ପ୍ରସୂତି ମୃତ୍ୟୁରୁ ମେଡିକାଲ୍‌ରେ ଉତ୍ତେଜନା

ବଲାଙ୍ଗିର: ପ୍ରସୂତି ମୃତ୍ୟୁରୁ ମେଡିକାଲ୍‌ରେ ଉତ୍ତେଜନା। ବଲାଙ୍ଗିର ଭୀମଭୋଇ ମେଡିକାଲ କଲେଜରେ ପ୍ରସୂତି ମୃତ୍ୟୁରୁ ଉତ୍ତେଜନା ଦେଖାଦେଇଛି। ଜଣେ ପ୍ରସୂତୀଙ୍କ ମୃତ୍ୟୁ ପରେ ଚିକିତ୍ସାରେ ଅବହେଳା ଅଭିଯୋଗ କରି ହସ୍ପିଟାଲର ଓ୍ୱାର୍ଡ ସମ୍ମୁଖରେ ଶବ ରଖି ଧାରଣାରେ ବସିଛନ୍ତି ପରିବାର ଏବଂ ସ୍ଥାନୀୟ ଲୋକେ।

ଗତକାଲି ମାଳଗୋଦାମ ପଡାର ପପୁ ହରିପାଲଙ୍କ ସ୍ତ୍ରୀ ପ୍ରମିଳା ହରିପାଲଙ୍କୁ ଗୁରୁତର ଅବସ୍ଥାରେ ସ୍ତ୍ରୀ ଓ ପ୍ରସୂତୀ ବିଭାଗରେ ଭର୍ତ୍ତି କରାଯାଇଥିଲା। ଆଜି ସକାଳୁ ସେ ଏକ ଶିଶୁକନ୍ୟାକୁ ଜନ୍ମ ଦେଇଥିଲେ। ଏହାପରେ ମହିଳାଙ୍କ ଅତ୍ୟଧିକ ମାତ୍ରାରେ ରକ୍ତସ୍ରାବ ଯୋଗୁଁ ତାଙ୍କର ମୃତ୍ୟୁ ଘଟିଥିବା ଅଭିଯୋଗ କରିଛନ୍ତି ପରିବାର ଲୋକେ।

ଚିକିତ୍ସାରେ ଅବହେଳା ଯୋଗୁଁ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ଲୋକେ। ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ସହ ୫ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଦାବି କରିଛନ୍ତି। ସେପଟେ ବଲାଙ୍ଗିର ମେଡିକାଲ କଲେଜ ଅଧୀକ୍ଷକ ମହେନ୍ଦ୍ର ନାୟକ କହିଛନ୍ତି ଘଟଣାରେ ତଦନ୍ତ କମିଟି ବସିବ, ଗାଇଡଲାଇନ୍ ଅନୁସାରେ ଯାହା କରଯିବା କଥା  ତାହା କରାଯିବ।

You might also like