ଆସାମ ପରି ଓଡ଼ିଶାରେ ହେଉ ଏନ୍‌ଆର୍‌ସି ; ଦାବି ଉଠାଇଲେ ବିରୋଧୀ

କେନ୍ଦ୍ରାପଡ଼ା/ବାଲେଶ୍ୱର (ମନୋଜ ସ୍ୱାଇଁ/ରଶ୍ମିରଞ୍ଜନ ଦାସ) : ଆସାମ ପରେ ଓଡ଼ିଶାରେ କରାଯାଇପାରେ ନାଗରିକ ତାଲିକା(ଏନ୍‌ଆରସି)।  ଏଠି ବାଂଲାଦେଶୀ ଅନୁପ୍ରବେଶକାରୀଙ୍କ ସଂଖ୍ୟା ସରକାରୀ ଭାବେ ୪ ହଜାର ଭିତରେ ସୀମିତ ଥିବା ବେଳେ ଏମାନଙ୍କ ସଂଖ୍ୟ ୧୦ ଲକ୍ଷରୁ ଅଧିକ ହେବ ବୋଲି କୁହାଯାଉଛି। ଅନୁପ୍ରବେଶକାରୀଙ୍କ ପାଇଁ ରାଜ୍ୟରେ ଜାଲ୍‌ ନୋଟଠୁ ଆରମ୍ଭ କରି ନିଶା କାରବାର ପରି ଅପରାଧ ବଢୁଥିବାରୁ ଏମାନଙ୍କୁ ଚିହ୍ନଟ କରି ରାଜ୍ୟ ଛାଡ଼ିବାକୁ ନିର୍ଦ୍ଦେଶ ଦେବାକୁ ଦାବି କରିଛନ୍ତି ବିରୋଧୀ।

କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ାର ପସ୍ତା ଗାଁ। ବାପ ଅଜା ଅମଳରୁ ଆସି ଏଠି ବସତି ସ୍ଥାପନ କରିଛନ୍ତି ଶହ ଶହ ବାଂଲାଦେଶୀ। ଏବେ ସମସ୍ତଙ୍କ ପାଖରେ ଅଛି ଭୋଟର କାର୍ଡ ଓ ଆଧାର କାର୍ଡ। ସେପଟେ ମହାକାଳପଡ଼ାର ରାମନଗର, ଜମ୍ବ, ଖରନାସୀ ବତୀଘର ଓ ରାଜନଗରର ପେଣ୍ଠ, ସାତଭାୟା ବଗପାଟିଆରେ ବଢୁଛି ବସ୍ତି ଏବଂ ବଢୁଛି ଅନୁପ୍ରବେଶକାରୀଙ୍କ ସଂଖ୍ୟା। ୨୦୦୫ ମସିହାରେ ଏଠି ୧୫୫୧ ଜଣ ଅନୁପ୍ରବେଶକାରୀଙ୍କୁ ଚିହ୍ନଟ କରାଯାଇଥିଲା। ଏପରିକି ସେମାନଙ୍କୁ ଦେଶାନ୍ତର ନୋଟିସ ଦିଆଯାଇଥିଲା। ଏହି ନିର୍ଦ୍ଦେଶ କାର୍ଯ୍ୟକାରୀ ହୋଇନି।

ଠିକ୍‌ ସେମିତି ଅବସ୍ଥା ବାଲେଶ୍ୱର ଜିଲ୍ଲାରେ ଦେଖିବାକୁ ମିଳିଛି। ବାଲେଶ୍ୱରର ସହରର ଅର୍ଡର ବଜାର, ପଶ୍ଚିମବଙ୍ଗ ସୀମାରେ ଥିବା ତାଳସାରୀ ଉଦୟପୁର, ବଳରାମଗଡ଼ି ଓ ପରଖିରରେ ଅନେକ ବାଂଲାଦେଶୀ ରହୁଛନ୍ତି।

