ଉଦାହରଣ ସାଜିଥିବା ମହିଳା କୋଭିଡ୍‌ ଯୋଦ୍ଧାଙ୍କୁ ଭେଟିଲେ ପୋଲିସ୍ ଡିଜି

ସମ୍ୱଲପୁର: ସମ୍ବଲପୁରକୁ ଦିନିକିଆ ଗସ୍ତରେ ଆସି ପୋଲିସ ଡିଜି ଅଭୟ ଲକଡାଉନ ସ୍ଥିତିର ସମୀକ୍ଷା କରିଛନ୍ତି। ଗସ୍ତ ଅବସରରେ ସେ ଉତ୍ତରାଞ୍ଚଳ ରାଜସ୍ୱ କମିଶନର ଓ ଜିଲ୍ଲାପାଳଙ୍କ ସହ ସମୀକ୍ଷା ବୈଠକ କରିବା ସହ ଜିଲ୍ଲାରେ ଲକଡାଉନ ସ୍ଥିତି ସମ୍ପର୍କରେ ବୁଝିଥିଲେ। ପରେ ସେ ବିଭିନ୍ନ ଥାନା ପରିଦର୍ଶନ କରିଥିଲେ। ତା’ ପୂର୍ବରୁ ଡିଜିପି ୩ଜଣ ମହିଳା ପୋଲିସ କର୍ମଚାରୀ ଓ ଅଧିକାରୀଙ୍କୁ ସାକ୍ଷାତ କରିଥିଲେ। ଟାଉନ ଥାନାରେ କାର୍ଯ୍ୟରତ ଜଣେ ୯ ମାସର ଗର୍ଭବତୀ ସବଇନସ୍ପେର, କିଛିଦିନ ତଳେ ଦୁର୍ଘଟଣା ପରେ ସୁସ୍ଥ ହୋଇ ଡ୍ୟୁଟି କରୁଥିବା ମହିଳା କନେଷ୍ଟବଳ ଓ ଜଣେ ମହିଳା ହୋମଗାର୍ଡଙ୍କ ସହ କଥା ହୋଇଥିଲେ।

ଏଥି ସହିତ ରାସ୍ତାରେ ଯାଉଥିବାବେଳେ ଲକ୍ଷ୍ମୀ ଟକିଜ ଛକରେ ଗାଡିରୁ ଓହ୍ଲାଇ କାର୍ଯ୍ୟରତ କିଛି ପୋଲିସ କର୍ମଚାରୀଙ୍କ ସହ କଥା ହୋଇଥିଲେ। ରାଜ୍ୟ ବାହାରୁ ଆସୁଥିବା ଶ୍ରମିକମାନଙ୍କୁ  କ୍ୱାରେଣ୍ଟାଇନରେ ରଖିବାକୁ ବ୍ୟବସ୍ଥା କରାଯାଉଥିବା ନେଇ ଏହି ଅବସରରେ ସୂଚନା ଦେଇଥିଲେ।

ସେହିପରି କୋରାପୁଟରେ କରୋନା ସ୍ଥିତି ସମୀକ୍ଷା କରିଛନ୍ତି ଦକ୍ଷିଣାଞ୍ଚଳ ରାଜସ୍ୱ କମିଶନର ଟି. ଆପଙ୍ଗଆଓ।  ଜୟପୁର ସ୍ଥିତ କୋଭିଡ୍ ହସ୍ପିଟାଲ ପରିଦର୍ଶନ କରିବା ସହ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି। କୋରାପୁଟ ଜିଲ୍ଲାରେ ପ୍ରଥମ କରୋନା ପଜିଟିଭ୍ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ତତ୍ପରତା ଦେଖାଇଛି।

ବର୍ତ୍ତମାନ ସୁଦ୍ଧା ଜିଲ୍ଲାରେ ମୋଟ ୫୨୫ ଜଣଙ୍କର ସ୍ୱାବ୍ ପଠାଯାଇଛି। ସେଥିମଧ୍ୟରୁ ୪୭୯ ଜଣଙ୍କର ନେଗେଟିଭ୍ ଆସିଛି। ବାକି ରିପୋର୍ଟ ଏଯାଏଁ ଆସିନାହିଁ। ଅନ୍ୟପଟେ କରୋନା ପଜିଟିଭ୍ ବାହାରିଥିବା ବ୍ୟକ୍ତିଙ୍କୁ ଭୁବନେଶ୍ୱର କିମ୍ସ ସ୍ଥାନାନ୍ତର କରାଯାଇଛି।

ଆହୁରି ପଢ଼ନ୍ତୁ

ବୈଜୟନ୍ତ ପୁଣି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ

ଉଚ୍ଛେଦ ହେଲା ଭୁବନେଶ୍ୱର ୟୁନିଟ-୨ ମାର୍କେଟ ବିଲ୍ଡିଂର ଉଠା ଦୋକାନ

ଓଟିଭି ଏମ୍‌ଡିଙ୍କ ବିରୋଧରେ ପୁଣି ଏକ ଅଭିଯୋଗ

ସହକାରୀ ଜିଲ୍ଲାପାଳଙ୍କୁ ମାଡ଼ ମାରି ପରିବାର ସହ ଗିରଫ ହେଲେ ଘର ମାଲିକ

ଦିନକରେ ୧୬ କରୋନା ରୋଗୀ ଆଖି ବୁଜିଲେ

୨୪ ଘଣ୍ଟାରେ ଚିହ୍ନଟ ହେଲେ ୪, ୩୫୬ କରୋନା ଆକ୍ରାନ୍ତ, ରେକର୍ଡ ଭାଙ୍ଗିଲା ଖୋର୍ଦ୍ଧା‌

ଜବତ ହେଲା ବିପୁଳ ନକଲି କରୋନା ଔଷଧ

ବିଧାନସଭାର ମୌସୁମୀ ଅଧିବେଶନ; ରବିବାର ବି ଚାଲିବ ଗୃହକାର୍ଯ୍ୟ

ବିଧାନସଭା ମୌସୁମୀ ଅଧିବେଶନ; କଭରେଜ କରୁଥିବା ଗଣମାଧ୍ୟମ ପ୍ରତିନିଧିଙ୍କର ହେବ କରୋନା ଟେଷ୍ଟ

ଓଡ଼ିଶୀ ସଂଗୀତକୁ ଶାସ୍ତ୍ରୀୟ ମାନ୍ୟତା ପାଇଁ ଚିଠି ଲେଖିଲେ ନବୀନ

ନାଳରେ ପଶିଗଲା ଚଳନ୍ତା କାର

ବନ୍ଦ ହୋଇଯିବ କି ରାଜଧାନୀର ଦୋକାନ?

You might also like