ଘଟଣାର ୩୬ ଘଣ୍ଟା ପରେ ବି ଜଣେ ହେଲେ ଅଭିଯୁକ୍ତଙ୍କୁ ଧରିପାରିନି ପୁଲିସ

ସହିଦନଗର ଥାନା ଆକ୍ରମଣ ଘଟଣା

ଭୁବନେଶ୍ୱର : ମାଡ଼ ଖାଇ ବି ଦୁର୍ବୃତ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇପାରୁନି ଭୁବନେଶ୍ୱର କମିଶନରେଟ୍ ପୁଲିସ। ଏତଲା ରୁଜୁ ହୋଇଛି। ହେଲେ ଘଟଣାର ୩୬ ଘଣ୍ଟା ପରେ ବି ଜଣେ ହେଲେ ଅଭିଯୁକ୍ତଙ୍କୁ ଧରିପାରିନି ପୁଲିସ।

ଗତକାଲି ଠାରୁ ସିସିଟିଭି ଫୁଟେଜ ପାଇ ତଦନ୍ତ କରୁଥିବା ପୁଲିସ କାହାକୁ ଗିରଫ କରି ପାରିନାହିଁ। ଅଭିଯୁକ୍ତମାନେ ଶାସକ ଦଳର ହୋଇଥିବାରୁ, ପୁଲିସ ନିଜ ଉପରେ ହୋଇଥିବା ଆକ୍ରମଣକୁ ବି ହଜମ କରିବାକୁ ଚେଷ୍ଟା କରୁଛି ବୋଲି ଅଭିଯୋଗ ହୋଇଛି।

ରବିବାର ରାତି ସାଢ଼େ ୧୧ରୁ ୧୨ଟା ମଧ୍ୟରେ କିଛି ଦୁର୍ବୃତ୍ତ ସହିଦନଗର ଥାନା ଭିତରେ ପଶି ଏଏସ୍ଆଇ ଅଭୟ ରାଉତଙ୍କୁ ନିସ୍ତୁକ ମାଡ଼ ମାରି ଲହୁଲୁହାଣ କରି ପକାଇଥିଲେ।

ବାଇକ୍ ଓ କାର ମଧ୍ୟରେ ଧକ୍କାକୁ ନେଇ ଥାନା ଭିତରେ ହୋଇଥିଲା ତୁମୁଳକାଣ୍ଡ।

You might also like