ଭୁବନେଶ୍ୱର: ଲକ୍ଡାଉନ ନିୟମ ଭାଙ୍ଗି ପଶ୍ଚିମବଙ୍ଗରୁ ଓଡ଼ିଶା ଆସିବା ଓ ଉତ୍ତର ଓଡ଼ିଶାରେ କରୋନା ପଜିଟିଭ ସଂଖ୍ୟା ବଢିବା ଘଟଣାକୁ ନେଇ ଚିନ୍ତା ପ୍ରକଟ କରିଛନ୍ତି ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା।
ଅଧିକାଂଶ ରୋଗୀଙ୍କ ଲକ୍ଷଣ ପ୍ରକାଶ ପାଉନଥିବାରୁ ଟେମ୍ପରେଚର ପରୀକ୍ଷା କାମ ଦେଉନି । ତେଣୁ ନବୀନ ବାବୁ ଯୋଗୀ ଆଦିତ୍ୟନାଥଙ୍କ ଭଳି ପନ୍ଥା ଆପଣେଇବା ଉଚିତ ବୋଲି ଟ୍ୱିଟ୍ କରିଛନ୍ତି ବୈଜୟନ୍ତ ।
ବୈଜୟନ୍ତ ଟ୍ୱିଟ୍ କରି କହିଛନ୍ତି, ‘ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସଂକ୍ରମଣ ରୋକିବା ପାଇଁ ଗାଜିଆବାଦ ଓ ନୋଏଡ଼ା ବର୍ଡର ସିଲ୍ କରିଛନ୍ତି । ଠିକ୍ ସେହିଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଶ୍ଚିମବଙ୍ଗ ବର୍ଡର ଅତିକମରେ ୨ ସପ୍ତାହ ପାଇଁ ସିଲ୍ କରିବା ଉଚିତ୍ ବୋଲି ମୁଁ ଭାବୁଛି ।’