“ରାଜ୍ୟ ପୋଲିସରେ ସ୍ୱଚ୍ଛତା ନାହିଁ”

କଣ କହିଲେ ପ୍ରକାଶ?

କଟକ: ମାହାଙ୍ଗାରେ ବିଜେପି ନେତା ଓ ସହଯୋଗୀଙ୍କୁ ହତ୍ୟା ଘଟଣାରେ ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠାଇଲେ ବିଜେପି ନେତା ପ୍ରକାଶ ମିଶ୍ର। କହିଲେ, ଲୋକଙ୍କ ଆଗରେ ଏବେ କାହାଣୀ ପ୍ରସ୍ତୁତ କରାଯାଉଛି। ଦିବ୍ୟସିଂହ ମୃତ୍ୟୁ ପୂର୍ବରୁ ଅନେକଙ୍କ ନାଁ କହିଥିଲେ କିନ୍ତୁ ସେମିତି କିଛି କାର୍ଯ୍ୟାନୁଷ୍ଠାନ ପୋଲିସ ନେଇ ନାହିଁ। ବରଂ ଚାପ ପକାଇ ପୋଲିସକୁ ନିଷ୍କ୍ରିୟ କରାଯାଉଛି । ଏହି ଘଟଣା ଅତ୍ୟନ୍ତ ଉଦବେଗଜନକ ବୋଲି କହିବା ସହ ପୋଲିସ ବ୍ୟବସ୍ଥାରେ ସ୍ୱଚ୍ଛତା ନଥିବା ପରି ସଙ୍ଗୀନ ଅଭିଯୋଗ ଆଣିଛନ୍ତି ପ୍ରକାଶ।

ପ୍ରେସମିଟରେ ପ୍ରକାଶ କହିଛନ୍ତି,  ଏଠି ପୋଲିସ ସବୁବେଳେ ଜଣଙ୍କର ହିଁ ଅନୁଗତ ରହିଆସିଛି। ଶାସକ ଦଳର ଅନୁଗତ ନହେଲେ ଉପକୂଳରେ ପୋଷ୍ଟିଂ ହୁଏନି ବୋଲି ସିଧାସଳଖ ଅଭିଯୋଗ ଆଣିଛନ୍ତି । ଏହା ନିଶ୍ଚିତ ଭାବରେ ଏକ ଚିନ୍ତାଜନକ ବିଷୟ ବୋଲି କହିଛନ୍ତି ପ୍ରକାଶ।

ସେପଟେ ରାଜ୍ୟ ସରକାରଙ୍କ ଉପରେ ମନଇଚ୍ଛା ବର୍ଷିଛନ୍ତି ବିଜେପି ପ୍ରଭାରୀ ଡି.ପୁରନ୍ଦେଶ୍ୱରୀ।ସେ କହିଛନ୍ତି,  ଦୁର୍ନୀତିରେ ବୁଡ଼ି ରହିଛି ଏଠାକାର ରାଜ୍ୟ ସରକାର । ବର୍ଷକ ତଳେ ବିକାଶ ଜେନାଙ୍କୁ ବି ହତ୍ୟା କରାଯାଇଥିଲା। ଆଉ ପୁଣି ଏବେ କୁଳମଣି ଓ ଦିବ୍ୟସିଂହଙ୍କୁ ହତ୍ୟା କରାଗଲା। ପିଏମ୍ ଆବାସ ଯୋଜନା ଦୁର୍ନୀତି ଉଠାଇବାରୁ ଉଭୟଙ୍କୁ ହତ୍ୟା କରାଯାଇଛି ବୋଲି ସେ ଅଭିଯୋଗ କରିଛନ୍ତି।

ଆହୁରି ପଢନ୍ତୁ :

ଦୁର୍ନୀତିର ପେଡ଼ି ଖୋଲିବାରୁ ହତ୍ୟାର ଶିକାର ହେଲେ କି କୁଳମଣି ?

ଏହି ଘଟଣାରେ ଆଇନମନ୍ତ୍ରୀ ପ୍ରତାପ ଜେନାଙ୍କୁ କାହିଁକି ଗିରଫ କରାଯାଉନି ବୋଲି ପ୍ରଶ୍ନ କରିଛନ୍ତି ପୁରନ୍ଦେଶ୍ୱରୀ ? ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ଏତଲାରେ ଯଦି ପ୍ରତାପ ଜେନାଙ୍କ ନାଁ ଅଛି ତେବେ ତାଙ୍କୁ କାହିଁକି ଗିରଫ କରାଯାଉନି? ହତ୍ୟାର ଶିକାର ହୋଇଥିବା ପରିବାରକୁ ନ୍ୟାୟ ଦିଅନ୍ତୁ ମୁଖ୍ୟମନ୍ତ୍ରୀ। ଯଦି ନ୍ୟାୟ ନଦେବେ ତେବେ ଲୋକଙ୍କ ବିଶ୍ୱାସ ଉଠିଯିବ ବୋଲି କହିଛନ୍ତି ପୁରନ୍ଦେଶ୍ୱରୀ। କୁଳମଣି ଓ ଦିବ୍ୟସିଂହଙ୍କ ପରିବାର ଆମେ ସହ ଅଛୁ ଏବଂ ନ୍ୟାୟ ନ ମିଳିବା ଯାଏଁ ଆମେ ଲଢ଼େଇ ଜାରି ରଖିବୁ ବୋଲି ସ୍ପଷ୍ଟ ଭାବରେ କହିଛନ୍ତି ପୁରନ୍ଦେଶ୍ୱରୀ।
ମାହାଙ୍ଗାରେ ବରିଷ୍ଠ ବିଜେପି ନେତା ଓ ସହଯୋଗୀଙ୍କୁ ହତ୍ୟା ନେଇ ରାଜନୀତି ସରଗରମ ଥିବା ବେଳେ ଓଡିଶା ଗସ୍ତରେ ଅଛନ୍ତି ବିଜେପି ରାଜ୍ୟ ପ୍ରଭାରୀ ଡି.ପୁରନ୍ଦେଶ୍ୱରୀ। ଆଜି ବିଜେପି ଟିମ୍ ସହ ପୁରନ୍ଦେଶ୍ୱରୀ ମୃତ କୁଳମଣି ବରାଳଙ୍କ ଗାଁ ନୃର୍ତ୍ତାଙ୍ଗ ଯାଇଛନ୍ତି। ତେବେ ରାଜ୍ୟରେ ପହଞ୍ଚିବା ପରେ କୁଳମଣି ବରାଳଙ୍କ ହତ୍ୟାକୁ ନେଇ ପୁରନ୍ଦେଶ୍ୱରୀ କହିଥିଲେ ଯେ,ଏହି ଘଟଣାରୁ ରାଜ୍ୟରେ ଆଇନଶୃଙ୍ଖଳା କେତେ ଢିଲା ତାହା ସ୍ପଷ୍ଟ ହୋଇଛି।

You might also like