ତେବେ କେନ୍ଦ୍ରାପଡ଼ାରେ ଏନଆର୍‌ସି ପାଇଁ ଅଗଷ୍ଟ ପ୍ରଥମ ସପ୍ତାହରେ କେନ୍ଦ୍ର ସରକାରଙ୍କ ପାଖରୁ ଅନୁମତି ପାଇଁ ଚିଠି ଲେଖିଥିଲା ଜଙ୍ଗଲ ଓ ପରିବେଶ ବିଭାଗ। କେନ୍ଦ୍ରାପଡ଼ା ଜିଲ୍ଲାପାଳ ସମର୍ଥ ବର୍ମା କହିଛନ୍ତି, ଏ ବାବଦରେ ସରକାରଙ୍କ ପାଖରୁ କୌଣସି ସୂଚନା ଆସିନି। ଏପଟେ ଏବେ ଜନଗଣନା ଆରମ୍ଭ ହୋଇଥିବା ବେଳେ ଆସାମ ପରି ଓଡ଼ିଶାରେ ମଧ୍ୟ ଏନଆରସି ହୋଇପାରେ ବୋଲି କହିଛନ୍ତି ଜନଗଣନା ନିର୍ଦ୍ଦେଶାଳୟର ଯୁଗ୍ମ ନିର୍ଦ୍ଦେଶକ ପ୍ରଭାକର ବରାଡ଼।

 

୨୦୧୫ ମାର୍ଚ୍ଚ ୩୦ ତାରିଖରେ ବିଧାନସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ, ରାଜ୍ୟରେ ବାଂଲାଦେଶୀ ଅନୁପ୍ରବେଶକାରୀଙ୍କ ସଂଖ୍ୟା ୩ ୯୮୭। ହେଲେ କଂଗ୍ରେସର କହିବା କଥା ରାଜ୍ୟରେ ୧୦ ଲକ୍ଷରୁ ଅଧିକ ଅନୁପ୍ରବେଶକାରୀ ଅଛନ୍ତି। ଅଖିଳ ଭାରତ ବିଦ୍ୟାର୍ଥୀ ପରିଷଦ(ଏବିଭିପି) ଏବେ କରିଥିବା ସର୍ଭେ ଅନୁସାରେ ରାଜ୍ୟରେ ୨୦ ଲକ୍ଷରୁ ଅଧିକ ଅନୁପ୍ରବେଶକାରୀ ଅଛନ୍ତି। ତେଣୁ ଆସାମ ପରି ଓଡ଼ିଶାରେ ମଧ୍ୟ ଏନଆର୍‌ସି ଲାଗୁ କରି ତୁରନ୍ତ ଅନୁପ୍ରବେଶକାରୀଙ୍କୁ ତଡ଼ିପାର ପାଇଁ ଦାବି କରିଛନ୍ତି ବିରୋଧୀ।

ବିରୋଧୀ ଦଳ ନେତା ପ୍ରଦୀପ୍ତ ନାଏକ କହିଛନ୍ତି, “ଏନ୍‌ଆରସି ସମଗ୍ର ଭାରତବର୍ଷରେ ଲାଗୁ ହେଉ। ଯଥାଶୀଘ୍ର ଚିହ୍ନଟ କରାଯାଇ ସେମାନଙ୍କୁ ପଠାଇ ଦିଆଯାଉ। ନବୀନବାବୁ ଏଥିରେ ସହଯୋଗ କରିବା ଉଚିତ।”

କଂଗ୍ରେସ ବିଧାୟକ ସୁରେଶ ରାଉତରାଏ କହିଛନ୍ତି, “ଓଡ଼ିଶାରେ ୧୦ ଲକ୍ଷରୁ ଅଧିକ ବାଂଲା ଅନୁପ୍ରବେଶକାରୀ ଅଛନ୍ତି। ସେମାନଙ୍କ ପାଇଁ ବ୍ରାଉନ୍‌ସୁଗାର ଓ ଜାଲ୍‌ ନୋଟ୍‌ କାରବାର ବୃଦ୍ଧି ପାଉଛି। ତେଣୁ ସେମାନଙ୍କୁ ଚିହ୍ନଟ କରି ଓଡ଼ିଶାରୁ ବାହାର କରିବାର ବ୍ୟବସ୍ଥା କରାଯାଉ।”

