜୟପୁର ଗାଁ ଲୋକେ, ନୂଆପଡା ନିକଟରେ ଛପଡ଼ା ଓ ବିଦ୍ୟାଧରପୁର ପଞ୍ଚାୟତ ଲୋକେ ରାସ୍ତାରୋକ କରିଥିଲେ।  ଏଥିଯୋଗୁ ଏହି ରାସ୍ତାରେ ଦୀର୍ଘ ସମୟ ଧରି ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା।  ତେବେ ୩ ଦିନ ଭିତରେ ବିଦ୍ୟୁତ୍‌ ସଂଯୋଗ ଦିଆଯିବ ବୋଲି ତିର୍ତ୍ତୋଲର ବିଦ୍ୟୁତ୍‌ SDO ପ୍ରତିଶ୍ରୁତି ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।

You might also like