ସଟ୍‌ଡାଉନ୍‌ରେ ଖଟି କରି ଗଣିଲେ ୫ ହଜାର ଟଙ୍କା ଫାଇନ୍‌

ଭୁବନେଶ୍ୱର: ମହଙ୍ଗା ପଡ଼ିଲା ସଟ୍‌ଡାଉନ୍‌ କଟକଣାକୁ ଫୁ କରି ଖଟି କରିବା। ସଟ୍‌ଡାଉନ୍‌ ବେଳେ ଭୁବନେଶ୍ୱର ଜୟଦେବ ଭବନ ସ୍ଥିତ ଓମ୍‌ଫେଡ୍ ପାର୍ଲର ସାମ୍ନାରେ ଖଟି କରୁଥିବା କିଛି ଲୋକଙ୍କ ନିକଟରୁ ପୁଲିସ୍‌ ଜରିମାନା ଆଦାୟ କରିଛି।

ସଟ୍‌ଡାଉନ୍‌ ସମୟରେ ବିନା କାରଣରେ ଘରୁ ନ ବାହାରିବାକୁ ନିର୍ଦ୍ଦେଶ ରହିଛି। ଏସବୁ ସତ୍ତ୍ୱେ କିଛି ଲୋକ ଆଜି ଏଠାରେ ଖଟି କରୁଥିବା ବେଳେ ଖବର ପାଇ କ୍ୟାପିଟାଲ୍‌ ଥାନା ପୁଲିସ୍ ଘଟଣାସ୍ଥଳରେ ପହଞ୍ଚିଥିଲା। ସଟ୍‌ଡାଉନ୍‌ କଟକଣାକୁ ନ ମାନି ଖଟି କରୁଥିବାରୁ ୧୨ ଜଣଙ୍କ ନିକଟରୁ ପୁଲିସ୍‌ ୫ ହଜାର ଟଙ୍କା ଫାଇନ୍‌ ଆଦାୟ କରିଛି।

ସୂଚନାଯୋଗ୍ୟ, ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାରୁ ଲୋକମାନଙ୍କୁ ସାମାଜିକ ଦୂରତା ବଜାୟ ରଖିବା ସହ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। କିଛି ଲୋକ ଏହି ନିୟମକୁ ମାନୁଥିବା ବେଳେ ଆଉ କିଛି ଲୋକ ନିୟମକୁ ମାନୁ ନାହାନ୍ତି।

ଆହୁରି ମଧ୍ୟ ପଢ଼ନ୍ତୁ: ୨୪ ଘଣ୍ଟାରେ କରୋନାରେ ଆଖି ବୁଜିଲେ ୫

You might also like