ପରୀକ୍ଷା କେନ୍ଦ୍ରକୁ ମୋବାଇଲ୍‌, ହାତ ଘଣ୍ଟା ମନା

 ଆଗକୁ ଯୁକ୍ତ ଦୁଇ ପରୀକ୍ଷା

ଭୁବନେଶ୍ୱର: ମାଟ୍ରିକ୍ ପ୍ରଶ୍ନପତ୍ର ସୋଶାଲ୍ ମିଡିଆରେ ବୁଲିବା ପରେ ସରକାରଙ୍କୁ ଘାରିଛି ଭାଇରାଲ୍ ଭୟ । ପ୍ରଶ୍ନପତ୍ର  ଲିକ୍‌କୁ ରୋକିବାକୁ ଯୁକ୍ତ ଦୁଇ ପରୀକ୍ଷାରେ ଏଣିକି ସନ୍ଦେହପୂର୍ଣ୍ଣ ହାତ ଘଣ୍ଟା ଉପରେ ଲାଗିଛି କଟକଣା। ପରୀକ୍ଷାକୁ ଶୃଙ୍ଖଳିତ କରିବା ପାଇଁ ଏପରି ନିଷ୍ପତ୍ତି ନିଆଯାଇଛି।

ଛାତ୍ରଛାତ୍ରୀ ପରୀକ୍ଷା କେନ୍ଦ୍ର ଭିତରକୁ କ୍ୟାମେରା ଲାଗିଥିବା ହାତ ଘଣ୍ଟା ପିନ୍ଧି ଯାଇପାରିବେନି। ଏହାସହ ମୋବାଇଲ୍ ଉପରେ ବି ସମାନ କଟକଣା ଜାରି ରହିବ। ଆଜି ସଚିବାଳୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏନେଇ ନିଷ୍ପତ୍ତି ହୋଇଛି । ପରୀକ୍ଷା ଦିନ ହିଁ କେନ୍ଦ୍ରକୁ ପ୍ରଶ୍ନପତ୍ର ପଠାଯିବ।

ଚଳିତ ଥର ରାଜ୍ୟରେ ଯୁକ୍ତ ଦୁଇ ପରୀକ୍ଷା ପାଇଁ ୨୦୨ଟି ହବ୍ ଓ ୧ ହଜାର ୯୧ ପରୀକ୍ଷା କେନ୍ଦ୍ର ପ୍ରସ୍ତୁତ କରାଯାଇଛି । ଯେଉଁଥି ମଧ୍ୟରୁ ୯୩୬ କେନ୍ଦ୍ରରେ ସିସିଟିଭି ଲାଗିଛି ବୋଲି ସୂଚନା ଦେଇଛନ୍ତି ଗଣଶିକ୍ଷା ସଚିବ ପ୍ରଦିପ୍ତ ମହାପାତ୍ର ।

You might also like