ହୋଟେଲ୍‌ରେ ବସି ପ୍ଲାନିଂ କରିଥିଲେ, ଲୁଟ୍‌ ପରେ ଫ୍ଲାଇଟ୍‌ରେ ପଳାଇଥିଲେ

ଭୁବନେଶ୍ୱର: ଭୁବନେଶ୍ୱର ପଟିଆ ସ୍ଥିତ ପିଏନ୍‌ବି ବ୍ୟାଙ୍କ ଏଟିଏମ୍ ଲୁଟ୍ ପଛରେ ଆନ୍ତଃରାଜ୍ୟ ଗ୍ୟାଙ୍ଗର ହାତଥିବା ଜଣାପଡ଼ିଛି। ଦୁଇ ଅଭିଯୁକ୍ତ ଧରାପଡ଼ିବା ପରେ ମାମଲା ଉପରୁ ପରଦା ହଟିଛି। ଅଭିଯୁକ୍ତ ଦ୍ୱୟ ହେଲେ- ପଞ୍ଜାବର ସମରଜିତ୍ ସିଂହ ଓ କେରଳର ଜାଫର ସାଦ୍ଦିକ୍‌।

ଆଜି ସାମ୍ବାଦିକ ସମ୍ମିଳନୀରେ ପିଏନ୍‌ବି ବ୍ୟାଙ୍କ ଏଟିଏମ୍ ଲୁଟ୍‌ ନେଇ ସବିଶେଷ ତଥ୍ୟ ରଖିଛନ୍ତି ପୋଲିସ୍ କମିଶନର ସୁଧାଂଶୁ ଷଡ଼ଙ୍ଗୀ। ଗତ ମାସ ୧୦ ତାରିଖରେ ପଟିଆରେ ଥିବା ପିଏନ୍‌ବି ବ୍ୟାଙ୍କ ଏଟିଏମ୍‌ ଭିତରେ ପଶି ଗ୍ୟାସ୍ କଟର୍‌ରେ ଏଟିଏମ୍‌ ମେସିନ୍‌ କାଟି, ଏଥିରୁ ୨୭ ଲକ୍ଷ ଟଙ୍କା ଲୁଟି ନେଇଥିଲେ ଦୁଇ ଲୁଟେରା ସମରଜିତ୍ ଓ ଜାଫର। ସିସିଟିଭିରେ ଏମାନେ କଏଦ ହୋଇଥିଲେ। ପରେ ଏମାନେ ବ୍ୟବହାର କରିଥିବା ବାଇକ୍‌ର ସୁରାକ୍ ଖୋଜି ପୋଲିସ୍ ଏମାନଙ୍କ ସମ୍ପର୍କରେ ଜାଣିବାକୁ ପାଇଥିଲା।

ଭୁବନେଶ୍ୱର ଏକ ହୋଟେଲ୍‌ରେ ରହି ଲୁଟ୍‌ର ପୂରା ଯୋଜନା ପ୍ରସ୍ତୁତ କରିଥିଲେ ୨ ଲୁଟେରା। ଗ୍ୟାସ୍ କଟର ଓ ବାଇକ୍ ଭଡ଼ାରେ ଆଣି ଏଟିଏମ୍‌ରୁ ଲୁଟ୍ କରିଥିଲେ। ପରେ ଭୁବନେଶ୍ୱରରୁ ଦିଲ୍ଲୀକୁ ବିମାନରେ ଯାଇଥିଲେ। ସେଠାରୁ ଚଣ୍ଡିଗଡ଼, ବେଙ୍ଗାଲୁରୁ ଏବଂ ବିଶାଖାପାଟଣାକୁ ଯାଇଥିଲେ।

ବିଶାଖାପାଟଣାରେ ସମାନ ଧରଣର ଲୁଟ୍ କରିବା ଘଟଣା ସାମ୍ନାକୁ ଆସିବା କମିଶନରେଟ୍ ପୋଲିସ୍ ଆନ୍ଧ୍ର ପୋଲିସ୍ ସହ ଯୋଗାଯୋଗ କରିଥିଲା। ଶେଷରେ ଧରାପଡ଼ିଥିଲେ ଦୁଇ ଲୁଟେରା ସମରଜିତ୍ ଓ ଜାଫର।

ଅଭିଯୁକ୍ତ ଦ୍ୱୟଙ୍କୁ ରିମାଣ୍ଡରେ ଆଣି ମାମଲାରେ ଅଧିକ ଖୋଳତାଡ଼ କରିବାକୁ କମିଶନରେଟ୍ ପୋଲିସ୍ ଯୋଜନା ରଖିଛି।

ଆହୁରି ପଢ଼ନ୍ତୁ

୩ ଘଣ୍ଟା ବିଳମ୍ବରେ ଆରମ୍ଭ ହେଲା ନାଗାର୍ଜୁନ ବେଶ

ନାଗାର୍ଜୁନ ବେଶ: ଦ୍ୱାର ଫିଟିଲା, ଦର୍ଶନ ଦେଲେ ପତିତ ଉଦ୍ଧାରକ ପତିତପାବନ

ମହାପ୍ରଭୁଙ୍କ ନାଗାର୍ଜୁନ ବେଶ ପଛରେ ରହିଛି ଏମିତି ରହସ୍ୟ

ଶ୍ରୀମନ୍ଦିରରେ ବିରଳ ଇତିହାସ ହୋଇ ରହିଯିବ ଏଥରର ଦୁର୍ଲଭ ନାଗାର୍ଜୁନ ବେଶ

‘କୁବେର ବାବୁ’ଙ୍କ ପୁଅକୁ ଧରିଲା ଭିଜିଲାନ୍ସ ଟିମ୍‌

ନୂଆ ନୁହେଁ ବିବାଦ, ପ୍ରସଙ୍ଗରୁ ବାହାରି ଆସିବାରେ ଅରୁଣ ସଫଳ !

ଅଫିସର୍‌ ନୁହଁନ୍ତି ତ ସାକ୍ଷାତ କୁବେର !

ନାଗାର୍ଜୁନ ବେଶ ଲାଗି ପୁରୀରେ ୧୪୪ ଧାରା ଜାରି

ପରୀ ହତ୍ୟା ଘଟଣା: ଅରୁଣ ସାହୁ କହିଲେ, ମୁଁ ହିଂସାରେ ବିଶ୍ୱାସ କରେନି

ପରୀ ହତ୍ୟା ମାମଲାରେ ମୁହଁ ଖୋଲିଲେ ମନ୍ତ୍ରୀ ଅରୁଣ ସାହୁ

‘ଅରୁଣ ସାହୁଙ୍କୁ ବହିଷ୍କାର କରା ନ ଗଲେ ଗୃହ ଚଳାଇ ଦେବୁନି’

ସମ୍ପନ୍ନ ହେଲା କାଳିଆର ଶେଷକୃତ୍ୟ

You might also like