କଟକ ସହରରୁ ୫୩ କରୋନା ଆକ୍ରାନ୍ତ ଚିହ୍ନଟ

କଟକ: ଆଜି କଟକ ମହାନଗର ଅଞ୍ଚଳରୁ ଆଉ ୫୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରୁ ୪୩ କ୍ୱାରେଣ୍ଟିନ, ୧୦ ଲୋକାଲ କଣ୍ଟାକ୍ଟ କେସ୍ ରହିଛି। ଏନେଇ ଟ୍ୱିଟ୍ ଯୋଗେ ସୂଚନା ଦେଇଛି କଟକ ମହାନଗର ନିଗମ।

କେଉଁ ଅଞ୍ଚଳରୁ କେତେ:-

ମାଲଗୋଦାମ ଜାଲୁଆ ସାହିରୁ ୧୯ ଆକ୍ରାନ୍ତ ଚିହ୍ନଟ ହୋଇଛି। ସାମନ୍ତ ସାହିରୁ ୭, ଚୌଧୁରୀବଜାରରୁ ୬, ପଟ୍ଟାପୋଲରୁ ୨ ଚିହ୍ନଟ ହୋଇଛି। ଫ୍ରେଣ୍ଡ କଲୋନୀରୁ ଜଣେ, ରାଜା ବଗିଚାରୁ ଜଣେ କୋଭିଡ୍‌ ଯୋଦ୍ଧା, ବାମ୍ଫି ସାହିରୁ ଜଣେ, କନିକା ଛକରୁ ଜଣେ, ଦରଘାବଜାରରୁ ଜଣେ, ମହତାବ ନଗରରୁ ଜଣେ କୋଭିଡ୍‌ ଯୋଦ୍ଧା, ମଧୁପାଟଣା ଜଣେ, ସିଡିଏ ସେକ୍ଟର-୧୦ରୁ ଜଣେ, ସିଡିଏ ସେକ୍ଟର-୭ରୁ ଜଣେ କୋଭିଡ୍‌ ଯୋଦ୍ଧା, ସାହେବଯାଦା ବଜାରରୁ ଜଣେ ଲେଖାଏଁ ଲୋକାଲ୍‌ କେସ ଚିହ୍ନଟ ହୋଇଛନ୍ତି।

ଆଜି କଟକ ଜିଲ୍ଲାରୁ ୭୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିରୁ କଟକ ଟାଉନ୍‌ରୁ ୫୩ ଜଣ ଅଛନ୍ତି। ଆଜି ସୁଦ୍ଧା କଟକ ଟାଉନ୍‌ରୁ ୧୭୨୧ ଜଣ କରୋନାରେ ଆକ୍ରାନ୍ତ ହୋଇଛନ୍ତି। ସେଥିରୁ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୯୧୨ ଜଣ ଆରୋଗ୍ୟ ହୋଇ ଘରକୁ ଫେରିଛନ୍ତି। ଏବେ ୭୯୯ ଜଣ ବିଭିନ୍ନ କୋଭିଡ୍‌ ହସ୍ପିଟାଲ୍‌ରେ ଚିକିତ୍ସିତ ହେଉଛନ୍ତି।

You might also like