ଦାମଙ୍କ ଘୋଟାଲା ବାଣ; ଦୁର୍ନୀତିର ସିବିଅାଇ ତଦନ୍ତ ଦାବି କଲା ବିଜେପି

ଭୁବନେଶ୍ୱର: ଚାରା, ସମବାୟ, ଓମ୍‌ଫଡ୍‌ ଏ ସବୁରେ ଯିଏ କୋଟି କୋଟି ଟଙ୍କାର ଘୋଟାଲା ଅଭିଯୋଗ ଅାଣିଲେ ତାଙ୍କୁ ନବୀନ ଦଳରୁ ବହିଷ୍କାର କଲେ। ହେଲେ ଯେଉଁ ନେତା ଓ ପ୍ରଶାସକଙ୍କ ନାଁରେ ଅଭିଯୋଗ ଅାସିଛି, ତାଙ୍କ ବେଳକୁ ମୁଖ୍ୟମନ୍ତ୍ରୀଙ୍କ ଅଜବ ରିଅାକ୍ସନ୍। ଏମିତିକି ଚାରା ଦୁର୍ନୀତି କଥା କୃଷି ମନ୍ତ୍ରୀ ବିଧାନସଭାରେ ମାନିଥିଲେ ବି ମୁଖ୍ୟମନ୍ତ୍ରୀ ନିରବ ରହିଛନ୍ତି। ବିଜେପି କହିଛି, ଏସବୁ ଦୁର୍ନୀତିର ସିବିଅାଇ ତଦନ୍ତ ନହେଲେ ଦଳ ରାସ୍ତାକୁ ଓହ୍ଲାଇବ ଓ ଅାଇନ୍‌ର ଅାଶ୍ରୟ ନେବ।

ଏସବୁ ଭିତରେ ୪୦୦ କୋଟିର ଗୋଖାଦ୍ୟ ଦୁର୍ନୀତି ଅଭିଯୋଗରେ ଲାଲୁ ବି ଜେଲ୍‌ର୍ ଥିବା କଥା ମନେ ପକାଇଦେଇଛି ବିଜେପି। ସେପଟେ ଦାମ ଉଠାଇଥିବା ଦୁର୍ନୀତି ପ୍ରସଙ୍ଗକୁ ଅସ୍ତ୍ରକରି ମୁଖ୍ୟମନ୍ତ୍ରୀଙ୍କୁ ନିଶାନା କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। ତେବେ ଅଭିଯୋଗର ଜବାବ ରଖି ବିଜେଡି କହିଛି, ଦୁର୍ନୀତି ସମ୍ପର୍କରେ ମୁଖ୍ୟମନ୍ତ୍ରୀ ଶୁଣିଛନ୍ତି ଯାହା ପଦକ୍ଷେପ ନିଆଯିବା କଥା ସରକାର ନେବେ।

ସେପଟେ ଚାରା ଘୋଟାଲା ପ୍ରସଙ୍ଗରେ ପୁଣି ମୁହଁ ଖୋଲି ଅଧିକ ରୋଚକ ତଥ୍ୟ ଦେଇଛନ୍ତି ବରିଷ୍ଠ ବିଧାୟକ ଦାମୋଦର ରାଉତ। ମୟୂରଭଞ୍ଜରେ ମୂଳରୁ ଚାରା ନପୋତା ଯାଇ ୫୯ କୋଟିର ଜୈବିକ ସାର ଓ କୀଟନାଶକ କିଣାଯାଇଥିଲା।

ବିଧାନସଭାରେ କୃଷି ମନ୍ତ୍ରୀ ଉତ୍ତର ରଖିଥିଲେ ଦୁର୍ନୀତି ହୋଇଛି ହେଲେ ଦାମ ଏକଥା ଉଠାଇବାରୁ ମୁଖ୍ୟମନ୍ତ୍ରୀ ଏହାକୁ ହାସ୍ୟାସ୍ପଦ କହିବା କେତେ ଯୁକ୍ତିଯୁକ୍ତ ତାକୁ ନେଇ ବି ଉଠାଇଛନ୍ତି ପ୍ରଶ୍ନ।

ପ୍ରଥମ ଓ ଦ୍ୱିତୀୟ ପାଳିରେ ଦୁର୍ନୀତିର ଛାଇ ଅାସିଲେ ନବୀନ ମନ୍ତ୍ରୀଙ୍କୁ ସିଧା ବିଦା କରୁଥିଲେ, ୨୦୦୦-୨୦୧୨ ମଧ୍ୟରେ ସେ ଏମିତି ୩୫ଜଣଙ୍କୁ ଅାଉଟ୍  କରିଛନ୍ତି। ହେଲେ ତୃତୀୟ, ଖାସ୍ କରି ଚତୁର୍ଥ ପାଳିରେ ଦୁର୍ନୀତିର ପ୍ରମାଣ ମିଳିଲେ ବି ସୁପ୍ରିମୋଙ୍କ ଅପେକ୍ଷାକୃତ ନରମ ମନୋଭାବ ପ୍ରଦର୍ଶନ  ଅନେକ ପ୍ରଶ୍ନବାଚୀ ସୃଷ୍ଟି କରିଛି।

You might also like
Comments
Loading...