ଜୟଦେବ ପୁରସ୍କାରରେ ସମ୍ମାନିତ ହେଲେ ରବିଶଙ୍କର

 ରାଜ୍ୟ ଓଡିଆ ଚଳଚ୍ଚିତ୍ର ପୁରସ୍କାର ସମାରୋହ

ଭୁବନେଶ୍ୱର:  ଗତକାଲି  ଉତ୍କଳ ମଣ୍ଡପରେ ରାଜ୍ୟ ସରକାରଙ୍କ ପକ୍ଷରୁ ୨୯ତମ ରାଜ୍ୟ ଓଡିଆ ଚଳଚ୍ଚିତ୍ର ପୁରସ୍କାର ସମାରୋହ ଆୟୋଜିତ ହୋଇଯାଇଛି। ଏହି ଅବସରରେ ବର୍ଷ ୨୦୧୭ ପାଇଁ ରବିଶଙ୍କର ପଟ୍ଟନାୟକ ସମ୍ମାନଜନକ ଜୟଦେବ ପୁରସ୍କାର ପାଇଛନ୍ତି । ଫିଲ୍ମ ସଂପାଦନା କ୍ଷେତ୍ରରେ ଜୀବନବ୍ୟାପୀ ଅବଦାନ ପାଇଁ ରବିଶଙ୍କରଙ୍କୁ ଏହି ସମ୍ମାନ ଦିଆଯାଇଛି । ସେହିଭଳି ‘ହେଲୋ ଆର୍ସି ’ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ପାଇଛି ।

‘ହେଲୋ ଆର୍ସି’ର ନିର୍ଦ୍ଦେଶକ ସମ୍ବିତ ମହାନ୍ତି ଶ୍ରେଷ୍ଠ ନିର୍ଦ୍ଦେଶକ, ପାର୍ଥସାରଥୀ ରାୟ ଶ୍ରେଷ୍ଠ ଅଭିନେତା ଭାବେ ସମ୍ମାନୀତ ହୋଇଛନ୍ତି । ‘ଲୈଲା ଓ ଲୈଲା’ ଫିଲ୍ମ ପାଇଁ ସନ୍ମିରା ନାଗେଶଙ୍କୁ ମିଳିଛି ଶ୍ରେଷ୍ଠ ଅଭିନେତ୍ରୀ ସମ୍ମାନ । ସତ୍ୟଜିତ ପ୍ରଧାନ ଓ ଅସୀମା ପଣ୍ଡାଙ୍କୁ ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ ସମ୍ମାନ ପ୍ରଦାନ କରାଯାଇଛି। ତରଙ୍ଗ ସିନେ ପ୍ରଡକ୍ସନର ‘ତୁ ମୋ ଲଭ ଷ୍ଟୋରି’ ଫିଲ୍ମକୁ ୩ଟି ପୁରସ୍କାର ମିଳିଛି । ଶ୍ରେଷ୍ଠ ଚିତ୍ରନାଟ୍ୟ ପାଇଁ ଦେବୀଦତ୍ତ ମହାନ୍ତି, ଶ୍ରେଷ୍ଠ ଗୀତିକାର ଅରୁଣ ମନ୍ତ୍ରୀ ଓ ଶ୍ରେଷ୍ଠ କଳା ନିର୍ଦ୍ଦେଶକ ଭାବେ ସୁବାସ ବେହେରାଙ୍କୁ ପୁରସ୍କୃତ କରାଯାଇଛି । ଆଜି ଷଷ୍ଠ ରାଜ୍ୟ ଟେଲି ପୁରସ୍କାର ପ୍ରଦାନ କରାଯିବ ।

You might also like