ସ୍ୱାଭାବିକ ହେଲା କ୍ୟାପିଟାଲ ହସ୍ପିଟାଲର SNCU

କଟକ : ସ୍ୱାଭାବିକ ହେଲା କ୍ୟାପିଟାଲ ହସ୍ପିଟାଲର SNCU ୟୁନିଟ୍‌। ବାତ୍ୟା ଫୋନିରେ ପ୍ରଭାବିତ SNCU ୟୁନିଟର ପୁନରୁଦ୍ଧାର ପରେ ୨୪ ବେଡରେ ନବଜାତଙ୍କ ଚିକିତ୍ସା ପୁଣିଥରେ ଆରମ୍ଭ ହୋଇଛି।

ବାତ୍ୟା ଫୋନିର ତାଣ୍ଡବରେ SNCUର ସିଲିଂ ଖସିପଡିଥିବା ବେଳେ ସେଠାରେ ଚିକିତ୍ସିତ ହେଉଥିବା ୨୨ ନବଜାତ ଶିଶୁଙ୍କୁ ଉଦ୍ଧାର କରାଯାଇଥିଲା।

ସେହି ଅଦୃଶ୍ୟ ଇଶ୍ୱର ରୂପୀ ମେଡିକାଲର କର୍ମଚାରୀ ଫୋନିର କରାଳ ତାଣ୍ଡବରୁ ସେଦିନ ଉଦ୍ଧାର କରିଥିଲେ ଏହି ନିଷ୍ପାପ ଶିଶୁଙ୍କୁ। କେବଳ ଜଣେ ନୁହେଁ, ୨୨ଜଣ ଶିଶୁଙ୍କ ପାଇଁ ଦେବଦୂତ ସାଜିଥିଲେ କ୍ୟାପିଟାଲ ହସ୍ପିଟାଲ ଏସଏନସିୟୁ ଯୁନିଟ୍‌ର ଡାକ୍ତର ସମେତ ୧୫ ଜଣ ଷ୍ଟାଫ୍।

ବାତ୍ୟା ଯୋଗୁଁ କ୍ୟାପିଟାଲ ହସ୍ପିଟାଲର ଏସଏନସିୟୁ ଦୁଇଟି ୟୁନିଟ୍‌ର ସିଲିଂ ଖସି ପଡିଥିଲା। ପ୍ରଳୟଙ୍କାରୀ ପବନରେ ସିଲିଂ ଫ୍ଲେଟ ସହ ଲୁହା ଫ୍ରେମ୍ ନବଜାତଙ୍କ ଉପରେ ପଡିଥିଲେ ସେମାନଙ୍କ ଜୀବନ ଚାଲି ଯାଇଥାନ୍ତା। ମାତ୍ର ନବଜାତ ଶିଶୁଙ୍କ ପାଇଁ ଢାଲ ସାଜିଥିଲେ ସମସ୍ତ କର୍ମଚାରୀ।

ସୁରକ୍ଷା ବଳୟ ସୃଷ୍ଟିକରି ସିଲିଂ ଫ୍ଲେଟ୍‌ ପଡିଥିଲେ ମଧ୍ୟ ୨୨ଶିଶୁଙ୍କୁ ନିଜ କୋଳରେ ସୁରକ୍ଷିତ ରଖି ଜଣ ଜଣକୁ ଉଦ୍ଧାର କରିଥିଲେ। ତେବେ ବାତ୍ୟାରେ କ୍ଷତିଗ୍ରସ୍ତ SNCUର ନକ୍‌ସା ପୁଣି ବଦଳି ଯାଇଛି। ଫୋନି ତାଣ୍ଡବର ୭ ଦିନପରେ ସ୍ୱାଭାବିକ ହୋଇଛି ଏହି ୟୁନିଟ୍‌।