ଆସାମ ନାଗରିକ ପଞ୍ଜିକାରୁ ବାଦ ପଡିଥିବା ୧୯ ଲକ୍ଷ ଲୋକ ଅନ୍ୟ ରାଜ୍ୟ ମୁହାଁ ହୋଇପାରନ୍ତି। ବିଭିନ୍ନ ସମୟରେ ଭୋଟ ବ୍ୟାଙ୍କ ବଢ଼ାଇବା ପାଇଁ ନେତାମାନେ ଅନୁପ୍ରବେଶକାରୀଙ୍କୁ ଭୋଟର ପରିଚୟପତ୍ର ଦେଇ ଥଇଥାନ କରୁଥିବାରୁ ଆସାମର ବିସ୍ଥାପିତ ଓଡ଼ିଶା ମୁହାଁ ହେବା ବି ଅସମ୍ଭବ ନୁହେଁ। ତେଣୁ ଏବେଠୁ ସତର୍କ ନହେଲେ ସ୍ଥିତି ସାଂଘାତିକ ହୋଇପାରେ।

ଆହୁରି ପଢ଼ନ୍ତୁ

ନଭେମ୍ବରରେ କେମିତି ଚାଲିବ ସରକାରୀ ଅଫିସ, ଆସିଲା ଗାଇଡ୍‌ଲାଇନ୍

କମ୍ବିଂ ଅପରେସନ୍ ବେଳେ ପୋଲିସ-ମାଓବାଦୀ ମୁହାଁମୁହିଁ

ଉପନିର୍ବାଚନ ପାଇଁ ୩ରେ ଛୁଟି ଘୋଷଣା

ରାଜ୍ୟରେ ମନ୍ଦିର ଖୋଲାଯିବା ଦରକାର: ଧର୍ମେନ୍ଦ୍ର

୨ଟି ଥାଳି ଫ୍ରି ଆଶାରେ ଅନ୍‌ଲାଇନ୍ ଅର୍ଡର କରୁଥିବା ବ୍ୟକ୍ତିଙ୍କ ଅବସ୍ଥା କଣ ହେଲା ଜାଣନ୍ତୁ

ସୁସ୍ଥ ହୋଇଥିବା ଲୋକଙ୍କୁ ବି ପୁଣି ଥରେ କରୋନା ହେବ କି ନାହିଁ ? ଓଡ଼ିଶାରେ ମିଳିଲା ପ୍ରମାଣ

ଟ୍ରକ୍ ଧକ୍କାରେ ଚାଲିଗଲା ଅଜା-ନାତିର ଜୀବନ

ହବିଷ୍ୟାଳୀଙ୍କ ପାଇଁ ମିଳିବ ମହାପ୍ରସାଦ

ଭୁବନେଶ୍ୱରରେ ଅଧା ଲୋକଙ୍କୁ ଛୁଇଁଗଲାଣି କରୋନା

ନିର୍ବାଚନ ପୂର୍ବରୁ ୧୫୦୦ ଅପରାଧୀ ଚିହ୍ନଟ, ୭୫ ୱାରେଣ୍ଟିଙ୍କୁ ଜେଲ୍

ଫେସବୁକ୍‌ରେ ପ୍ରେମ ନିବେଦନ କରି ଯୁବତୀଙ୍କୁ ଦେଖା କରିବାକୁ ଯାଇଥିଲେ, ତା’ ପରେ…

ଘର ତିଆରି ପାଇଁ ୧୫ ହଜାର ଟଙ୍କାରେ ବିକିଥିଲେ ଶିଶୁ କନ୍ୟା 

You might also like