ପ୍ରାଥମିକ ଶିକ୍ଷାରୁ ବଞ୍ଚିତ ଖୁଲୁଣ୍ଡିପାଣି ଗାଁର କୁନି କୁନି ପିଲା

ଦେବଗଡ଼ (ସିଦ୍ଧାର୍ଥ ଗୁରୁ) : ଦେବଗଡ଼ ଓ ସୁନ୍ଦରଗଡ଼ ଜିଲ୍ଲା ସୀମାରେ ଅଛି ଝରାକଣ୍ଡଳ ପଂଚାୟତର ଖୁଲୁଣ୍ଡିପାଣି ଗାଁ। ଆଦିବାସୀ  ଅଧ୍ୟୁଷିତ ଏହି  ଗାଁର ସମସ୍ତ ପରିବାର ବିପିଏଲ୍ ତାଲିକାଭୁକ୍ତ ହୋଇଥିବାବେଳେ ମଜୁରୀ କରି ଗୁଜରାଣ ମେଣ୍ଟାଇଥା’ନ୍ତି।  ହେଲେ ଏହି ଗାଁକୁ ସରକାରୀ ଯୋଜନା ଏବେବି ଅପହଞ୍ଚ।

ଗାଁରେ ପାଖାପାଖି ୩୫ ଜଣ ଶିଶୁ ଥିବାବେଳେ ସେମାନଙ୍କ ପାଇଁ କୌଣସି ଅଙ୍ଗନଓ୍ୱାଡି କେନ୍ଦ୍ର କିମ୍ବା ପ୍ରାଥମିକ ବିଦ୍ୟାଳୟ ଖୋଲାଯାଇନାହିଁ। ଏପରିକି ବିଜୁଳି, ପାନୀୟ ଜଳ ମଧ୍ୟ ଏମାନଙ୍କ ପାଇଁ ସାତ ସପନ ପାଲଟିଛି।
ପାଠ ପଢିବାକୁ ହେଲେ ଗାଁରୁ ୫ କିଲୋମିଟର ଦୂରରେ ଥିବା ଖୁଲୁଣ୍ଡିକୁଦର ଅଙ୍ଗନଓ୍ୱାଡି କେନ୍ଦ୍ର କିମ୍ବା କନ୍ୟାଶ୍ରମ ଉପରେ ନିର୍ଭର କରିବାକୁ ପଡେ। ତେବେ, ଏନ୍ଏଚ୍ ଦେଇ ଖୁଲୁଣ୍ଡିକୁଦର ଯିବାକୁ ପଡୁଥିବାରୁ ନିଜ ପିଲାଙ୍କୁ ସ୍କୁଲ ପଠାଇବାକୁ ଇଚ୍ଛା ପ୍ରକାଶ କରୁ ନାହାନ୍ତି ଗ୍ରାମବାସୀ।

ପ୍ରାଥମିକ ଶିକ୍ଷାରୁ ବଞ୍ଚିତ ହୋଇ ଟୋଲ,ମହୁଲ ,କେନ୍ଦୁ, ଚାର ଆଦି ଜଙ୍ଗଲଜାତ ଦ୍ରବ୍ୟ ସଂଗ୍ରହ କାମରେ ବ୍ୟସ୍ତ ରହୁଛନ୍ତି କୁନି କୁନି ପିଲା। ସେପଟେ, ସମସ୍ୟା ବାବଦରେ ଅବଗତ ନଥିଲି, ଏନେଇ  ତଦନ୍ତ କରି ତୁରନ୍ତ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ବାରକୋଟ ବିଡିଓ।

You might also like