ବାତ୍ୟା ଯିବାର ୫ ଦିନ ପରେ ବି ଥମୁନି ହାହାକାର

ବିପନ୍ନଙ୍କ ପାଖରେ ଅପହଞ୍ଚ ସହାୟତା , ପାଣି ଓ ବିଜୁଳି ପାଇଁ ସବୁଠି ଯୁଦ୍ଧ ଭଳି ସ୍ଥିତି

ଭୁବନେଶ୍ୱର : ବାତ୍ୟା ଫୋନିର ତାଣ୍ଡବ ପରେ ସବୁଠି ହାହାକାର। ଅନେକ ସ୍ଥାନରେ ଆନ୍ଦୋଳନକୁ  ଓହ୍ଲାଇଛନ୍ତି ସାଧାରଣ ଲୋକ। ଏସବୁ ରାଜ୍ୟ ସରକାରଙ୍କୁ ଅଡ଼ୁଆରେ ପକାଇଥିବା ବେଳେ ଜଳଯୋଗାଣ, ରିଲିଫ୍ ଓ ବିଦ୍ୟୁତ ସେବା ସ୍ୱାଭାବିକ୍‌ କରିବାକୁ ଜୋରସୋରରେ ଉଦ୍ୟମ ଚାଲିଥିବା ସରକାର କହିଛନ୍ତି।

ଜଗତସିଂହପୁର, ଜଟଣୀ, ଭୁବନେଶ୍ୱର ସବୁଠି ରାସ୍ତାରୋକ। ଚାଲିଛି ଆନ୍ଦୋଳନ। ବାତ୍ୟାର ୫ଦିନ ପରେ ବି ବିପନ୍ନଙ୍କୁ ସହାୟତା ମିଳିନଥିବାରୁ ବଢୁଛି ଅସନ୍ତୋଷ। ବାତ୍ୟା ପରେ କେବଳ ଗୋଟିଏ ଦିନ ରନ୍ଧା ଖାଦ୍ୟ ଦିଆଯାଇଥିଲା। ତା’ପରେ ଆଉ କୌଣସି ସାହାଯ୍ୟ ମିଳିନଥିବା ଅଭିଯୋଗ ଆଣି ରାସ୍ତାକୁ ଓହ୍ଲାଇଛନ୍ତି ବିପନ୍ନ। ଜଗତସିଂହପୁର ରଘୁନାଥପୁର ବ୍ଲକ ଜୟଶୋଳ ଓ ତରିକୁନ୍ଦ ଅଞ୍ଚଳ ଲୋକେ କନ୍ଦରପୁର-ମାଛଗାଁ ରାସ୍ତାର ଧନିପୁରଠାରେ ରାସ୍ତା ଅବରୋଧ କରିଥିଲେ। ସେପଟେ ଜଳ ଯୋଗାଣ ସାଙ୍ଗକୁ ବିଦ୍ୟୁତ ସଂଯୋଗ ହୋଇନଥିବାରୁ ରାଜଧାନୀରେ ଆନ୍ଦୋଳନ କରାଯାଇଛି।

ଚନ୍ଦ୍ରଶେଖରପୁରସ୍ଥିତ ବିଡିଏ କଲୋନୀ ଓ ହାଉସିଂବୋର୍ଡ ଅଂଚଳରେ ଶତାଧିକ ବିପନ୍ନ ଆଜି ଜୟଦେବ ବିହାର-ନନ୍ଦନକାନନ ରାସ୍ତା ଉପରେ ଗଛ ପକାଇ ଅବରୋଧ କରିଥିଲେ। ପାଣି ଓ ରିଲିଫ୍ ଦାବିରେ ଖୋର୍ଦ୍ଧା-ଜଟଣୀ ରାସ୍ତାକୁ ବନ୍ଦ କରିଥିଲେ ସ୍ଥାନୀୟ ଲୋକ।ବାତ୍ୟାରେ ୧୪ ଜିଲ୍ଲାର ୧୬ ହଜାରରୁ ଅଧିକ ଗାଁ କ୍ଷତିଗ୍ରସ୍ତ ହୋଇଛି। ପ୍ରଭାବିତ ହୋଇଛନ୍ତି  ୧କୋଟି ୪୦ ଲକ୍ଷ ଲୋକ। ତେଣୁ ସରକାରଙ୍କ ଆଗରେ ଏବେ ପୁର୍ନରୁଦ୍ଧାର କାର୍ଯ୍ୟ ଚାଲେଞ୍ଜ ହୋଇଛି।

ଏସବୁ ଭିତରେ ରିଲିଫ୍, ବିଜୁଳି ଓ ପାନୀୟ ଜଳ ପାଇଁ ଡହଳ ବିକଳ ଲୋକେ। ତେବେ ସରକାରଙ୍କ ଦାବି ହେଲା ଭୁବନେଶ୍ୱରରେ ୬୦ ପ୍ରତିଶତ ଓ ପୁରୀରେ ୭୦ ପ୍ରତିଶତ ଜଳଯୋଗାଣ ବ୍ୟବସ୍ଥା କରାଯାଇଛି। ଆଉ ମୁଖ୍ୟମନ୍ତ୍ରୀ ଘୋଷଣା କରିଥିବା ରିଲିଫ୍ ବି ଲୋକଙ୍କ ପାଖରେ ପହଞ୍ଚିଛି। ସବୁ ଜିଲ୍ଲାପାଳମାନଙ୍କୁ ମଧ୍ୟ ରିଲିଫ୍ ଯୋଗାଇବା ପାଇଁ ନିର୍ଦ୍ଦେଶ ଦିଆଯାଇଥିବା ରାଜ୍ୟ ସରକାରଙ୍କ ପକ୍ଷରୁ କୁହଯାଇଛି।

ଆହୁରି ପଢ଼ନ୍ତୁ

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

You might also like