କୋଭିଡ୍ କେଳେଙ୍କାରୀରେ ନୂଆ ଫର୍ଦ୍ଦ: ନେବୁଲାଇଜର କିଣାରେ ବି ଦୁର୍ନୀତି !

ଭୁବନେଶ୍ୱର: କୋଭିଡ୍ କେଳେଙ୍କାରୀରେ ନୂଆ ଫର୍ଦ୍ଦ। ମାସ୍କ୍ ଓ ପିପିଇ କିଣା ଭଳି ନେବୁଲାଇଜର କିଣାରେ ବି ଦୁର୍ନୀତି ହୋଇଥିବା ଅଭିଯୋଗ ଆଣିଛି କଂଗ୍ରେସ। ପିସିସି ମୁଖପାତ୍ର ସୁଦର୍ଶନ ଦାସ ଆଜି ସାମ୍ବାଦିକ ସମ୍ମିଳନୀରେ ଏ ଅଭିଯୋଗ ଆଣିଛନ୍ତି। ସେ କହିଛନ୍ତି, ନେବୁଲାଇଜର ଯୋଗାଣ ପାଇଁ ମାର୍ଚ୍ଚ ୨୧ରେ ଯେଉଁ କମ୍ପାନୀ ୩୧ଶହ ଟଙ୍କାରେ କୋଟେସନ୍ ଦେଇଥିଲା, ୨ ଦିନ ପରେ ଅର୍ଥାତ ମାର୍ଚ୍ଚ ୨୩ରେ ସେହି କମ୍ପାନୀ ୫ ହଜାର ୯ଶହ ଟଙ୍କାରେ ନେବୁଲାଇଜର ଦେବାକୁ କୋଟେସନ ଦେଲା।

ସରକାର ମାର୍ଚ୍ଚ ୨୫ରେ ଉକ୍ତ କଂପାନୀରୁ ୫ଶହ ନେବୁଲାଇଜର ଗୋଟା ପ୍ରତି ୫ ହଜାର ୯ଶହ ଟଙ୍କାରେ କିଣିଛନ୍ତି। ଏହାଛଡ଼ା ସେହି ଏକା ନେବୁଲାଇଜର ଅନ୍ୟ ଏକ କଂପାନୀରୁ ସେହି ଦିନ ଅର୍ଥାତ ମାର୍ଚ୍ଚ ୨୫ରେ ୧୬୫୨ ଟଙ୍କାରେ କେମିତି କିଣିଲେ ବୋଲି ଦଳ ପ୍ରଶ୍ନ କରିଛି।

ଅନ୍ୟପଟେ କରୋନା ଟେଷ୍ଟିଂ କମିବାକୁ ନେଇ ମଧ୍ୟ ଉଭୟ କଂଗ୍ରେସ ଓ ବିଜେପି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି। ଦୈନିକ ୧୫ ହାଜର ଟେଷ୍ଟିଂ ପାଇଁ ମୁଖ୍ୟମନ୍ତ୍ରୀ କହିଥିବା ବେଳେ କାହିଁକି ଆଜି ଯାଏ ହୋଇପାରିଲାନାହିଁ ବୋଲି ବିରୋଧୀ ଜବାବ ମାଗିଛନ୍ତି। ନେବୁଲାଇଜର କିଣା ଅନିୟମିତତା ନେଇ ବିଜେଡି ଜବାବ ମିଳି ନାହିଁ।

You might also like