SNCU ୟୁନିଟ୍‌ର ସେହି ଦେବଦୂତମାନେ ପ୍ରତିକୂଳ ପରିସ୍ଥିତିରେ ଉପସ୍ଥିତ ବୁଦ୍ଧି ଉପଯୋଗ କରି ୨୨ ଶିଶୁଙ୍କୁ ରକ୍ଷା କରି ପାରିଥିଲେ। ଫୋନି ପ୍ରଭାବ ସମ୍ଭାବନା ଥିବା ଜାଣି ଏମାନେ ଡ୍ୟୁଟିରେ ଥିଲେ। ପ୍ରଥମେ ସିଲିଂରୁ ଧୂଳି ଖସିଥିଲା, ପରେ ଦ୍ୱିତୀୟ ପର୍ଯ୍ୟାୟ ପବନରେ ଧସି ପଡିଥିଲା ସିଲିଂ। ତେବେ ସମୟର ଦୃଶ୍ୟକୁ  ବୟାନ କରି ଭାବ ବିହ୍ୱୋଳ ହୋଇ ପଡିଥିଲେ କ୍ୟାପିଟାଲ ହସ୍ପିଟାଲର କର୍ମଚାରୀ।

୨୨ ଶିଶୁଙ୍କ ଜୀବନ ରକ୍ଷା କରିଥିବା SNCU କର୍ମଚାରୀଙ୍କୁ ଚାରିଆଡୁ ଉଚ୍ଚ ପ୍ରଶଂସା ମିଳୁଥିବାବେଳେ ସେମାନଙ୍କୁ ସମ୍ମାନୀତ କରାଯିବ ବୋଲି କହିଛନ୍ତି ମେଡିକାଲ କତ୍ତୃପକ୍ଷ।

ଆହୁରି ପଢ଼ନ୍ତୁ

ଏହି ସର୍ଟକର୍ଟ ‘କି’ ଜାଣିଲେ ସହଜ ହେଇଯିବ କମ୍ପ୍ୟୁଟର୍ ଚାଳନା

ଆଜି ବିଶ୍ୱ ଫଟୋଗ୍ରାଫି ଦିବସ; ଜାଣିଛନ୍ତି ଏହା କାହିଁକି ପାଳନ କରାଯାଏ ?

ଦିବ୍ୟାଙ୍ଗ ହେଲେ ବି ସେ ସ୍ୱାବଲମ୍ବୀ ; ଅନ୍ୟମାନଙ୍କ ପାଇଁ ପାଲଟିଛନ୍ତି ଉଦାହରଣ

୧୨ ବର୍ଷର ବାଳକ ତିଆରି କଲେ ରୋବର୍ଟ

ଶ୍ରୀମନ୍ଦିର ସୁରକ୍ଷା ନେଇ କ୍ୟାବିନେଟ୍ ନିଷ୍ପତ୍ତି ପରେ ବଢୁଛି ଅସନ୍ତୋଷ

ଦୌଡ଼ୁଥିବା ଘୋଡ଼ା ପିଠିରେ ଠିଆ ହୋଇ ତ୍ରିରଙ୍ଗା ଉଡ଼ାଇଲେ ବାଳକ

ଆଜି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଶ୍ରାଦ୍ଧବାର୍ଷିକୀ

ଅଗଷ୍ଟ ୧୫: ଭାରତର ସ୍ୱାଧୀନତା ପାଇଁ କିଏ ବାଛିଥିଲେ ଏହି ତାରିଖ ?

ଯେତେବେଳେ ମୋଦିଙ୍କୁ ସୁଷମା କହିଥିଲେ,‘ଆରେ ଭାଇ ଏମିତି ହୁଏନି’

ଘାତକ ହେଉଛି ସର୍ପାଘାତ ; ରାଜ୍ୟରେ ଚିନ୍ତାଜନକ ଭାବେ ବଢି ଚାଲିଛି ସାପ କାମୁଡ଼ାଜନିତ ମୃତ୍ୟୁ

ସଂଗ୍ରାମୀଙ୍କ ରକ୍ତରେ ଭିଜା ଲାଲ୍‌ମାଟିକୁ ବୋତଲରେ ରଖି ପୂଜା କରୁଥିଲେ ଭଗତ୍‌ ସିଂ

ଏବେ ବି ଗୁଲାମଗିରିରୁ ମୁକୁଳି ନାହାନ୍ତି ପିମ୍ପୁଡ଼ି….ଜାଣନ୍ତୁ କିଛି ରୋଚକ କଥା

You might also like