ଭୁବନେଶ୍ୱର: ରାଜ୍ୟ ସରକାର ବରିଷ୍ଠ IAS ସ୍ତରରେ ଅଦଳ ବଦଳ କରିଛନ୍ତି। ରାଜକୁମାର ଶର୍ମାଙ୍କୁ କୃଷି ଉତ୍ପାଦନ କମିଶନର ଭାବେ ଦାୟିତ୍ୱ ମିଳିଥିବା ବେଳେ ଶ୍ରମ ଓ ଇଏସ୍ଆଇ ବିଭାଗର ପ୍ରିନ୍ସପାଲ୍ ସେକ୍ରଟାରୀ ଅନୁ ଗର୍ଗଙ୍କୁ ଜଳ ସଂପଦ ବିଭାଗର ପ୍ରିନ୍ସପାଲ୍ ସେକ୍ରଟାରୀ ଭାବେ ଦାୟିତ୍ୱ ମିଳିଛି।
ଅନୁ ଗର୍ଗଙ୍କୁ ମହିଳା ଶିଶୁ ବିକାଶ ଓ ମିଶନ ଶକ୍ତି ବିଭାଗର ଶ୍ରମ ଓ ଇଏସ୍ଆଇ ବିଭାଗର ପ୍ରିନ୍ସପାଲ୍ ସେକ୍ରଟାରୀ ଭାବେ ମଧ୍ୟ ଅତିରିକ୍ତ ଦାୟିତ୍ୱ ମିଳିଛି।
ସେହିପରି MSME ପ୍ରିନ୍ସପାଲ୍ ସେକ୍ରଟାରୀ ସତ୍ୟବ୍ରତ ସାହୁଙ୍କୁ ପୂର୍ବ ଦାୟିତ୍ୱ ସହ ସ୍କୁଲ୍ ଓ ଗଣଶିକ୍ଷା ବିଭାଗର ପ୍ରିନ୍ସପାଲ୍ ସେକ୍ରଟାରୀ ଭାବେ ଅତିରିକ୍ତ ଦାୟିତ୍ୱ, ଜଳ ସଂପଦ ବିଭାଗ ପ୍ରିନ୍ସପାଲ୍ ସେକ୍ରଟାରୀ ସୁରେନ୍ଦ୍ର କୁମାରଙ୍କୁ ଖଣି ଓ ଇସ୍ପାତ ବିଭାଗର ପ୍ରିନ୍ସପାଲ୍ ସେକ୍ରଟାରୀ ଭାବେ ଦାୟିତ୍ୱ ସହ କଟକ ଡେଭଲପ୍ମେଣ୍ଟ୍ ଅଥରିଟିର ପ୍ରିନ୍ସପାଲ୍ ସେକ୍ରଟାରୀ ଭାବେ ଅତିରିକ୍ତ ଦାୟିତ୍ୱ ମିଳିଛି।
ସ୍କୁଲ୍ ଓ ଗଣଶିକ୍ଷା ବିଭାଗର ପ୍ରିନ୍ସପାଲ୍ ସେକ୍ରଟାରୀ ଚିତ୍ରା ଅରୁମୁଗମଙ୍କୁ ଶ୍ରମ ଓ ଇଏସ୍ଆଇ ବିଭାଗର ପ୍ରିନ୍ସପାଲ୍ ସେକ୍ରଟାରୀ ଭାବେ ଦାୟିତ୍ୱ ମିଳିଛି। ବରିଷ୍ଠ IAS ସ୍ତରରେ ଅଦଳ ବଦଳ ନେଇ ରାଜ୍ୟ ସରକାରଙ୍କ ପକ୍ଷରୁ ନିଷ୍ପତ୍ତି ନିଆଯାଇଛି।