ଅନୁସୂଚିତ ଜାତିର ବିକାଶରେ ବାଧା

ଅନୁଗୁଳ: ରାଜ୍ୟରେ ଅନୁସୂଚିତ ଜାତି ଲୋକଙ୍କ ବିକାଶରେ ବାଧା ସୃଷ୍ଟି ହେଉଛି। ରାଜ୍ୟର ମୋଟ ଜନସଂଖ୍ୟା ତୁଳନାରେ ଅନୁସୂଚିତ ଜାତି ଲୋକଙ୍କର ବିକାଶ ହେଉନଥିବା କହିଛନ୍ତି ରାଷ୍ଟ୍ରୀୟ ଅନୁସୂଚିତ ଜାତି କମିଶନ ସଦସ୍ୟ ଯୋଗେନ୍ଦ୍ର ପାଶଓ୍ୱାନ। ଅନୁଗୁଳ ଗସ୍ତରେ ଆସିବା ଅବସରରେ ପାଶୱାନ ଏହି ପ୍ରତିକ୍ରିୟା ରଖିଛନ୍ତି।

ରାଜ୍ୟରେ ଅନୁସୂଚିତ ଜାତି ଲୋକଙ୍କ ସଂଖ୍ୟା ମୋଟ ଜନସଂଖ୍ୟାର ୧୬. ୫ ପ୍ରତିଶତ ହୋଇଥିବାବେଳେ ସେହି ଅନୁପାତରେ ସେମାନଙ୍କର ବିକାଶ ହେଉନାହିଁ। ଶ୍ରୀ ପାଶୱାନ ଏହାକୁ ନେଇ କ୍ଷୋଭ ପ୍ରକାଶ କରିବା ସହିତ ଏଥିରେ ସୁଧାର ଆଣିବାକୁ ପରାମର୍ଶ ଦେଇଛନ୍ତି।

ଅନୁସୂଚିତ ଜାତି ଲୋକଙ୍କ ବିକାଶରେ ରାଜ୍ୟ ସରକାର ବାଧା ସୃଷ୍ଟି କରୁଥିବା କମିଶନ ସଦସ୍ୟ ଅଭିଯୋଗ କରିଛନ୍ତି। ଅନୁସୂଚିତ ଜାତିର ଲୋକଙ୍କ ଉପରେ ଅପରାଧ ହାର ବୃଦ୍ଧି ପାଉଥିବାବେଳେ ଦଣ୍ଡବିଧାନ ହାର ହ୍ରାସ ପାଉଛି। ଏହାକୁ ନେଇ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ ଅନୁସୂଚିତ ଜାତିଙ୍କ ବ୍ୟକ୍ତିଙ୍କୁ ନ୍ୟାୟ ପ୍ରଦାନ ପାଇଁ ଦାବି ସେ କରିଛନ୍ତି।

You might also like