ନଈରେ ବନ୍ୟାପାଣି ଚାଲୁଥିବା ବେଳେ ପୋଲ ଉପରୁ ଖସିପଡ଼ିଲେ ବୃଦ୍ଧା

ତେଲକୋଇ (ଚିନ୍ମୟ କୁମାର ସାହୁ): ତେଲକୋଇ ବଜାର ପାଖରେ ଥିବା ସମାକୋଇ ନଦୀ ପୋଲ ଉପରୁ ଆଜି ଅପରାହ୍ନରେ ଜଣେ ବୃଦ୍ଧା ଖସି ପଡ଼ି ଭାସି ଯାଇଛନ୍ତି। ଖବର ପାଇ ଘଟଣା ସ୍ଥଳରେ ତେଲକୋଇ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି।

ତେବେ ବୃଦ୍ଧାଙ୍କର  ଏଯାଏ କୌଣସି ଖୋଜ୍ ଖବର ମିଳି ନଥିବା ବେଳେ ସେ ଘୋଡ଼ାଇ ହେଉଥିବା ଏକ ଚାଦର ଉଦ୍ଧାର କାର୍ଯ୍ୟ ବେଳେ ମିଳିଛି।

ବୃଦ୍ଧା ଜଣକ ତେଲକୋଇ ବଜାର ଆସି ଚାଲି ଚାଲି ଫେରୁଥିବା ବେଳେ ଏପରି ଅଘଟଣ ଘଟଥିବା ଅନୁମାନ କରାଯାଉଛି। ବୃଦ୍ଧାଙ୍କ ପ୍ରକୃତ ପରିଚୟ ମିଳି ପାରି ନ ଥିବା ବେଳେ ସେ ପୋଲ ନିକଟସ୍ଥ ମଧୁସୂଦନପୁର ଜୁଆଙ୍ଗ ସାହିର ବୋଲି ଅନୁମାନ କରାଯାଉଛି। ବୃଦ୍ଧା ପୋଲରୁ ଖସିପଡ଼ିବା ବେଳେ ଜଣେ ଯୁବକ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ।

You might also like